2017-07-21 15:15:02 clouds 27o High | Kigali Rwanda

Dukurikire:
 
 

FERWABA yatewe ishema n’umunyarwanda wageze muri NBA

Yanditswe na IMVAHO NSHYA

Kuya 2017-06-24 07:51:43

 
Share on:
 
Yasuwe:681
 
Yavuzweho:200
 
10
 
10

Ubuyobozi bw’ishyirahamwe ry’umukino wa Basketball mu Rwanda “FERWABA” buravuga ko butewe ishema na Ntilikina Frank, umunyarwanda wa mbere ugiye gukina muri shampiyona ya mbere ku isi muri Amerika “NBA”.

Mu ijoro ryo kuwa kane taliki 22 Kamena 2017 nibwo Ntilikina yatoranyijwe n’ikipe ya New York Knicks nk’umwe mu bakinnyi bato bashaka binjira muri NBA, akaba agiye guhangana n’abakinnyi bakomeye barimo Anthony Carmelo, Derick Rose na Joakim Noah.

Ibitangazamakuru byose bikomeye ku isi byiganjemo ibyo mu Bufaransa byagarutse ku igurwa ry’uyu musore w’imyaka 18, ibilo 86 n’uburerebure bwa metero 1 na cm 96 wakiniraga Strasburg yo mu Bufaransa.

JPEG - 261 kb
Ntilikina Frank (iburyo) wamaze kuba umukinnyi wa New York Knicks

Ibinyamakuru The New York Times na Le Monde byibutsaga uko basoma iri zina ry’ikinyarwanda mu kurinda ko hari uwarisoma nabi naho urubuga “20min.fr” rwo rukamugereranya Tony Parker mushya, umukinnyi w’ibhe byose w’u Bufaransa.

Mu gihe ibi binyamakuru byagarutse cyane kuri uyu musore wabaye umukinnyi mwiza w’irushanwa mu gikombe cy’uburayi mu batarengeje imyaka 18 akinira u Bufaransa, ubuyobozi bwa FERWABA bwo buvuga ko butewe ishema n’uyu musore.

Umunyamabanga mukuru wa FERWABA, Mutabazi Richard yabwiye Imvaho Nshya ko aho azajya anyura hose bazajya bavuga ko ari umunyarwanda cyane ko n’ababyeyi be bombi ari abanyarwanda n’ubwo we yavukiye mu Bubiligi ku ya 28 Nyakanga 1998 akaza kwerekeza i Starsbourg ku myaka itatu akaza gutangira Basketabll ku myaka itanu.

Mutabazi yagize Ati “Yego afite ubwenegihugu ndetse yanakiniye Abafaransa , kandi ntitwari tumuzi, natwe tumumenya muri Euro y’umwaka ushize, N’ubwo atazadukinira ariko ni ishema ku Rwanda kuko aho anyuze bavuga ko afite ubwenegihugu bw’u Rwanda no muri NBA bagashyiramo ko ari umunyarwanda’’.

Kuba abaye umunyarwanda wa mbere ukandagiye muri NBA ni ibyerekana ko hashobora no kuzaboneka abandi bana b’abanyarwanda bazatera intambwe nk’iye ndetse bo bakanakinira ikipe y’igihugu y’u Rwanda.

BIZIMANA ERIC

atlantis ad

TANGA IGITEKEREZO

 
 
AMATEGEKO AGENGA IYANDIKA RY'IGITEKEREZO CYAWE