2017-06-28 08:00:46 clouds 27o High | Kigali Rwanda

Dukurikire:
 
 

Dusigaje byibura gutsinda imikino itandatu tugatwara igikombe-Masudi

Yanditswe na IMVAHO NSHYA

Kuya 2017-03-30 13:57:41

 
Share on:
 
Yasuwe:438
 
Yavuzweho:200
 
10
 
10

Nyuma gutsinda Sunrise FC mu mukino w’ikirarane ibitego 3-1, Rayon Sports yakomeje kuyobora urutonde rwa shampiyona n’amanota 52 ishyiraho ikinyuranyo cy’amanota 11 hagati yayp na APR FC iri ku mwanya wa kabiri n’amanota 41.

Ni ubwa mbere bibaye mu Rwanda ko ikipe igera ku munsi wa 21 irusha ikipe iyikurikiye amanota 11. N’ubwo bisa n’ibigararagara ko Rayon Sports yamaze kwizera igikombe cya shampiyona, umutoza mukuru w’iyi kipe Irambona Masudi Djuma we asanga hakiri kare.

Yagize ati “Haracyari kare cyane, gusa turifuza gutsinda imikino 6 mu mikino 9 dufite imbere ubundi tugatwara igikombe nta gitutu”.

JPEG - 186.5 kb
Kwizera Pierrot na Moussa Camara bafashije Rayon Sports gutsinda Sunrise FC igakomeza kuyobora urutonde rwa shampiyona

Iyi mikino Rayon Sports isigaje ngo shampiyona isozwe ni uw’Amagaju FC, Gicumbi FC, Mukura, Musanze, Kirehe FC, Pepinieres FC, Etincelles FC, APR FC na Kiyovu.

Masudi ati “ Nituramuka tudatsinze iyi mikino 6 ibanza bizaba bishoboka ko igikombe twagitakaza”.

Rayon Sports itsinze iyi mikino yabonamo amanota 18 bikaba amanota 70. Imikino 3 ya nyuma iyitsinzwe nta kabuza ko yatwara igikombe kuko APR FC iramutse itsinze imikino yayo 9 harimo n’uwa Rayon Sports yagira amanota 68.

Gusa ariko amakipe ari inyuma ya Rayon Sports ni ukuvuga APR FC, Police FC na AS Kigali afitanye imikino aho APR FC izakina na Police FC na AS Kigali ndetse AS Kigali igakina na Police FC.

Ukurikije uko ikipe ya APR FC ubu ihagaze biragoye ko yatsinda imikino icyenda yose isigaye ngo shampiyona isozwe.

Masudi yashimangiye ko buri mukinnyi wa Rayon Sports ashoboye

Masudi, nyuma yo gutsinda Sunrise FC ibitego 3-1 bya Moussa Camara watsinze ibitego 2 na Kwizera Pierrot, yashimangiye ko abakinnyi ba Rayon Sports bashoboye ari nayo mpamvu irimo kwitwara neza.

Yavuze ko ubushize bagize ikibazo cy’ubuke bw’abakinnyi ari nayo mpamvu babuze igikombe kandi bari bafite amahirwe.

Ati “Nta mukinnyi ugomba kuza kwicara kuko ntacyo yadufasha, iyo byanze agomba kugend ni yo mpamvu buri se akina yitanga”.

Casa yifurije Masudi gutwara igikombe

Umutoza wa Sunrise FC avuga ku mukino batsinzwe yagize ati “Rayon Sports iri hejuru cyane, batangiye neza igice cya mbere badutsinda ibitego 3, gusa natwe twakinnye igice cya kabiri neza tubona igitego”.

Yagize icyo avuga kuri Rayon Sports y’uyu mwaka ati “ Ifite umutoza umaze kumenyera, ubushize yagize ikipe yashobora gutwara igikombe ntibyakunda uyu mwaka arayubaka, ku bwanjye ikipe ya Rayon Sports irakomeye kurenza ayandi”.

Uyu mutoza yatangaje ko nyuma y’umukino yashimiye Masudi ndetse anamwifuriza kweguka iki gikombe cya shampiyona.

Taliki 05 Mata 2017 Rayon Sports izakina n’Amagaju FC, umukino w’umunsi wa 22 kuri Sitade ya Kigali i Nyamirambo.

atlantis ad

TANGA IGITEKEREZO

 
 
AMATEGEKO AGENGA IYANDIKA RY'IGITEKEREZO CYAWE