Advertisement
 
 
 
 
 
 
 
 

Siporo | Siporo Mu Rwanda

Habimana ashobora kuba umutoza wa Musanze FC   

  Yanditswe na BIZIMANA ERIC
 August 2016

 
 

Habimana Sosthene “Lumumba” watozaga Sunrise FC akaba yaranaciye muri Rayon Sports ni we uhabwa amahirwe yo kuba umutoza mushya wa Musanze FC.

Amakuru agera kuri Imvaho Nshya ahamya ko iki cyumweru kiza kurangira asinye amasezerano yo gutoza iyi kipe.

Ni nyuma y’ibiganiro byimbitse bimaze iminsi hagati ya Musanze FC n’abatoza Habimana Sosthene Lumumba kimwe na Hitimana Thierry bombi bigeze gutoza Rayon Sports.

Aba bombi bashobora kuvamo uwasimbura George Ssemogerere, umugande utazahabwa amasezerano mashya muri Musanze FC.

JPEG - 221.2 kb
Habimana Sosthene waciye muri Rayon Sports akaba yatozaga Sunrise FC, ni we uhabwa amahirwe yo kuba umutoza wa Musanze FC

Habimana yatangarije Imvaho Nshya ko ari mu biganiro na Musanze FC nyuma y’uko atakifuza gukomeza gutoza Sunrise FC, ikipe bivugwa ko izazana Gatera Alphonse watozaga Espoir FC y’i Rusizi muri shampiyona ishize ya 2015-2016.

Habimana yagize ati ’’Ntitwigeze tuganira n’abayobozi ba Sunrise FC, ntabwo nzasubirayo. Musanze FC yo twaraganiriye ariko ntiturashyiraho umusozo. Impande zombi zaraganiriye ariko bishobora kujya mu nzira nziza. Nzi ko iki cyumweru gishira birangiye’’.

Yakomeje agira ati ’’Ibisabwa bigiye mu bikorwa nta kibazo najyayo. Ibyo mbasaba ni ibisanzwe nta bigoye nta bihambaye bihari. Ni nk’iby’umukozi wese asaba”.

Imvaho Nshya yagerageje kuvugana na Moussa Masumbuko umunyamabanga mukuru wa Musanze, ntibyakunda.

Gusa umwe mu bari hafi y’ubuyobozi bwa Musanze FC yabwiye Imvaho Nshya ko bagitegereje ko Akarere Musanze kabaha amafaranga kabemereye mu ngengo y’imari ya miliyoni 155 iyi kipe izakoresha muri shampiyona.

Ubuyobozi bwa Musanze FC bukomeje gushakisha umutoza uzafasha iyi kipe kuzatongera gusoza shampiyona irwana no kumanuka dore ko uyu mwaka wa 2015-2016 iyi kipe yageze ku munsi wa nyuma w’imikino itari yizera kuguma mu cyiciro cya mbere.

Umutoza George Ssemogerere ukomoka muri Uganda yari yazanywe ngo afashe iyi kipe ariko biranga kuko yaje ku mwanya wa 14 n’amanota 29. Mu mikino 30, yatsinze imikino 7 inganya 8 itsindwa 15.

 

Comments

 
 
Habimana yegukanye imidali itatu mu mukino w’amagare utamenyerewe mu Rwanda
Habimana yegukanye imidali itatu mu mukino w’amagare utamenyerewe mu Rwanda

Abakinnyi babiri b’Abanyarwanda basanzwe bakina umukino wo gusiganwa ku magare ari bo Habimana Jean Eric ukinira Fly na Munyaneza Didier ukinira Benediction Club y’ i Rubavu bari muri Afurika (...)

Inteko rusange ya FERWAFA yitezweho gutangiza amarushanwa y’ingimbi
Inteko rusange ya FERWAFA yitezweho gutangiza amarushanwa y’ingimbi

Inama y’inteko rusange isanzwe y’ishyirahamwe ry’umupira w’amaguru mu Rwanda “FERWAFA” yitezweho gushaka umuti urambye ku bibazo bikibangamiye umupira w’amaguru mu Rwanda binarimo icy’amarushanwa (...)

Rayon Sports yatsinze Bugesera FC ikomeza kuyobora shampiyona
Rayon Sports yatsinze Bugesera FC ikomeza kuyobora shampiyona

Bugesera FC 0-1 Rayon Sports Ikipe ya Rayon Sports nyuma yo gutsinda Bugesera FC igitego 1-0 mu mukino w’umunsi wa 21 ikomeje kuyobora urutonde rwa shampiyona bikomeza no kuyiha amahirwe yo (...)

Bugesera FC igiye kwakira Rayon Sports iyoboye shampiyona
Bugesera FC igiye kwakira Rayon Sports iyoboye shampiyona

Bugesera FC-Rayon Sports (Nyamata-15h30) Ikipe ya Bugesera FC irakira ikipe ya Rayon Sports iyoboye urutonde rwa shampiyona by’agateganyo mu mukino urabera i Nyamata saa cyenda n’igice (15h30) (...)

Volleyball: Nkurunziza  weguye ku buyobozi agiye gusimbuzwa
Volleyball: Nkurunziza weguye ku buyobozi agiye gusimbuzwa

Nkurunziza Gustave wari uherutse kongera gutorerwa kuyobora ishyirahamwe ry’umukino wa Volleyball mu Rwanda “FRVB” muri manda ya kabiri yeguye nyuma y’ukwezi kumwe. Ku mugoroba wo ku wa Mbere (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.