2017-06-25 09:02:18 clouds 27o High | Kigali Rwanda

Dukurikire:
 
 

Hagiye gukorwa ubushakashatsi bwo kumenya ‘abasportifs’ bazize Jenoside

Yanditswe na IMVAHO NSHYA

Kuya 2017-04-11 09:17:30

 
Share on:
 
Yasuwe:132
 
Yavuzweho:200
 
10
 
10

Komite Olempike y’u Rwanda ifatanyije na Minisiteri y’umuco na Siporo “MINISPOC” ndetse na Komisiyo yo kurwanya Jenoside “CNLG” barimo gutegura ubushakashatsi bwa gihanga bwo kumenya imyirondoro n’umubare w’abari mu muryango mugari wa Siporo bazize Jenoside yakorewe Abatutsi muri Mata 1994.

Iki ni igitekerezo kigiye gushyirwa mu bikorwa mu minsi iri imbere hamaze kuboneka ubushobozi nk’uko byemejwe na Bizimana Festus, Visi Perezida wa kabiri wa Komite Olempike y’u Rwanda mu kiganiro kihariye yagiranye n’Imvaho Nshya.

Bizimana avuga ko iki kizaba ari igisubizo cyo kumenya neza umubare w’abazize Jenoside bari aba ‘sportifs’ mu kwirinda ko habaho kwibeshya ku makuru yari yamaze gutangwa.

Bizimana yagize ati “Haracyari ikibazo cyo kumenya umubare nyawo w’abazize Jenoside bari muri Siporo, ku buryo habaho urutonde ntakuka rw’abari abakinnyi bazize Jenoside mu buryo ntakuka, n’ubwo hari abazwi‘’.

Yakomeje agira ati “Igitekerezo kirahari ariko harimo hashakishwa uburyo n’inzira zizakoreshwa, kuko ubu buzaba ari ubushakashatsi bwa siyansi bwimbitse kandi bwa gihanga. Naho ubundi ushobora gusanga nka Volleyball cyangwa Basketball yibuka ikaba yakwibagirwa nk’umuntu umwe, hakaboneka umuntu uvuga ati hari mugenzi wanjye wakinaga Volleyball mutavuga kandi yarazize Jenoside nawe cyangwa tukavuga n’uwapfuye azize uburwayi, mbese turashaka gukuraho uko kwibeshya’’.

atlantis ad

TANGA IGITEKEREZO

 
 
AMATEGEKO AGENGA IYANDIKA RY'IGITEKEREZO CYAWE