Advertisement
 
 
 
 
 
 
 
 

Siporo | Siporo Mu Rwanda

Ese abatoza b’abanyamahanga bakoreye iki “Amavubi” Abanyarwanda batari gushobora?   

  Yanditswe na BIZIMANA Eric
 5 months ago

 
 

Kuva mu ntangiriro y’iki cyumweru, ibitangazamakuru bitandukanye bya hano mu Rwanda bigaruka ku byatangajwe n’abatoza batandukanye hano mu Rwanda bavuga ku byo batekereza ku magambo ya Minisitiri w’umuco na Siporo, Uwacu Julienne wavuze ko abatoza bo mu Rwannda badafite ubushobozi bwo gutoza ikipe y’igihugu "Amavubi".

Amagambo yateje impagarara mu mupira w’u Rwanda yatangajwe na Uwacu Julienne taliki 14 Kamena 2016 ubwo yitabaga inteko ishingamategeko ku ishyirwa mu bikorwa ry’ingengo y’imari ya 2015/2016 n’iya 2016/2017.

Mu ijwi rya Minisitiri Uwacu, ubwo yari abajijwe n’umudepite niba igihe kitageze kugira ngo bahe umwanya abatoza b’abanyarwanda mu gihe n’abanyamahanga ntaho bagejeje Amavubi kandi baba batanzweho amafaranga atari make.

Minisitiri Uwacu yasubije ati "Amakipe yacu adatanga umusaruro nk’uko tubikeneye, ni byo. Bishobora kuba bifite impamvu zitari izishingiye gusa ku bakinnyi cyangwa ku batoza gusa zinajyane naho duturutse mu guteza imbere Siporo. Kuba rero twarafashe umwanzuro muri politiki yacu ko tugomba kubaka siporo ishingiye ku banyarwanda, Abakinnyi ni ngomvbwa ko duteza imbere n’abatoza”.

Yakomeje agira ati “Kugeza ubu abatoza dufite, urwego bariho bashobora gutoza amakipe, baranayatoza yo mu cyiciro cya mbere, ariko na bo hari urwego batarageraho. Ndemeranya n’igitekerezo mwavuze ko twafasha abatoza b’Abanyarwanda kugira ngo bagire ubwo bumenyi n’ubuzobere bituma mu Rwanda bakaba bajya no hanze, bikaba biri muri ya gahunda yo guteza imbere siporo muri rusange.”

“Ntitwagarukira ku kureba abakinnyi tutarebye ababafasha. Mu ngengo y’imari yacu birateganyijwe ko tuzongera umubare w’abantu bafite ubumenyi mu mikino itandukanye, ndetse aho dufite ubumenyi ku banyarwanda twarabitangiye mu mikino itandukanye ko dukoresha abatoza b’abanyarwanda mu gutoza amakipe yacu, n’ubwo hari aho tutarabasha kugikemura".

Usesenguye neza iki gisubizo cya Uwacu nta hantu yigeze avuga ko badashobora gutoza Amavubi ahubwo yerekana ko hari urwego batarageraho.

Ese abo banyamahanga bahawe ikipe y’igihugu barusha iki Abanyarwanda?

JPEG - 111.4 kb
Bamwe mu batoza batoje Amavubi

Karekezi Olivier wahoze ari kapiteni w’Amavubi mu butumwa yanyujije ku rubuga nkoranyambaga rwa “Facebook” yavuze ko nta cyo abanyamahanga bahabwa Amavubi barusha abatoza nka Kayiranga Baptitse uherutse guhabwa Amavubi U-20 agatsindwa na Misiri igitego 1-0 i Kigali yagera i Cairo akakishyura akaza gukurwamo kuri penaliti.

Karekezi n’ubwo atagira uwo avuga mu izina muri aba batoza agaragaza ko nta kidasanzwe bakoze abanyarwanda bananirwa gukora.

Ati "Nyakubahwa Minisitiri Uwacu Julienne mu byubahiro byanyu numvishe uvuga yuko ntabushobozi umunyarwanda afite bwo gutozaikipe y’igihugu, nyamara uwo wakigiriye ukamusinyisha miliyoni 200 n’andi arengaho mu myaka2 utarakuzanira na CECAFA ndumva ariwe udafite ubushobozi".

Umutoza wa Police FC, Casa Mbungo wanigeze gutoza Amavubi by’agateganyo we yerekana ko n’izo mpapuro bavuga ko nawe azifite cyane ko yakoranye amahugurwa n’abatoza bakomeye.

Ati "Nk’iyi ni stage y’abafaransa (yereka abanyamakuru). Uyu ni Didier Deschamps yakoze stage n’ibizamini by’ibyumweru bibiri, yakoreshejwe na diregiteri tekinike w’abafaransa. Mckinstry (utoza Amavubi) yagiye gukora stage iwabo, yamaze icyumweru kimwe gusa. Zidane mwamubonye ajya kwiga igihe kirekire? ahubwo arajyenda akaba atoza bakamuzamura. Abantu baravuga ngo ugomba kuba warize igihe kirekire, si byo. Ukora Licence C ukamara imyaka ibiri, ugakora Licence B ufite aho ukora".

