2017-05-24 10:43:15 clouds 27o High | Kigali Rwanda

Dukurikire:
 
 

FIFA: U Rwanda rwazamutseho imyanya 6 ku rutonde

Yanditswe na Claude Ntawitonda

Kuya 2016-11-25 10:16:31

 
Share on:
 
Yasuwe:0
 
Yavuzweho:200
 
10
 
10

Ikipe y’u Rwanda iheruka gukina umukino taliki 03 Nzeri 2016 aho yanganyaga na Ghana igitego 1-1, ikomeje kuzamuka ku rutonde ngarukakwezi rukorwa n’ishyirahamwe ry’umupira w’amaguru ku isi “FIFA”.

Nyuma y’uyu mukino urutonde rwasohotse taliki 15 Nzeri 2016, u Rwanda rwahise ruzamukaho imyanya 14 ruva ku 122 rugera ku 107. Mu Kwakira 2016 nta mpinduka kuko rwagumye kuri uyu mwanya. Urutonde rwashyizwe ahagaragara ejo hashize taliki 24 Ugushyingo 2016, u Rwanda rwazamutseho imyaka 6 ruva ku 107 rugera ku 101 ku isi na 27 muri Afurika. Ibi bivuze ko kuva muri Nzeri 2016 rumaze kuzamukaho imyanya 20.

Muri aka karere k’Afurika y’u Burasirazuba, Uganda ni yo iri imbere aho iri ku mwanya wa 73 ku isi na 18 muri Afurika. Ikurikiwe na Kenya iri ku mwanya wa 89 na 21 muri Afurika. Hakurikiraho u Rwanda (101), Ethiopia (115), Sudani (140),Tanzania (160), Sudani y’Epfo (169), Djibouti, Eritrea na Somalia (205).

JPEG - 665.5 kb
Amavubi amaze kuzamukaho imyanya 20 kuva muri Nzeri 2016

Ikipe y’igihugu ya Senegal n’ubwo iheruka gutsindwa n’Afurika y’Epfo mu gushaka itike y’igikombe cy’isi, ubu ni yo iri ku mwanya wa mbere muri Afurika ikaba ku mwanya wa 33 ku isi. Ikurikiwe na Cote d’Ivoire (34), Tunizia (34), Misiri (36) naho Algeria yigeze kuyobora uru rutonde iri ku mwanya wa 38 ku isi.

Muri Afurika, ikipe ya Namibiya ni yo yazamutse cyane ku rutonde imyanya 20 aho yavuye ku 118 ikajya ku mwanya wa 98. Hari kandi Burkina Faso yazamutseho imyanya 17, Ethiopia yazamutseho 11 na Misiri na Nigeria zizamukaho 10.

Uretse aya makipe y’ibihugu yazamutse ku rutonde, Tchad ni cyo gihugu cyasubiye inyuma cyane ku ruronde aho cyasubiye inyuma ho imyanya 49 kiva ku mwanya wa 103 kigera ku 153. Ikindi gihugu cyasubiye inyuma ni Guinea Equatorial (22),Tanzania (16) na Congo Brazza (15).

Muri rusange Argentine ni yo iyoboye urutonde rw’isi igakurikirwa na Brazil, u Budage, Chili naho u Bubiligi bukaza ku mwanya wa 5.

atlantis ad

TANGA IGITEKEREZO

 
 
AMATEGEKO AGENGA IYANDIKA RY'IGITEKEREZO CYAWE