Advertisement
 
 
 
 
 
 
 
 

Siporo | Siporo Mu Rwanda

Davis Kasirye ukinira Rayon Sports arifuzwa n’ikipe yo mu Misiri   

  Yanditswe na BUGINGO FIDELE
 July 2016

 
 

Rutahizamu w’ikipe ya Rayon Sports ukomoka muri Uganda, Davis Kasirye arifuzwa n’ikipe yo mu cyiciro cya kabiri mu Misiri yitwa Tanta SC.

Uretse iyi kipe yo mu Misiri, Davis Kasirye yifujwe n’amakipe abiri yo muri Oman, ikipe imwe yo muri Afurika y’Epfo ndetse n’ikipe ikomeye yo muri RDC.

Uhagarariye uyu mukinnyi, Ronald Santos Niwagiira yatangaje ko Kasirye agifite amasezerano n’ikipe ya Rayon Sports gusa bashobora kuganira n’iyi kipe imushaka bakaba bamurekura akayerekezamo.

Ati “ Byose birashoboka n’ubwo afite amasezerano na Rayon Sports ishobora kumurekura akaba yagenda”.

JPEG - 338.2 kb
Davis Kasirye wifuzwa n’ikipe yo mu cyiciro cya kabiri mu Misiri

Davis Kasirye yageze muri Rayon Sports muri 2015 asinya amasezerano y’imyaka 2 azarangira muri 2017. Akaba yaraciye mu makipe atandukanye muri Uganda arimo Bul FC, URA na Express.

N’ubwo uyu rutahizamu atabashije kwitwara neza akiza muri Rayon Sports, nyuma yaje kwigaragaza ndetse binatuma muri Kamena 2016 ahamagarwa mu ikipe y’igihugu ya Uganda ubwo yiteguraga umukino wa Botswana mu gushaka itike ya CAN 2017.

Mu ikipe ya Uganda yabashije gukina iminota 25 mu mukino wa gicuti na Zimbabwe mbere y’umukino na Botswana.

Kubera ikibazo cy’abanyamahanga bagomba kuba 3, Kasirye ntabwo yabashije gukina umukino wa nyuma w’igikombe cy’Amahoro aho Rayon Sports yatsinze APR FC igitego 1-0 kuko yari yasimbujwe Mugheni Fabrice ukina hagati.

Ni mu gihe umukino waherukaga guhuza aya makipe yari yatsinze ibitego 3 muri 4-0 Rayon Sports yatsinze APR FC.

 

Comments

 
 
Rayon Sports : Nshuti Savio yasubijwe inyuma n’umunaniro
Rayon Sports : Nshuti Savio yasubijwe inyuma n’umunaniro

Nshuti Dominique Savio, rutahizamu w’ikipe y’igihugu «Amavubi» na Rayon Sports aravuga ko urwego rwe rw’imikinire rwasubijwe inyuma n’imikino myinshi yakinnye mu mwaka wa 2016. Mu mwaka ushize, (...)

Minnaert ati “Nahisemo Mukura VS kubera Nizeyimana Olivier”

Ivan Minnaert, umubiligi wahoze atoza Rayon Sports aratangaza ko yahisemo kujya muri Mukura VS kuko iyobowe na Nizeyimana Olivier ufitiye icyerekezo ikipe ye. Ibi yaraye abitangarije Imvaho (...)

Migi yerekanywe mu bakinnyi bashya basinye muri Gor Mahia
Migi yerekanywe mu bakinnyi bashya basinye muri Gor Mahia

Umukinnyi mpuzamahanga w’Umunyarwanda, Mugiraneza Jean Baptiste ‘Migi’ yerekanywe mu bakinnyi bashya basinye mu ikipe ya Gor Mahia yo muri Kenya muri uyu mwaka wa 2017. Mu muhango wabaye ku wa (...)

AS Kigali irataka ubukene
AS Kigali irataka ubukene

Nshimiyimana Eric, umutoza wa AS Kigali aravuga ko ikipe ye yahuye n’ikibazo cyo kubona amafaranga yo kugura ba rutahizamu bo kumufasha mu mikino yo kwishyura ya shampiyona ya 2016/2017. Ibi (...)

Kera kabaye Inteko Rusange y’Umuryango wa Rayon Sports igiye guterana
Kera kabaye Inteko Rusange y’Umuryango wa Rayon Sports igiye guterana

Nyuma yo gusubikwa inshuro eshatu, inama y’inteko rusange y’umuryango wa Rayon Sports irashyize igiye guterana. Kuri iyi nshuro, iyi nteko rusange izaba kuri iki cyumweru taliki 29 Mutarama 2017 (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.