2017-06-25 13:58:23 clouds 27o High | Kigali Rwanda

Dukurikire:
 
 

Espoir BBC igiye gufasha abarokotse ku bari abanyamuryango bayo

Yanditswe na Admin

Kuya 2016-04-10 09:12:01

 
Share on:
 
Yasuwe:4
 
Yavuzweho:200
 
10
 
10

Abayobozi b’ikipe ya Espoir BBC batangaje ko bari gutegura igikorwa cyo gukusanya inkunga yo gufasha abasigaye mu miryango y’abari abanyamuryango ba Espoir BBC bazize Jenoside yakorewe abatutsi muri Mata 1994.

Umuyobozi w’ikipe ya Espoir BBC,Rutagarama Fidèle yabwiye Imvaho Nshya ko iki ari kimwe mu bikorwa muri bitatu bari gutegura mu kuzirikana abari abanyamuryango babo bazize Jenoside yo muri Mata 1994.

Rutagarama yavuze ko umuryango wa Espoir BBC uzaterana ejo ku Cyumweru taliki 10 Mata 2016 kugira ngo wige ku buryo iyi nkunga yakwegeranywa.

Yagize ati "Twari twaganiriye dusanga bikwiye ko twareba niba hari igikorwa twakora tukaba twakusanya icyo twafashisha abo mu miryango y’abari abanyamuryango bacu bazize Jenoside".

JPEG - 142.8 kb
Umuyobozi w’ikipe ya Espoir BBC, Rutagarama Fidele avuga ko bagiye gukora ibikorwa birimo gusura abarokotse ku bari Abanyamuryango b’iyi kipe

Rutagarama yanavuze ko bazanafata umwanya bakajya gusura ibigo bibiri by’impfubyi nabyo bizemezwa muri iyi nama. Ati "Byose ntiturabifataho umwanzuro, yaba n’ibyo byo kujya gusura ibigo bibiri by’abana b’impfubyi. Ni ibikorwa duteganya mu cyumweru gitaha gusa byombi ni gahunda tuzaganiraho”.

Igikorwa cya nyuma gitegurwa n’umuryango wa Espoir BBC cyo kizaba muri Kamena 2016 ni icyo gutegura irushanwa ryo kwibuka "Memorial Gisembe 2016". Nk’uko umuyobozi wa Espoir BBC abitangaza, iri rushanwa rizaba mu cyumweru cyo kwibuka gitegurwa na Minisiteri y’umuco na siporo na Komite Olempike.

Rutagarama avuga ko bateganya ko irushanwa rizaba mu byiciro bibiri. Icya mbere kibe irushanwa ry’ amakipe yo mu Rwanda, rizabonekemo amakipe ane azakina n’andi ane azava mu bihugu bya Uganda, Kenya, u Burundi na RDC mu irushanwa mpuzamahanga. Iri rushanwa rikaba ryaratangiye ritegurwa na Espoir BBC aho ryiriwe Ntagurea Emmanuel bahimbaga Gisembe

atlantis ad

TANGA IGITEKEREZO

 
 
AMATEGEKO AGENGA IYANDIKA RY'IGITEKEREZO CYAWE