2017-06-22 17:42:31 clouds 27o High | Kigali Rwanda

Dukurikire:
 
 

Disi Dieudonne nta cyizere afitiye abakinnyi b’u Rwanda mu mikino Olempike

Yanditswe na IMVAHO NSHYA

Kuya 2016-05-11 06:18:08

 
Share on:
 
Yasuwe:1
 
Yavuzweho:200
 
10
 
10

Muri iki gihe amakipe y’u Rwanda mu mikino itandukanye akomeje gushaka itike yo kwitabira imikino Olimpike 2016 izaba muri Kanama 2016 i Rio de Janeiro muri Brazil, Disi Dieudonne waserukiye u Rwanda muri iyi mikino yatangarije Imvaho Nshya ko nta cyizere afitiye abakinnyi bazitabira iyi mikino.

Disi avuga ko atagereranya urwego abakinnyi b’u Rwanda bariho n’urwo yariho agikina.

Ati “Ntabwo ari impano navukanye kurusha abandi. Abanyarwanda benshi bafite impano mu Rwanda hari abafite impano benshi ariko ntibabizi ko bazifite. Ntabukangurambaga buhari bwo kubikundisha Abanyarwanda. Abanyamuryango bacu babashije kwitanga bagakundisha abanyarwanda imikino ngororamubiri , mu gihe gito haboneka benshi barenga 600 bandenze”.

JPEG - 100.9 kb
Disi Dieudonne ubwo yaserukiraga u Rwanda mu mikino Olempike 2004 mu Bugereki

Yasobanuye ko politiki y’u Rwanda y’imikino idindiza imikino ngororamubiri.

“Biragoye , ikibazo kiri muri politiki y’imikino ngororamubiri. Iyo ugiye mu Ishyirahamwe ry’imikino ngororamubiri uhasanga urutonde rw’abatoza baruta ubwinshi abakinnyi. Kera byari byiza cyane imikino yo mu mashuri igikomeye ariko ubu ndayikurikirana cyane , usanga ubu yibanda mu karere ka Afurika y’u Burasirazuba cyane kurenza guhera hasi nka kera”.

Disi w’imyaka 35 y’amavuko atangaza ko nta mahirwe aha abakinnyi bazahagararira u Rwanda kubera gutinda gukora imyitozo.

Ati “ Ni ukujyayo gusa. Rwose nta gishya mbona kuko hari 2 batangiye gukina mbere yanjye . Ni byiza ko bagiye gusoza babashije kwitabira imikino Olempike iruta iyindi , bose ni bakuru barengeje imyaka 30 n’indi. Rio nahakiniye inshuro 2 kuri njye nzi urwego bariho ku Isi icyo nabifuriza n’ukuzakina bakarangiza bakandikwa nk’abakinnyi bitabiriye imikino”.

Hari icyo asaba ubuyobozi

Avuga ko Politique ya siporo igomba kureka kuniga tekinike.

Ati “Bareke tekinike ikore. Ni yo mpamvu twe abatemera imiyoborere ya siporo iniga tekinike batatwemera”. Akomeza agira ati “Nta muntu waminuje mu by’imikino ngororamubiri ugikora, bose babigijeyo, abakanyujijeho bose babigijeyo”.

Akaba asaba ishyirahamwe ry’imikino ngororamubiri (FRA) na Minisiteri y’Umuco na Siporo “MINISPOC” ko babagarura kuko uyu mukino utagoye.

Ati “Gutegura amarushanwa n’abakinnyi ntibigoye ndetse ntibinahenze, nibongere amarushanwa”.

Disi avuga ko MINISPOC ikwiye gusaba FRA, umushinga w’igihe kirekire. Ati “ Njye sinshyigikiye gutanga amamiliyoni yo gutegura ukwezi kumwe. Nibakoregahunda y’ibikorwa n’iby’imyaka 8-6 bashake umuntu ufite ubunararibonye.Umuyobozi wa tekinike naboneka ibintu bizajya mu buryo”.

Mu minsi ishize, Disi Dieudonne yatangaje ko yiteguye gufasha abakinnyi 2 mu bagabo bazakoresha isaha 1 n’iminota 06 muri “MTN Peace Marathon” naho mu bakobwa akazafasha 2 bazakoresha isaha 1 n’iminota 18. Yavuze ko azabafasha kubashakira amarushanwa mu Bufaransa aho aba ubu.

atlantis ad

TANGA IGITEKEREZO

 
 
AMATEGEKO AGENGA IYANDIKA RY'IGITEKEREZO CYAWE