2017-05-27 10:19:18 clouds 27o High | Kigali Rwanda

Dukurikire:
 
 

Dufite ubushobozi bwo gutwara ibikombe bibiri uyu mwaka - Rayon Sports

Yanditswe na IMVAHO NSHYA

Kuya 2016-05-09 08:00:52

 
Share on:
 
Yasuwe:6
 
Yavuzweho:200
 
10
 
10

Umutoza wa Rayon Sports, Masudi Juma nyuma yo gutsinda ikipe ya Rwamagana City FC ibitego 4-1 mu mukino w’umunsi wa 22 wa shampiyona, yatangaje ko ubu Rayon Sports ifite ubushobozi bwo gutwara igikombe cya shampiyona ndetse n’igikombe cy’Amahoro.

Nyuma y’imikino y’umunsi wa 22, Rayon Sports iri ku mwanya wa 2 n’amanota 48 inyuma ya APR FC nayo yatsinze Sunrise FC ibitego 2-1 ikagira amanota 49. Umutoza wa Rayon Sports Masudi Juma atangaza ko intego bafite ari igikombe.

Ati “ Si igikombe kimwe gusa, ubushobozi turabufite, turasaba Imana idufashe iduhe ubushobozi n’imbaraga na komite idufashe n’abafana , ubushobozi bwo gutwara ibikombe bibiri turabufite uyu mwaka”.

JPEG - 187.3 kb
Rutahizamu Kasirye Davis ukomeje gufasha Rayon Sports kwitwara neza (Foto Gentil)

Uko bigaragara APR FC na Rayon Sports nizo zihanganiye igikombe cya shampiyona. Gusa APR FC isigaje imikino 8 mu gihe Rayon Sports isigaje imikino 9.

Mu mikino yindi ya shampiyona y’umunsi wa 22 yabaye, Mukura yatsinze AS Muhanga ibitego 3-1,Kiyovu itsinda Etincelles FC ibitego 2-0, naho Police FC nyuma y’imikino 7 idatsinda ibasha gutsinda Gicumbi FC ibitego 3-0. Imikino y’umukino w’umunsi wa 23 izakomeza ejo taliki 10 na 11 Gicurasi 2016.

atlantis ad

TANGA IGITEKEREZO

 
 
AMATEGEKO AGENGA IYANDIKA RY'IGITEKEREZO CYAWE