Advertisement
 
 
 
 
 
 
 
 

Siporo | Siporo Mu Rwanda

FERWAFA nidategura irushanwa ryo Kwibuka tuzaryitegurira - Mukura VS   

  Yanditswe na BIZIMANA ERIC
 8 April

 
 

Ubuyobozi bw’ikipe ya Mukura VS buvuga ko mu gihe Ishyirahamwe ry’umupira w’amaguru mu Rwanda “FERWAFA” ryaba rinaniwe gutegura irushanwa ryo kwibuka ku nshuro ya 22 Jenoside yakorewe Abatutsi mu 1994, ari bwo bazafata icyemezo cyo kuryitegurira.

Aganira n’Imvaho Nshya, Kayitare Leon Pierre, umuyobozi wa tekinike muri Mukura VS yavuze ko bigeze kujya bategura iri rushanwa, nyuma FERWAFA ikaza kubabwira ko ari yo izajya ibikora muri gahunda yo kwibuka abari mu mupira w’amaguru bahitanywe na Jenoside yakorewe Abatutsi mu 1994 .

Ariko Kayitare avuga ko kuva FERWAFA yabyiyemeza mu 2014, nta na rimwe bari bahuriza hamwe amakipe kugira ngo akine iri rushanwa.

Ati "Twigeze kujya dutegura irushanwa ryo kwibuka, FERWAFA iza kwiyemeza kurishyira mu nshingano zayo ariko kugeza n’ubu ntacyo irabikoraho. FERWAFA yabitwemereye kenshi, itubwira ko iri rushanwa rizajya kuri gahunda y’amarushanwa aba mu Rwanda, ariko kugeza n’uyu munsi ntibigeze babiha agaciro nk’uko mu yandi mashyirahamwe babigenza”.

JPEG - 386.7 kb
Mukura VS ni imwe mu makipe y’umupira w’amaguru yabuze abantu benshi muri Jenoside yakorewe Abatutsi muri Mata 1994

Uyu muyobozi avuga ko mu gihe FERWAFA yakongera kubigendamo gahoro muri uyu mwaka, Mukura VS izakora ibishoboka byose ikitegurira irushanwa ryayo.

Ati "Ntabwo nka Mukura Vs tuzareka gukora igikorwa cyo Kwibuka. Icyo duteganya cya mbere ni ukubasomera misa nk’uko bisanzwe, nitubona ikipe cyangwa se amakipe yatwemera ko dukina twe tuzabikora".

Kayitare ntiyemeranya n’abavuga ko muri uyu mwaka nta mwanya waboneka w’iri rushanwa bitewe n’uko gahunda y’imikino yegeranye kubera CHAN 2016 yatumye shampiyona ihagarara amezi hafi 4.

Avuga ko ibi bitabuza ko iri rushanwa riba, akumva rishobora gukinwa mu mpera za Gicurasi 2016 ubwo ikipe y’igihugu izaba yitegura umukino wo gushaka itike ya CAN 2017 uzahuza u Rwanda na Mozambique.
Mukura VS ivuga ko izategura igikorwa cyo gusura umwe mu miryango y’abari abanyamuryango ba Mukura bahitanywe na Jenoside yakorewe Abatutsi mu 1994.

Mukura ni imwe mu makipe yashegeshwe bikomeye na Jenoside
Kayitare Leon Pierre, wakiniraga Mukura VS ubwo Jenoside yabaga, avuga ko Jenoside yatwaye abari abakinnyi bagenzi be barimo uwitwa Rutegazihiga Martin, Musisi Jean Paul n’abandi, abari abayobozi barimo Gakuba Jean Paul wabaye Perezida wayo igihe kirekire n’abari abatoza bayo nka Kayihura Camille.

