Advertisement
 
 
 
 
 
 
 
 

Siporo | Siporo Mu Rwanda

FIFA: U Rwanda rwazamutseho imyanya 14 rubikesha kunganya na Ghana   

  Yanditswe na BIZIMANA Eric
 September 2016

 
 

Ikipe y’igihugu y’umupira w’amaguru “Amavubi” yazamutse imyanya 14 ku rutonde ngarukakwezi rwa FIFA. Uru urutonde ahanini rwubakiye ku buryo amakipe yitwaye mu mikino y’ibihugu yabaye mu kwezi gushize no mu ntangiriro za Nzeli 2016.

Kuri uru rutonde, Amavubi yaje ku mwanya wa 107 avuye mu mwanya wa 121 ku rwego rw’isi mu kwezi gushize abikesha kunganya na Ghana igitego 1-1 mu mukino wo gushaka itike ya CAN 2017 mu mukino wabaye taliki 03 Nzeli 2016 i Accra muri Ghana.

Ikipe ya Ghana yanganyije n’Amavubi ikanatsindwa n’u Burusiya mu mukino wa gicuti yo yamanutseho imyanya umunani igera ku mwanya wa 43 ku rwego rw’isi ivuye ku mwanya wa 35 yari iriho muri Kanama 2016.

JPEG - 353.4 kb
Ikipe y’u Rwanda nyuma yo kunganya na Ghana yazamutseho imyanya 14 ku rutonde rwa FIFA

Iyi mikino mpuzamahanga ni nayo yatumye igihugu cya Brazil cyatsinze Colombia na Equator mu gushaka itike y’igikombe cy’isi cya 2018 kizamukaho imyanya itanu kigera ku mwanya wa 4 ku rwego rw’isi naho Espagne n’u Butaliyi ziva mu makipe 10 ya mbere ku rwego rw’isi.

Muri rusange Argentine iracyayoboye isi ikurikiwe n’u Bubiligi, u Budage bwageze ku mwanya wa gatatu busimbuye Colombia yamanutseho umwanya umwe isigara inganya amanota na Brazil ya 4 . Chili ni iya 6, Portugal ni iya 7 , u Bufaransa ku mwanya wa 8, Uruguay iba iya 9 naho Wales iza ku wanya wa 10.

Muri Afurika Cote d’Ivoire yisubije icyubahiro isubira ku mwanya wa mbere n’uwa 34 ku isi, Algeria isubira ku mwanya wa kabiri n’uwa 35 ku rwego rw’isi, Senegal ifata umwanya wa gatatu n’uwa 39 ku isi, Tunizia igera ku mwanya wa kane n’ uwa 42, Ghana igera ku wa gatanu ivuye ku wa gatatu mu kwezi gushize.

Ikipe ya RDC iza kumwanya wa gatandatu ivuye kuwa 12, Misiri igera kuwa karindwi ivuye kuwa kane, Congo Brazaville ijya ku mwanya wa 8 ivuye ku wa cyenda naho Mali ifata umwanya wa 10 ivuye ku wa 14.

Mu karere k’Afurika y’i Burasirazuba, Uganda ni yo iyoboye ikaba yagumye ku mwanya wa 65 ku isi, ikurikiwe na Kenya yamanutseho imyanya itatu ikagera kuwa 91, u Rwanda ruzamuka imyanya 14 ruba urwa 107 , u Burundi bumanuka imyanya 6 buba ubwa 129 naho Tanzania imanukaho imyanya 8 igera kuwa 132.

Muri Afurika kandi, ikipe ya Malawi niyo yazamutseho imyanya myinshi 28, ikurikiwe na Libiya yazmautseho 17 ndetse n’u Rwanda (14). Ikipe ya Central Africa yasubiye inyuma ho imyanya 35 igakurikirw ana Cap vert na Sudani y’Amajyepfo zose zatakaje imyanya 14.

 

Comments

 
 
Umutoza wa Rayon Sports aracyafite icyizere cyo gusezerera Rivers United
Umutoza wa Rayon Sports aracyafite icyizere cyo gusezerera Rivers United

Tariki 22-04-2017: Rayon Sports-Rivers United (Amahoro-15h30) Umukino ubanza: Rivers United 2-0 Rayon Sports Ikipe ya Rayon Sports yatsinzwe umukino ubanza n’ikipe ya Rivers United yo muri (...)

Nibabona ntarakoze neza, bazansezerere-Seninga
Nibabona ntarakoze neza, bazansezerere-Seninga

Umutoza mukuru wa Police FC, Seninga Innocent aravuga ko yagerageje kwitwara neza mu mwaka umwe yahawe w’amasezerano muri iyi kipe. Uyu mutoza yari yahawe amasezerano y’umwaka umwe tariki 17 (...)

Tugiye gukina n’ikipe idatsindirwa iwayo ariko ntitugiye gutsindwa - Masudi
Tugiye gukina n’ikipe idatsindirwa iwayo ariko ntitugiye gutsindwa - Masudi

Taliki 16-04-2017: Rivers United-Rayon Sports (Port Harcourt -17h00) Ku ya 22-04-2017: Rayon Sports-Rivers United (Amahoro-15h30) Ikipe ya Rayon Sports irahaguruka mu Rwanda uyu munsi taliki (...)

Rayon Sports yitwaga ikipe y’Abatutsi - Murenzi
Rayon Sports yitwaga ikipe y’Abatutsi - Murenzi

Murenzi Cassim, umwe mu bahoze bakinira Rayon Sports mbere ya Jenoside akanakomeza kuyikurikiranira hafi aravuga ko ibikorwa by’ivanguramoko byageze mu mupira w’amaguru bikibasira bikomeye Abatutsi (...)

Hagiye gukorwa ubushakashatsi bwo kumenya ‘abasportifs’ bazize Jenoside
Hagiye gukorwa ubushakashatsi bwo kumenya ‘abasportifs’ bazize Jenoside

Komite Olempike y’u Rwanda ifatanyije na Minisiteri y’umuco na Siporo “MINISPOC” ndetse na Komisiyo yo kurwanya Jenoside “CNLG” barimo gutegura ubushakashatsi bwa gihanga bwo kumenya imyirondoro (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.