Advertisement
 
 
 
 
 
 
 
 

Siporo | Siporo Mu Rwanda

Gicumbi yagejeje muri FERWAFA abakinnyi 27 izifashisha   

  Yanditswe na MURENGERANTWARI DOMINIQUE
 September 2016

 
 

Ikipe ya Gicumbi FC yamaze kugeza mu ishyirahamwe ry’umupira w’amaguru mu Rwanda “FERWAFA” urutonde rw’abakinnyi 27 izifashisha mu mwaka w’imikino wa 2016-2017.

Ni urutonde rugaragaraho abakinnyi 14 basanzwe muri iyi kipe aribo Uwingabire Olivier,Uwineza Jean de Dieu, Uwimana Jean de Dieu, Muhumure Omar, Hakorimana Hamad, Uzayisenga Maurice, Ntijyinama Patrick, Harerimana Fidele, Harerimana Obedi, Mudeyi Suleyimani, Mutebi Rachid, Ndayambaje Selemani Dushimimana Irene na Djemba Banga Kalume.

JPEG - 213.5 kb
Uwingabire Olivier (12) ari mu bakinnyi bagumye muri Gicumbi FC

Haragaragaraho abakinnyi bashya 13 ari bo Musoni Theophile (Rayon Sports), Nshimiyimana Jean Claude (Espoir FC), Mizero Alain (SEC), Mungwarareba Aphrodis (Musanze FC), Gasore Kalisa Patrick (GTC), Nyabyenda Jean de Dieu (Sunrise FC), Shyaka Pierre Celestin (Pepiniere FC), Niyonzima Emmanuel (Mukura VS), Nkunzimana Saadi (Pepiniere FC), Nduwayo Valens (Hope), Mugisha Patrick (Rwamagana City FC), Rutayisire Egide (Musanze FC) na Rugerinyange Kalim (SEC).

N’ubwo yaguze abakinnyi bashya, Gicumbi FC yatakaje abakinnyi b’inkingi nka Rucogoza Aimable Mambo wagiye muri Bugesera FC, Antoine Dominique Ndayishimiye wagiye muri Police FC na Ivan Senyange wagiye muri Rayon Sports.

Umutoza wungirije wa Gicumbi FC, Kamali Methode avuga ko abakinnyi babo bamaze kugera ku rwego rwiza mu byumweru bitatu bamaze mu myitozo n’ubwo hakiri ikibazo cy’imyitozo ngororamubiri.

Yagize ati “Ntabwo imibiri yabo yari yamenyerana ku buryo wavuga ngo shampiyona itangiye bahita bakina ariko ku bijyanye na tekinike wabona ko bari ku rwego rwiza. Ariko ku bijyanye n’ingufu ntibari ku rwego rwiza ku buryo bakina iminota 90 ahubwo bashobora nibura gukina 45. Ikindi gisigaye ni uguhuza imikino”.

Kamali akavuga ko shampiyona izajya kugera baramaze kwitegura bihagije cyane ko bagiteganya imikino ine ya gicuti. Gicumbi FC igiye gutangira umwaka itagihabwa inkunga n’akarere ikaba kuri ubu iri mu maboko y’abaturage ba Gicumbi.

 

Comments

 
 
Basketball: Patriots BBC irakira REG BBC mu mukino w’ishiraniro
Basketball: Patriots BBC irakira REG BBC mu mukino w’ishiraniro

Uyu munsi : Espoir BBC- APR BBC (Amahoro-19h00) ; Patriots BBC - REG BBC (Amahoro -21h00) Ejo tariki 29-04-2017: IPRC Kigali - CSK BBC (Amahoro-16h00) Tariki 30-04-2017: UGB BBC - Rusizi BBC (...)

Rayon Sports: Nshimiyimana yemeje ko nta kibazo afitanye na Masudi
Rayon Sports: Nshimiyimana yemeje ko nta kibazo afitanye na Masudi

Umutoza wungirije wa Rayon Sports, Nshimiyimana Maurice bakunze kwita Maso yatangaje ko nta kibazo afitanye n’umutoza mukuru Masudi Djuma. Masudi Djuma yahagaritswe imikino ibiri n’ubuyobozi (...)

Mu Rwanda hari abana bafite impano ariko ntibategurwa neza-Rubona
Mu Rwanda hari abana bafite impano ariko ntibategurwa neza-Rubona

Umutoza w’ishyuri ry’umupira w’amaguru ry’ikipe ya APR FC, Rubona Emmanuel atangaza ko mu Rwanda hari abana bafite impano mu mupira w’amaguru ariko bakaba badategurwa neza. Umutoza Rubona (...)

Kwizera Olivier ni we nzaraga inkoni yanjye mu ikipe y’igihugu-Ndoli
Kwizera Olivier ni we nzaraga inkoni yanjye mu ikipe y’igihugu-Ndoli

Ndoli Jean Claude, umunyezamu wa AS Kigali n’ikipe y’igihugu “Amavubi” arahamya ko Kwizera Olivier ari we munyezamu yakwifuza kubona asigara mu izamu ry’ikipe y’igihugu “Amavubi” cyane ko abasigaye (...)

Umutoza wa Rayon Sports aracyafite icyizere cyo gusezerera Rivers United
Umutoza wa Rayon Sports aracyafite icyizere cyo gusezerera Rivers United

Tariki 22-04-2017: Rayon Sports-Rivers United (Amahoro-15h30) Umukino ubanza: Rivers United 2-0 Rayon Sports Ikipe ya Rayon Sports yatsinzwe umukino ubanza n’ikipe ya Rivers United yo muri (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.