Kayitare yemeza ko mbere ya Jenoside harimo amacakubiri y’amoko yagaragaraga ubwo habaga habaye kutumvikana. Ati "Mu Rwanda hari amacakubiri agaragara gusa mu makipe abakinnyi bagerageza kubana batahiriza umugozi umwe ntibigaragare.

Iyo warebaga neza mu mibanire yabo no hanze y’ikibuga wabonaga ko hari utuntu tugenda tugaragara tw’amacakubiri dushingiye ku moko no ku turere, ukatubona cyane iyo habaga habaye ukutumvikana n’amakimbirane umwe akajya ku ruhande rumwe undi akajya ku rundi bitewe n’amoko".

Kugeza ubu hamaze kumenyekana abantu 27 bari abakinnyi, abatoza n’abayobozi ba Mukura VS bazize Jenoside yakorewe Abatutsi mu 1994, ari bo Gakuba Paul (wari Perezida), Ngarambe Faustin, Masabo Laurent, Kayitakire Athanase, Karenzi Pierre Claver, Nsonera Pierre, Ngango Felicien, Ntagorama, Ndakaza Joseph, Kanamugire, Karabaranga Servillien, Mulindahabi Charles, Mukubu Rucyahana Faustin, Rutiyomba, Rugema, Karongire, Kente Emmanuel, Kayihura Camille, Sitaki Charles, Theophile Rutagengwa, Musisi Jean Paul, Rudasingwa Justin, Rutegazihiga Martin, Mugirwa Eugene na Rutiyomba Janvier.

 

Comments

Who are you?
Your post
  • To create paragraphs, just leave blank lines.

 
 
Mu myaka 2 tuzaba dufite ikipe y’igihugu y’abagore ikomeye - Rwemalika
Mu myaka 2 tuzaba dufite ikipe y’igihugu y’abagore ikomeye - Rwemalika

Felicite Rwemarika, umuyobozi mu ishyirahamwe ry’umupira mu Rwanda (FERWAFA) ushinzwe by’umwihariko iterambere ry’umupira w’abagore aremeza ko mu gihe cy’imyaka ibiri abanyarwanda bazaba bafite ikipe (...)

Jimmy Mulisa azanye impinduka mu mikinire ya APR FC
Jimmy Mulisa azanye impinduka mu mikinire ya APR FC

Umutoza mushya wa APR FC, Jimmy Mulisa aravuga ko nyuma yo guhabwa iyi ikipe agiye kuvugurura imikinire yayo. Ayo mavugurura Mulisa ateganya ni ayo gutuma APR FC igiye kujya ikina umupira (...)

Nyuma y’umunsi wa 7 wa shampiyona, Rayon Sports ntirinjizwa igitego
Nyuma y’umunsi wa 7 wa shampiyona, Rayon Sports ntirinjizwa igitego

Ikipe ya Rayon Sports yatangiye neza shampiyona y’umwaka wa 2016-2017 ku buryo kugeza itaratsindwa umukino n’umwe ndetse ntirinjizwa igitego mu izamu ryayo, ibintu biboneka gake muri shampiyona (...)

Jimmy Mulisa yizeye gufasha abakinnyi ba APR FC kujya hanze
Jimmy Mulisa yizeye gufasha abakinnyi ba APR FC kujya hanze

Umutoza mushya w’ikipe ya APR FC wanabaye umukinnyi w’ikirangirire w’iyi kipe, Jimmy Mulisa aratangaza ko yiteguye guha ubumenyi akanavugana n’abantu baziranye mu rwego rwo gufasha abakinnyi ba APR (...)

Usengimana Danny yagaragaje aho agifite intege nke nubwo yitwara neza
Usengimana Danny yagaragaje aho agifite intege nke nubwo yitwara neza

Mu buzima busanzwe, buri wese agira icyo ashobora kuruta ibindi ndetse akanagira n’ikintu aba afitemo intege nke. Kwimenya bigufasha mu gufata ingamba zizagenga ubuzima bwawe. Ni nako bimeze kuri (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.