2017-08-21 15:16:56 clouds 27o High | Kigali Rwanda

Dukurikire:
 
 

Gicumbi FC: Nyuma y’iminsi 10 umutoza Ruremesha yeguye, yasubiye ku kazi

Yanditswe na IMVAHO NSHYA

Kuya 2016-06-02 05:57:22

 
Share on:
 
Yasuwe:8
 
Yavuzweho:200
 
10
 
10

Umutoza wa Gicumbi FC, Ruremesha Emmanuel wari umaze iminsi 10 asezeye ku kazi yemeye kugasubiraho nyuma y’uko ubuyobozi bugerageje gukemura ibibazo byari byatumye asezera.

Ruremesha yari yatangaje ko yeguye taliki 21 Gicurasi 2016 nyuma y’umukino Gicumbi FC yatsinzemo Sunrise FC ku mpamvu z’ibibazo byugarije ikipe birimo kutegerwa n’ubuyobozi, ibirarane by’uduhimbazamusyi tw’imikino itatu iheruka, ibirarane by’imishahara y’amezi atatu, ibura ry’imiti no kutishyura umunyegare uzana amazi akoreshwa n’abakinnyi.

Mu kiganiro yagiranye n’Imvaho Nshya taliki 31 Kamena 2016, Ruremesha yavuze ko ibiganiro byamuhuje na Kapiteni n’abayobozi ba Gicumbi FC ari byo byatumye afata icyemezo cyo kwisubiraho akagaruka muri iyo kipe.

JPEG - 162.6 kb
Ruremesha Emmanuel wari weguye muri Gicumbi FC yasubiye ku kazi (Foto Bugingo F)

Imwe mu myanzuro y’ingenzi yafatiwemo muri iyi nama ni uko abayobozi biyemeje kwegera iyi kipe ndetse bakanatanga uduhimbazamusyi tw’imikino itatu ku bakinnyi.

Ruremesha yagize ati "Twasubiye ku kazi. Imiti bayitanze, batanze uduhimbazamusyi tw’abakinnyi banatwizeza ko taliki 11 Kamena 2016 ibibazo by’imishahara bazaba barangije kubikemura. Ibyo nabonye bigoye ni ibyo kubona utwitaho, gusa umunyamabanga mukuru twaganiriye ambwira ko agiye gukora ibishoboka ku buryo nawe yongera akegera ikipe, ikibazo kibaye tukagerageza kugifatanya mu bushobozi buhari".

Umutoza wa Gicumbi yanavuze ko iyi kipe igomba gusubukura imyitozo mu gihe abakinnyi bari barayihagaritse kubera kudahembwa.

Ati"Kuri uyu wa Gatatu twatangiye imyitozo. Abakinnyi bake ni bo bari bahari, abandi ni ukubahamagaza; kuko nk’abumvishe ko hatanzwe uduhimbazamusyi barahita baza. Ikibazo gisigaye uduhimbazamusyi ntidufatwa n’abakinnyi bose, n’abatadufata turasaba ko bagira akantu gato babaha kugira ngo babashe gukora imyitozo nabo bameze neza".

Ruremesha arasaba abakunzi ba Gicumbi FC gushyigikira ikipe yabo niba bifuza ko yitwara neza. Iyi kipe ni iya 7 ku rutonde rwa shampiyona n’amanota 32.

atlantis ad

TANGA IGITEKEREZO

 
 
AMATEGEKO AGENGA IYANDIKA RY'IGITEKEREZO CYAWE