2017-06-28 15:02:12 clouds 27o High | Kigali Rwanda

Dukurikire:
 
 

CAN U-20: Amavubi nta cyizere afite cyo gusezerera Misiri

Yanditswe na IMVAHO NSHYA

Kuya 2016-05-19 06:39:36

 
Share on:
 
Yasuwe:3
 
Yavuzweho:200
 
10
 
10

Umutoza w’Amavubi y’abatarengeje imyaka 20, Kayiranga Baptiste, yatangaje ko bigoye kuba yasezerera ikipe ya Misiri mu mukino na Misiri mu rwego rwo gushaka itike ya CAN U-20 izabera muri Zambia umwaka utaha wa 2017 uzabera kuri Sitade ya Kigali i Nyamirambo taliki 22Gicurasi 2016.

Ejo hashize, Amavubi U-20 yakinnye umukino wa gicuti na Pepiniere yo mu cyiciro cya kabiri, umukino urangira batsinze ibitego 2-0.

Umutoza Kayiranga yavuze ko urebye uko ikipe y’u Rwanda yazamutse muri iki cyiciro itsinze ikirego, ukareba n’uko batunguwe mu cyumweru kimwe ko bagomba gukina na Misiri bigoye kwizera intsinzi ariko ko mu kibuga byose bishoboka.

JPEG - 310.6 kb
Umutoza w’Amavubi U-20, Kayiranga abwira abakinnyi bimwe mu byo bagomba gukora ubwo bari basoje umukino wa gicuti na Pepiniere (Foto Bugingo F)

Kapiteni w’Amavubi U-20, Nshuti Dominique Savio yatangaje ko bishimiye gukomeza muri iki cyiciro, avuga ko barimo kwitegura kandi intego bafite ari ugutsinda.

Ati “Kuko umukino ubanza tugiye gukinira mu rugo turashaka gutsinda kugira ngo tuzajya mu mukino wo kwishyura dufite impamba”.

Nshuti avuga ko ikipe imeze neza abakinnyi bose bameze neza uretse ko kubera ko hari n’abakina mu makipe yabo usanga n’umunaniro uzamo.

Umutoza Kayiranga avuga ko uyu munsi ari bwo aza kuba afite abakinnyi bose kuko hari abaraye bakinnye imikino ya shampiyona mu makipe yabo. Akaba ari bwo aza kubona byibura ikipe yazakinisha ku mukino wa Misiri.

Misiri iragera mu Rwanda uyu munsi

Hatagize igihinduka, ikipe ya Misiri iragera mu Rwanda uyu munsi taliki 19 Gicurasi 2016, izakine n’Amavubi U-20 taliki 22 Gicurasi 2016 naho umukino wo kwishyura uzabera mu Misiri taliki 10,11 cyangwa 12 Kamena 2016. Ikipe izakomeza hagati y’u Rwanda na Misiri izahura n’izatsinda hagati ya Gabon na Angola mu cyiciro cya nyuma aho izatsinda izabona itike ya CAN U-20.

Amavubi U-20 yakomeje muri iki cyiciro cya kabiri nyuma yo guhanwa kwa Uganda kubera gukoresha umukinnyi ufite ibyangombwa bibusanye. Uganda ikaba yari yasezereye Amavubi ku bitego 3-2 mu mikino yombi.

atlantis ad

TANGA IGITEKEREZO

 
 
AMATEGEKO AGENGA IYANDIKA RY'IGITEKEREZO CYAWE