2017-08-19 07:41:08 clouds 27o High | Kigali Rwanda

Dukurikire:
 
 

Dusingizimana yerekeje mu Bwongereza gusangira n’ibikomerezwa muri Cricket

Yanditswe na IMVAHO NSHYA

Kuya 2016-06-16 05:33:46

 
Share on:
 
Yasuwe:1
 
Yavuzweho:200
 
10
 
10

Dusingizamana Eric, kapiteni w’ikipe y’u Rwanda mu mukino wa Cricket yahagurutse mu Rwanda ejo hashize taliki 15 Kamena 2016 yerekeza mu Bwongereza aho agiye kwitabira ibirori byateguwe n’umushinga wo kubaka Sitade y’uyu mukino mu Rwanda “Rwanda Cricket Stadium Foundation”.

Ibi birori “RCSF Lord’s Dinner” bizaba ejo taliki 17 Kamena 2016 , Dusingizimana waciye agahigo ku Isi ko kumara amasaha menshi akina Cricket azahuriramo n’abakinnyi bakomeye muri uyu mukino ndetse n’abakanyujijeho barimo David Gower wigeze kuba kapiteni w’ikipe y’igihugu y’u Bwongereza.

Mbere yo guhaguruka mu Rwanda Dusingizimana yatangarije Imvaho Nshya ko ikimujyanye ari ukwitabira ibi birori aho azabonana n’abantu batandukanye b’ibihangange muri uyu mukino.

JPEG - 302 kb
Dusingizimana Eric ubwo yari ahagurutse mu Rwanda yerekeza mu Bwongereza (Foto Bugingo F)

Iki gikorwa kikaba kiri muri gahunda yo gushaka inkunga yo kubaka Sitade y’uyu mukino i Gahanga aho avuga ko ubu batangiye no gusiza ku buryo umwaka utaha Sitade yaba irangiye.

Uretse gushaka inkunga, Dusingizimana azakorana imyitozo n’abakinnyi ba hariya kuri Sitade y’amateka “Lord’s Cricket Stadium” buri mukinnyi wese wa Cricket aba yifuza kugeraho kuko ari ho hatangiriye uyu mukino. Akaba avuga ko bizamwungura byinshi mu mikinire ye.

Umuyobozi mukuru mu ishyirahamwe ry’umukino wa Cricket mu Rwanda “RCA”, Mugabe Robert yatangaje ko kuba Dusingizimana yaranditse amateka byafunguye inzira ku iterambere ry’uyu mukino.

Yavuze ko umushinga wa Sitade ya Gahanga ufite agaciro ka miliyoni n’ibihumbi 200 by’amadolari, asaga miliyali 1 na miliyoni 300 y’u Rwanda ubu hakaha hamaze kuboneka angana n’ibihumbi 700 by’amapawundi asaga miliyoni 777.

atlantis ad

TANGA IGITEKEREZO

 
 
AMATEGEKO AGENGA IYANDIKA RY'IGITEKEREZO CYAWE