Advertisement
 
 
 
 
 
 
 
 

Siporo | Siporo Mu Rwanda

FERWAFA ntacyo izafasha amakipe azahura n’ ingaruka z’ihagarara rya shampiyona   

  Yanditswe na BIZIMANA Eric
 April 2016

 
 

Ubuyobozi bw’ishyirahamwe ry’umupira w’amaguru mu Rwanda “FERWAFA” bwavuze ko budafite amikoro yo gufasha amakipe azagerwaho n’ ingaruka zo guhagarara kwa shampiyona ryabaye kuva mu Gushyingo 2015 kugeza muri Gashyantare 2016, ubwo u Rwanda rwiteguraga kwakira CHAN 2016.

Ibi byatangajwe na Nzamwita Vincent De Gaule, umuyobozi wa FERWAFA, mu kiganiro yagiranye n’Imvaho Nshya ku biza kuganirwaho mu nama y’inteko rusange ya FERWAFA iza guterana kuri uyu wa gatandatu taliki 16 Mata 2016 kuri Hoteli Golden Tulip i Nyamata.

Nzamwita yavuze ko iyi nama iza kwiga kuri raporo y’ikoreshwa ry’umutungo na gahunda y’ibikorwa biteganyijwe, hakaniyongeraho utuntu n’utundi.

JPEG - 212.8 kb
Nzamwita Vincent De Gaule uvuga ko nta mikoro bafite yo gufasha amakipe azahura n’ingaruka zo guhagarara kwa shampiyona (Foto James R)

Bamwe mu baza muri iyi nama bamaze gutangaza ko batishimiye icyemezo cyo guhagarika shampiyona amezi ane, batanagishijwe inama. Umwe mu babivuze ku mugararagaro ni Sheikh Habimana Hamdan, umunyamabanga mukuru wa Mukura VS wavuze ko uku guhagarara gushobora kuzagira ingaruka ku gihe shampiyona izarangira bikaba byateza icyuho mu bushobozi bw’amwe mu makipe.

Habimana ati "Burya iyo uhagaritse amezi atatu abakinnyi ubahemba, ubatunze, ubavuza ntabwo biba byoroshye. Noneho na ba bayobozi baguhagaritse ntibarebe ngo bo bazabigiramo uruhe ruhare ngo bagufashe muri ibyo bibazo baguteye".

Kuri iki kibazo, Nzamwita yabanje kwemera ko bigoye gutunga no guhemba abakinnyi badakora, gusa avuga ko bakoze ibishoboka byose kugira ngo shampiyona irangirire ku gihe, kabone n’ubwo bizajya bisaba ko amakipe akina kabiri mu cyumweru.

Nzawita yagize ati "Yabaye ndende kubera CHAN2016, kandi zari gahunda z’igihugu. Icyo gihe twahagaze amakipe yarahembaga. Ni yo mpamvu natwe twavuze ngo dukine kenshi gashoboka abantu bakine kuwa kabiri no kuwa gatandatu. Biravunanye ariko nta kundi".

Imvaho Nshya yifuje kumenya niba FERWAFA ishobora kuzunganira amakipe kugira ngo abashe kuzahemba ukwezi kwa Nyakanga kwari gusanzwe kutari mu ngengo y’imari y’amwe mu makipe cyane cyane afashwa n’uturere. Nzamwita yasubije ko iyo nabo baba bafite amikoro bari kuzunganira aya makipe, ariko agaragaza ko ntayahari.

Inama y’inteko rusange ya FERWAFA iheruka yari yabereye i Huye kuva taliki 29 kugeza kuya 30 Kanama 2015, yemeza ko umubare w’amakipe y’icyiciro cya mbere uva kuri 14 ukajya kuri 16 muri shampiyona y’uyu mwaka wa 2015-2016.

 

Comments

 
 
Bitayigoye, Rayon Sports yakomeje mu mikino ya Afurika
Bitayigoye, Rayon Sports yakomeje mu mikino ya Afurika

Rayon Sports 2-0 Al Wau Salaam (6-0) Ikipe ya Rayon Sports yabonye itike yo gukomeza mu cyiciro cya kabiri cy’imikino y’amajonjora mu mikino ya Afurika y’amakipe yitwaye neza iwayo “Total CAF (...)

APR FC yasezerewe na Zanaco FC mu mikino y’Afurika
APR FC yasezerewe na Zanaco FC mu mikino y’Afurika

APR FC 0-1 Zanaco FC Ikipe ya APR FC yasezerewe mu mikino y’Afurika y’amakipe yabaye aya mbere iwayo “Total CAF Champions League 2017” itsinzwe na Zanaco FC yo muri Zambia igitego 1-0 mu mikino (...)

Ibyo ukwiye kumenya ku Munyarwandakazi ushaka kwandikwa muri Guinness World Record
Ibyo ukwiye kumenya ku Munyarwandakazi ushaka kwandikwa muri Guinness World Record

Kuva kuri uyu Gatanu saa mbiri za mu gitondo, Uwamahoro Cathia, araba aharanira gukora bwa mbere umuhigo utarigeze ubaho kuva isi yaremwa, wo kwandikwa mu gitabo cy’abanyaduhigo nk’umukinnyi (...)

Umutoza wa Marines FC ati «Ntako bisa gutsinda Espoir  FC yakanze abantu»
Umutoza wa Marines FC ati «Ntako bisa gutsinda Espoir FC yakanze abantu»

Umutoza w’ikipe ya Marines FC, Nduhirabandi Abdoulkarim uzwi ku izina rya Coka aravuga ko yishimiye gutsinda ikipe ya Espoir FC yari imaze iminsi yitwara neza mu mikino ya shampiyona. Ni nyuma (...)

 Minnaert mu minsi 10 ye ya mbere nk’umutoza wa Mukura
Minnaert mu minsi 10 ye ya mbere nk’umutoza wa Mukura

Ishusho y’iminsi 10 ishize Mukura VS ihaye akazi umubiligi Ivan Minnaert ko gusimbura Umurundi Okoko Godefroid weguye ku mpamvu z’umusaruro mubi. Ubuzima ni bushya ku bakinnyi basigaye bakora (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.