2017-06-28 08:00:46 clouds 27o High | Kigali Rwanda

Dukurikire:
 
 

Guhura na APR FC iri mu bihe bibi ni ikibazo – Umutoza wa Etincelles FC

Yanditswe na IMVAHO NSHYA

Kuya 2017-03-31 09:33:52

 
Share on:
 
Yasuwe:624
 
Yavuzweho:200
 
10
 
10

Umutoza w’ikipe ya Etincelles FC, Ruremesha Emmanuel aravuga ko gukina na APR FC iri mu bihe bibi ari ikibazo gikomeye.

Ibi arabitangaza mbere yo kwakira APR FC mu mukino w’umunsi wa 22 wa shampiyona uzabera kuri Sitade Rubavu ejo ku wa Gatandatu taliki 01 Mata 2017.

Agaruka kuri uyu mukino, Ruremesha yavuze ko APR FC izaza ari intare yakomeretse ishaka gutsinda kugira ngo igerageze gusatira Rayon Sports ya mbere iyirusha amanota 11.

Ati ’’Guhura na APR FC imaze iminsi itakaza na byo ni ikibazo gikomeye, ariko natwe twari tumaze igihe tutitwara neza ari nabyo biduha gushyiramo ingufu kuri uyu mukino’’.

JPEG - 142 kb
Ruremesha Emmanuel, umutoza wa Etincelles FC wemeza ko gukina na APR FC imaze iminsi itakaza bitoroshye (Foto Bugingo F)

Uyu mutoza azakina uyu mukino yizeye ko rutahizamu we Kambale Salita Gentil yagarutse mu bihe bye nyuma yo kugira imvune n’ibibazo byo mu muryango. Ruremesha yanzuye yemeza ko uyu uzaba ari umukino w’ishiraniro ku makipe yose azaba ashaka kuva mu bihe bibi amazemo iminsi.

Ati ’’Ntekereza ko uzaba ari umukino urimo ishyaka ku mpande zombi, twese dushaka gutsinda, twese dushaka kugarura icyizere ku bakunzi bacu. Nka twe abafana bamaze iminsi batishimye ”.

Umutoza mukuru wa APR FC Jimmy Mulisa, avuga ko yiteguye kwitwara neza ashingiye ku byo yagiye akosora mu bakinnyi be abinyujije mu mikino ya gicuti yakinnye harimo n’uwo yatsinzemo Isonga FC 1-0 ku wa Gatatu taliki 29 Werurwe 2017.

Ati ’’Tumaze iminsi tutitwara neza ariko urabona ko ubutumwa maze iminsi mpa abakinnyi banjye barimo barabwumva, ibyo mbasaba barimo kubikora kandi harimo ishyaka bimpa icyizere cy’uko dushobora kwitwara neza mu mikino iri imbere”.

APR FC kuri ubu iri ku mwanya wa kabiri n’amanota 41 mu gihe Etincelles FC ari iya 8 n’amanota 26.

atlantis ad

TANGA IGITEKEREZO

 
 
AMATEGEKO AGENGA IYANDIKA RY'IGITEKEREZO CYAWE