Advertisement
 
 
 
 
 
 
 
 

Siporo | Siporo Mu Rwanda

CAN U-20 : Amavubi yagiye gukina na Uganda umukino wo kwishyura   

  Yanditswe na Bugingo Fidele
 April 2016

 
 

Ikipe y’u Rwanda mu batarengeje imyaka 20 iri muri Uganda aho yagiye gukina umukino wo kwishyura n’ikipe y’igihugu ya Uganda U-20 mu rwego rwo gushaka itike ya CAN U-20 izabera muri Zambia muri 2017.

Iyi kipe yahagurutse mu Rwanda ejo ku mugoroba taliki 21 Mata 2016 yerekeza i Kampala. Umutoza w’iyi kipe, Kayiranga yongeye gutangaza ko imyiteguro itagenze neza gusa ngo yiteguye kuba yatungura ikipe ya Uganda akaba yayisezerera

Abakinnyi b’Amavubi U-20 batangiye umwiherero ku Cyumweru taliki 17 Mata 2016 hagati mu cyumweru ku wa Kabiri taliki 19 no ku wa Gatatu taliki 20 Mata 2016 abakinnyi bamwe bajya mu makipe yabo gukina imikino ya shampiyona.

JPEG - 163.7 kb
Abakinnyi b’Amavubi U-20 ubwo bari mu myitoza mbere yo kwerekeza muri Uganda (Foto Bugingo F)

Ibi byose nibyo, umutoza Kayiranga avuga ko byatumye atitegura neza. Ati “ Ntabwo wabona umusaruro nk’uwo wakabonye , iyo ikipe iza kuba hamwe igashakirwa n’umukino wa gicuti ni byo byari kuba ari byiza kuko yego baba bakina ariko bakinana n’abo mu makipe yabo si abo bazakinana bakina na Uganda”.

Ikipe y’u Rwanda irasabwa kunganya mu bitego biri hejuru ya 1 cyangwa igatsinda kugira ngo ikomeze mu cyiciro cya kabiri cyo gushaka itike kuko umukino ubanza Amavubi yanganyije na Uganda igitego 1-1.

Uyu mukino wo kwishyura uzaba ejo Gatandatu taliki 23 Mata 2016 kuri Nelson Mandela National Stadium i Namboole. Ikipe izakomeza izahura na Misiri mu cyiciro cya kabiri cyo gushaka itike.

Abakinnyi 18 Amavubi yanjye muri Uganda

Abanyezamu :
Nzeyurwanda Jimmy Djihad (Isonga) na Hategekimana Bonheur (SC Kiyovu).

Nyugariro:
Ndikumana Patrick (Rwamagana City FC), Niyonkuru Aman (Bugesera Fc), Mutsinzi Ange (AS Muhanga), Sibomana Arafati (Amagaju Fc), Ahoyikuye Jean Paul (Nyagatare Fc) na Nsabimana Aimable (Marines).

Hagati: Ntirushwa Aime (Interforce), Manishimwe Djabel (Rayon Sports), Muhire Kevin (Rayon Sports), Ngabo Mucyo Fred (AS Muhanga), Yamini Salum (SC Kiyovu) na Nshuti Savio Dominique (Rayon Sports).

Rutahizamu: Nshuti Innocent (APR FC- Academy), Biramahire Abeddy (Bugesera FC), Itangishaka Blaise (Marines) na Niyibizi Vedaste (Sunrise FC).

 

Comments

 
 
Basketball: Patriots BBC irakira REG BBC mu mukino w’ishiraniro
Basketball: Patriots BBC irakira REG BBC mu mukino w’ishiraniro

Uyu munsi : Espoir BBC- APR BBC (Amahoro-19h00) ; Patriots BBC - REG BBC (Amahoro -21h00) Ejo tariki 29-04-2017: IPRC Kigali - CSK BBC (Amahoro-16h00) Tariki 30-04-2017: UGB BBC - Rusizi BBC (...)

Rayon Sports: Nshimiyimana yemeje ko nta kibazo afitanye na Masudi
Rayon Sports: Nshimiyimana yemeje ko nta kibazo afitanye na Masudi

Umutoza wungirije wa Rayon Sports, Nshimiyimana Maurice bakunze kwita Maso yatangaje ko nta kibazo afitanye n’umutoza mukuru Masudi Djuma. Masudi Djuma yahagaritswe imikino ibiri n’ubuyobozi (...)

Mu Rwanda hari abana bafite impano ariko ntibategurwa neza-Rubona
Mu Rwanda hari abana bafite impano ariko ntibategurwa neza-Rubona

Umutoza w’ishyuri ry’umupira w’amaguru ry’ikipe ya APR FC, Rubona Emmanuel atangaza ko mu Rwanda hari abana bafite impano mu mupira w’amaguru ariko bakaba badategurwa neza. Umutoza Rubona (...)

Kwizera Olivier ni we nzaraga inkoni yanjye mu ikipe y’igihugu-Ndoli
Kwizera Olivier ni we nzaraga inkoni yanjye mu ikipe y’igihugu-Ndoli

Ndoli Jean Claude, umunyezamu wa AS Kigali n’ikipe y’igihugu “Amavubi” arahamya ko Kwizera Olivier ari we munyezamu yakwifuza kubona asigara mu izamu ry’ikipe y’igihugu “Amavubi” cyane ko abasigaye (...)

Umutoza wa Rayon Sports aracyafite icyizere cyo gusezerera Rivers United
Umutoza wa Rayon Sports aracyafite icyizere cyo gusezerera Rivers United

Tariki 22-04-2017: Rayon Sports-Rivers United (Amahoro-15h30) Umukino ubanza: Rivers United 2-0 Rayon Sports Ikipe ya Rayon Sports yatsinzwe umukino ubanza n’ikipe ya Rivers United yo muri (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.