Advertisement
 
 
 
 
 
 
 
 

Siporo | Siporo Mu Rwanda

Hadi agiye kwitabira isiganwa muri Irlande   

  Yanditswe na Dusingizimana Remy
 May 2016

 
 

Hadi Janvier ukinira ikipe ya Stradalli Bike Aid mu Budage atangaza ko yiteguye kwitwara neza mu isiganwa ry’iminsi 8 rizabera mu gihugu cya Irlande “An Post Ras” rizatangira taliki ya 22 kugeza ku ya 29 Gicurasi 2016.

Iri rushanwa rigiye kuba ku nshuro ya 64 ryitabirwa n’amakipe atandukanye yo ku mugabane w’u Burayi rikaba riri ku kigero cya 2.2 kimwe na “Tour du Rwanda”.

Mu kiganiro Hadi yagiranye n’Imvaho Nshya yagize ati “Irushanwa turyiteguye neza n’ubwo hamaze igihe cy’ubukonje bwinshi bwatubuzaga gukora imyitozo ubu bwaragabanutse nta kibazo dufite nta gihindutse kuko urabizi iminsi ijya ihinduka tuzitwara neza”.

JPEG - 113.6 kb
Hadi Janvier (ibumoso) ari kumwe na mugenzi we bakinana mu ikipe Stradalli Bike Aid mu Budage

Hadi yakomeje avuga ko intego ajyanye muri iri rushanwa ari ugukoresha imbaraga ze hanyuma Imana ikamugenera.

Ati “Ngomba gukora uko nshoboye kubera Imana inzozi zishobora kuba impamo nkuko n’izindi zabaye impamo”.

Rimwe na rimwe abakinnyi bo muri Afurika birabagora gusoza amasiganwa ku mugabane w’u Burayi, Hadi Janvier yagize icyo abivugaho.

Ati “Umukinnyi uri hano aturutse muri Afurika ntabwo yaza ngo ahite aca ibintu bitwara igihe ngo amenyere. Ujye urebera ku bakinnyi bakomeye muri Afurika ubare imyaka bamaze baba i Burayi ubu nibwo bari kugaragara. Umukinnyi ashobora kurangiza imyaka ibiri asiganwa ariko amasiganwa yarangije akaba abarirwa ku ntoki. Iyo turi hano tuba turi kwiga, mu gihe runaka bigenda neza”.

Hadi ukinana na Nsengimana Bosco muri iyi kipe ya Stradalli Bike Aid avuga ko uyu mugenzi we batazajyana kuko afite ikibazo cy’ibyangombwa byenda kurangira akaba yitegura kuza mu Rwanda gushaka ibindi.

 

Comments

 
 
Rayon Sports yatsinze Bugesera FC ikomeza kuyobora shampiyona
Rayon Sports yatsinze Bugesera FC ikomeza kuyobora shampiyona

Bugesera FC 0-1 Rayon Sports Ikipe ya Rayon Sports nyuma yo gutsinda Bugesera FC igitego 1-0 mu mukino w’umunsi wa 21 ikomeje kuyobora urutonde rwa shampiyona bikomeza no kuyiha amahirwe yo (...)

Bugesera FC igiye kwakira Rayon Sports iyoboye shampiyona
Bugesera FC igiye kwakira Rayon Sports iyoboye shampiyona

Bugesera FC-Rayon Sports (Nyamata-15h30) Ikipe ya Bugesera FC irakira ikipe ya Rayon Sports iyoboye urutonde rwa shampiyona by’agateganyo mu mukino urabera i Nyamata saa cyenda n’igice (15h30) (...)

Volleyball: Nkurunziza  weguye ku buyobozi agiye gusimbuzwa
Volleyball: Nkurunziza weguye ku buyobozi agiye gusimbuzwa

Nkurunziza Gustave wari uherutse kongera gutorerwa kuyobora ishyirahamwe ry’umukino wa Volleyball mu Rwanda “FRVB” muri manda ya kabiri yeguye nyuma y’ukwezi kumwe. Ku mugoroba wo ku wa Mbere (...)

Amagare: Ikipe y’u Rwanda yasoje ari iya gatatu muri Tour du  Cameroun
Amagare: Ikipe y’u Rwanda yasoje ari iya gatatu muri Tour du Cameroun

Ikipe y’u Rwanda yari yitabiriye isiganwa rya “Tour du Cameroun 2017” kuva taliki 11-19 Werurwe 2017 ntabwo yitwaye neza nk’uko byari byitezwe nyuma y’aho umukinnyi waje hafi yaje ku mwanya wa 10 (...)

Umutoza wa APR FC aracyafite icyizere cyo kwegukana igikombe
Umutoza wa APR FC aracyafite icyizere cyo kwegukana igikombe

Nyuma y’umunsi wa 21 wa shampiyona y’icyiciro cya mbere, ikipe ya APR FC iri ku mwanya wa 2 n’amanota 41 irushwa amanota 2 na Rayon Sports iri ku mwanya wa mbere n’amanota 43 gusa iyi kipe ikaba (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.