Advertisement
 
 
 
 
 
 
 
 

Siporo | Siporo Mu Rwanda

CECAFA 2016: Ikipe y’igihugu y’abagore yiteguye kwitwara neza   

  Yanditswe na BUGINGO FIDELE
 5 months ago

 
 

Taliki 12-09-2016: Tanzania-Rwanda; Taliki 14-09-2016: Rwanda-Ethiopia

Ikipe y’u Rwanda y’abagore bakina umupira w’amaguru yatangiye imyiteguro yo kwitabira imikino ihuza amakipe yo mu karere k’Uburasirazuba bw’Afurika “CECAFA 2016” igiye kuba ku nshuro ya mbere, izabera i Jinja muri Uganda taliki 11 kugeza 20 Nzeri 2016.

Iyi kipe yatangiye imyitozo ku wa Mbere taliki 05 Nzeri 2016, ikoreshwa n’umutoza Nyinawumuntu usanzwe atoza AS Kigali akaba yungirijwe na Habimana Sosthene utoza Musanze FC ndetse na Maniraguha Jean Claude utoza abanyezamu.

JPEG - 368.6 kb
Umutoza Nyinawumuntu aganiriza abakinnyi ubwo batangiraga imyitozo (Foto Bugingo F)

Umunsi wa mbere w’imyitozo urangiye, umutoza w’ikipe y’igihugu wungirije, Habimana Sosthene yatangaje ko byamushimishije kumuhamagara ngo aze afatanye na Nyinawumuntu gutoza iyi kipe.

Avuga ko ku munsi wa mbere abakinnyi yabonye bafite ubushake n’ubwo hari abari bananiwe kuko bavuye mu mikino ya FEASSSA 2016.

Habimana yakomeje avuga ko bafite ishyaka ryo kwerekana ko nabo bashoboye aho bavuga ko bashaka kuzitarwa neza muri iyi mikino ya CECAFA 2016.
Kapiteni w’ikipe y’igihugu, Nibagwire Sifa Gloria usanzwe akina hagati mu ikipe ya AS Kigali yatangaje ko imyitozo yagenze neza.

Akomeza avuga ko abakinnyi benshi bava mu makipe 3 ari byo bituma bitazabagora kumenyerana.

Ati “Abenshi ni abo muri AS Kigali dusanzwe tumenyeranye, igisigaye ni ukunoza kugira ngo tuzitware neza. Icyo dusabwa ni ukugenda tugatsinda, kandi twizeye ko tuzabishobora”.

Ikipe y’u Rwanda izerekeza muri Uganda ku wa Gatandatu taliki 10 Nzeri 2016. Iri mu itsinda B hamwe na Ethiopia na Tanzania. Umukino wa mbere izawukina taliki 12 Nzeri 2015 na Tanzania nyuma taliki 14 Nzeri 2016 ikine na Ethiopia. Mu itsinda A harimo Uganda, Kenya, Burundi na Zanzibar.

 

Comments

 
 
Umutoza wa Marines FC ati «Ntako bisa gutsinda Espoir  FC yakanze abantu»
Umutoza wa Marines FC ati «Ntako bisa gutsinda Espoir FC yakanze abantu»

Umutoza w’ikipe ya Marines FC, Nduhirabandi Abdoulkarim uzwi ku izina rya Coka aravuga ko yishimiye gutsinda ikipe ya Espoir FC yari imaze iminsi yitwara neza mu mikino ya shampiyona. Ni nyuma (...)

 Minnaert mu minsi 10 ye ya mbere nk’umutoza wa Mukura
Minnaert mu minsi 10 ye ya mbere nk’umutoza wa Mukura

Ishusho y’iminsi 10 ishize Mukura VS ihaye akazi umubiligi Ivan Minnaert ko gusimbura Umurundi Okoko Godefroid weguye ku mpamvu z’umusaruro mubi. Ubuzima ni bushya ku bakinnyi basigaye bakora (...)

Uko umunsi wa nyuma w’igura ry’abakinnyi ryari riteye
Uko umunsi wa nyuma w’igura ry’abakinnyi ryari riteye

Isoko ry’igura n’igurisha ry’abakinnyi ryo hagati mu mikino ibanza ya 2016-2017 ryaraye rifunze hano mu Rwanda. Nk’ibisanzwe ni isoko rititabiriwe cyane nk’iryo muri Nyakanga 2016, amwe mu makipe (...)

APR FC yerekeje muri Zambia
APR FC yerekeje muri Zambia

Ikipe ya APR FC yageze i Lusaka muri Zambia mu rukerera rwo kuri uyu wa Kane taliki 09 Gashyantare 2017 aho yagiye gukina n’ikipe ya Zanaco FC mu mikino y’Afurika y’amakipe yabaye aya mbere iwayo (...)

Jimmy Mulisa yiteguye kwitwara neza muri Zambia
Jimmy Mulisa yiteguye kwitwara neza muri Zambia

Umutoza w’ikipe ya APR FC, Mulisa Jimmy atangaza ko biteguye kujya muri Zambia bakitwara neza bakabona intsinzi. Zanaco FC yo muri Zambia izahura na APR FC mu mikino y’Afurika y’amakipe (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.