Advertisement
 
 
 
 
 
 
 
 

Siporo | Siporo Mu Rwanda

CAN U-20: Amavubi yanganyije na Uganda   

  Yanditswe na BUGINGO FIDELE
 April 2016

 
 

Ikipe y’u Rwanda mu batarengeje imyaka 20 yanganyije na Uganda igitego 1-1 mu mukino ubanza mu rwego rwo gushaka itike ya CAN U-20 izabera muri Zambia umwaka utaha wa 2017.

Uyu mukino wabereye kuri Sitade ya Kigali i Nyamirambo ejo hashize taliki 02 Mata 2016, Amavubi U-20 yakinnye umukino mwiza ndetse ku munota wa 18 Itangishaka Blaise atsinda igitego cya mbere ku mupira mwiza yari aherejwe na Nshuti Dominique Savio.

Ku munota wa 34 Lubega Edrisa yaje gusiga ba myugariro b’Amavubi U-20 aha akaba yacitse Ndikumana Ewing usanzwe ukinira Etincelles FC maze atsinda igitego cyo kwishyura.

JPEG - 410.7 kb
Abakinnyi b’Amavubi U-20 bagerageje gushaka igitego ariko ba myugariro n’umunyezamu wa Uganda U-20 bababera ibamba (Foto James R)

Mu gice cya kabiri ku munota wa 64, umunyezamu Uganda U-20, Keni Saidi yaje gukorera ikosa kuri Itangishaka Blaise maze ahabwa ikarita itukura. Nyuma ni bwo Amavubi yashyizemo ingufu arasatira ariko birangira atabonye igitego cy’intsinzi.

Nyuma y’uyu mukino, umutoza wa Uganda U-20, Keefa Kisaala yatangaje ko bakinnye n’ikipe iri hamwe kandi yakiniye mu rugo. Yakomeje avuga ko umusaruro abonye awishimiye kuko bafite umukino wo kwishyura uzabera muri Uganda aho azaba yagaruye bamwe mu bakinnyi batabonetse kuko bari bagiye muri gahunda y’amashuri.

Umutoza w’Amavubi U-20, Kayiranga Baptista yavuze ko atishimye kuko kunganyiriza mu rugo izajya gukina umukino wo kwishyura hanze atari byiza, gusa yashimye uko abakinnyi bitwaye.

Ati “ Abakinnyi twakinishije ni abakinnyi bisanze bagomba kubanzamo kubera ibibazo mwese muzi twagize ariko bitwaye neza bakina batuje, n’ubwo tudatsinze bakinnye neza”. Uyu mutoza yavuze ko atarabura abakinnyi yatangiranye yumvaga Uganda idashobora kumutsindira i Kigali.

Umukino wo kwishyura uzabera i Kampala

Taliki 23 Mata 2016 ni bwo hazaba umukino wo kwishyura uzabera i Kampala muri Uganda.

Umutoza Kayiranga atangaza ko yifuza kugira byinshi akosora. Ati “ Nzakosora ibijyanye n’imbaraga kuko mwabonye ko igitego twatsinzwe ni imbaraga mu kwiruka. Ikindi ni uburyo bwo guhagarara mu kibuga no guhindura mu mutwe uburyo bamenya ko bagiye gusatira cyangwa kugarira”.

Umutoza wa Uganda, Kisaala we yavuze ko yizeye kuzitwara neza kuko azaba akinira mu rugo kandi hari n’abakinnyi be azaba yagaruye.

Ikipe izakomeza hagati y’Amavubi na Uganda izahura na Misiri mu cyiciro cya kabiri cy’imikino y’amajonjora yo gushaka itike ya CAN U-20.

 

Comments

 
 
Umutoza wa Rayon Sports aracyafite icyizere cyo gusezerera Rivers United
Umutoza wa Rayon Sports aracyafite icyizere cyo gusezerera Rivers United

Tariki 22-04-2017: Rayon Sports-Rivers United (Amahoro-15h30) Umukino ubanza: Rivers United 2-0 Rayon Sports Ikipe ya Rayon Sports yatsinzwe umukino ubanza n’ikipe ya Rivers United yo muri (...)

Nibabona ntarakoze neza, bazansezerere-Seninga
Nibabona ntarakoze neza, bazansezerere-Seninga

Umutoza mukuru wa Police FC, Seninga Innocent aravuga ko yagerageje kwitwara neza mu mwaka umwe yahawe w’amasezerano muri iyi kipe. Uyu mutoza yari yahawe amasezerano y’umwaka umwe tariki 17 (...)

Tugiye gukina n’ikipe idatsindirwa iwayo ariko ntitugiye gutsindwa - Masudi
Tugiye gukina n’ikipe idatsindirwa iwayo ariko ntitugiye gutsindwa - Masudi

Taliki 16-04-2017: Rivers United-Rayon Sports (Port Harcourt -17h00) Ku ya 22-04-2017: Rayon Sports-Rivers United (Amahoro-15h30) Ikipe ya Rayon Sports irahaguruka mu Rwanda uyu munsi taliki (...)

Rayon Sports yitwaga ikipe y’Abatutsi - Murenzi
Rayon Sports yitwaga ikipe y’Abatutsi - Murenzi

Murenzi Cassim, umwe mu bahoze bakinira Rayon Sports mbere ya Jenoside akanakomeza kuyikurikiranira hafi aravuga ko ibikorwa by’ivanguramoko byageze mu mupira w’amaguru bikibasira bikomeye Abatutsi (...)

Hagiye gukorwa ubushakashatsi bwo kumenya ‘abasportifs’ bazize Jenoside
Hagiye gukorwa ubushakashatsi bwo kumenya ‘abasportifs’ bazize Jenoside

Komite Olempike y’u Rwanda ifatanyije na Minisiteri y’umuco na Siporo “MINISPOC” ndetse na Komisiyo yo kurwanya Jenoside “CNLG” barimo gutegura ubushakashatsi bwa gihanga bwo kumenya imyirondoro (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.