Casa yerekanye ko afite ibyangombwa biri ku rwego mpuzamahanga "Reba nk’iyi ni raporo ya stage nakoreye mu Budage muri 2002, amasomo abiri angana na Licence A, muri 2014 nari mfite Licence B. Ibyo uriya Minisitiri yavuze harimo kwibeshya".
Nshimiyimana Eric wagejeje Amavubi ku mukino wa nyuma wa CECAFA 2009, we asanga Minisitiri Uwacu Julienne adafite ubushobozi bwo kunenga abatoza b’abanyarwanda mu gihe nawe atafite amahugurwa ku butoza. Ati "Njye sinabifashe nabi. Iyaba ari umuntu w’umunyabwenge ujya uza kuduhugura ngo nta bushobozi, byari kuturakaza cyane. Ariko iyo umuntu akubwiye ko nta bushobozi mufite ni uko ntabwo aba azi. Sinagira icyo mvuga ku musirikare ntari umusirikare".

"Minisitiri azabaze neza abo bayoboran ubushobozi tudafite ni ubuhe, ubutaha nasubirayo azaze abisobanure neza.Natwe twaba tugize amahirwe tukamenya ubwo bushobozi tudafite".

Bizimana Abdoul, utoza Amagaju FC we asanga abanyarwanda bahawe umwanya nabo bakwiyerekana.

Ati "Nk’abagore bavuze ngo babahe umwanya muri gahunda y’igihugu tuti ntibishoboka, ubu se we aba arihehe uyu munsi? Nasubire mu ijambo yavuze avuge ati reka mfate abatoza mbahe icyo cyizere nk’uko nabo bakimuhaye, kuko nawe ntawamutoye. Nabashyireho nk’uko n’abandi bariho n’ubundi nta gikombe bari bazana, ntibarajya muri CAN, babihereze abanyarwanda, babahe imyaka itatu nibibananira bavuge ko abanyarwanda batazi gutoza".

Mu mibare nta gishya abanyamahanga bagejeje ku Rwanda

Uretse Ratomir wabashije guhesha itike ya CAN 2004 U Rwanda, nyuma nta wundi mutoza wigeze agira icyo ageze ku ikipe y’igihugu kigaragara. Birakwiye ko aba batoza bicarana na Minisiteri ikabereka icyo babura bakaba bagishaka, kuko ko hari ibihugu nka Nigeria, Senegal byakoresheje abenegihugu kandi bagatwara ibikombe.

 

Comments

  • Nkuranga 21 June

    Why should we waste that huge amount of money to pay those foreigners? Niki gishya batweretse? Umunyarwanda ntanubwo yagusaba amafranga menshi, arìko iyo tubonye a white coach on a touch line tumugirira ikizere koberako ari umuzungu, we need to trust our selves, mubahe amahirwa nabo, hanyuma tuzabagaye byabananiye rather than splashing alot of money on those whites, we are making a double loss, Style up my minister that is poor planning.


pre-moderation

This forum is moderated before publication: your contribution will only appear after being validated by an administrator.

Who are you?
Your post
  • To create paragraphs, just leave blank lines.

 
 
Mu myaka 2 tuzaba dufite ikipe y’igihugu y’abagore ikomeye - Rwemalika
Mu myaka 2 tuzaba dufite ikipe y’igihugu y’abagore ikomeye - Rwemalika

Felicite Rwemarika, umuyobozi mu ishyirahamwe ry’umupira mu Rwanda (FERWAFA) ushinzwe by’umwihariko iterambere ry’umupira w’abagore aremeza ko mu gihe cy’imyaka ibiri abanyarwanda bazaba bafite ikipe (...)

Jimmy Mulisa azanye impinduka mu mikinire ya APR FC
Jimmy Mulisa azanye impinduka mu mikinire ya APR FC

Umutoza mushya wa APR FC, Jimmy Mulisa aravuga ko nyuma yo guhabwa iyi ikipe agiye kuvugurura imikinire yayo. Ayo mavugurura Mulisa ateganya ni ayo gutuma APR FC igiye kujya ikina umupira (...)

Nyuma y’umunsi wa 7 wa shampiyona, Rayon Sports ntirinjizwa igitego
Nyuma y’umunsi wa 7 wa shampiyona, Rayon Sports ntirinjizwa igitego

Ikipe ya Rayon Sports yatangiye neza shampiyona y’umwaka wa 2016-2017 ku buryo kugeza itaratsindwa umukino n’umwe ndetse ntirinjizwa igitego mu izamu ryayo, ibintu biboneka gake muri shampiyona (...)

Jimmy Mulisa yizeye gufasha abakinnyi ba APR FC kujya hanze
Jimmy Mulisa yizeye gufasha abakinnyi ba APR FC kujya hanze

Umutoza mushya w’ikipe ya APR FC wanabaye umukinnyi w’ikirangirire w’iyi kipe, Jimmy Mulisa aratangaza ko yiteguye guha ubumenyi akanavugana n’abantu baziranye mu rwego rwo gufasha abakinnyi ba APR (...)

Usengimana Danny yagaragaje aho agifite intege nke nubwo yitwara neza
Usengimana Danny yagaragaje aho agifite intege nke nubwo yitwara neza

Mu buzima busanzwe, buri wese agira icyo ashobora kuruta ibindi ndetse akanagira n’ikintu aba afitemo intege nke. Kwimenya bigufasha mu gufata ingamba zizagenga ubuzima bwawe. Ni nako bimeze kuri (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.