Advertisement
 
 
 
 
 
 
 
 

Siporo | Siporo Mu Rwanda

CAN U-20: Amavubi agiye gutangira umwiherero   

  Yanditswe na BUGINGO FIDELE
 April 2016

 
 

Umutoza w’ikipe y’u Rwanda mu batarengeje imyaka 20, Kayiranga Baptiste atangaza ko iyi kipe igomba gutangira umwiherero ku Cyumweru taliki 17 Mata 2016 yitegura umukino wo kwishyura na Uganda mu gushaka itike ya CAN U-20.

Uyu mukino uzaba taliki 23 Mata 2016, ubere i Kampala muri Uganda. Umukino ubanza wabereye i Kigali taliki 02 Mata 2016, Amavubi U-20 yanganyije na Uganda igitego 1-1.

Ubwo iyi kipe yari mu myitozo taliki 13 Mata 2016 kuri Sitade ya Kigali i Nyamirambo, aho banakinnye umukino wa gicuti na AS Kigali ikabatsinda ibitego 4-2, umutoza Kayiranga yatangaje ko bari bamaze icyumweru bakora aho bageragezaga abakinnyi bashya batari mu bo bakoresheje ndetse n’abari bari mu ikipe mbere ariko batizeye neza uko bahagaze.

JPEG - 157.8 kb
Umutoza wungirije Mashami abwira abakinnyi b’Amavubi U 20 amakosa bakoze n’ibyo bagomba gukosora (Foto Bugingo )

Uyu mutoza yagize ati “Ndashimana Imana ko akazi kagenda, ndashima abanyoherereje abakinnyi n’ubwo ari iby’igihe gito ni abakinnyi ubona bashobora kutugirira akamaro mu gihe kiri imbere kuko kuba narabamenye nabo bakamenya bibaha amahirwe nanjye bigatuma nzajya nkomeza kubatekerezaho”.

Yakomeje avuga ko barimo gushaka abakinnyi 26 bagomba gutangira umwiherero bitarenze ejo ku Cyumweru taliki 17 Mata 2016.

Hari icyo bagiye gukora kugira ngo bazitware neza

Umutoza Kayiranga, avuga ko nibatangira umwiherero bamaze kubona abakinnyi 18 bagomba kujyana i Bugande hari byinshi bazakosora ku buryo bafite icyizere cyo kuba basezerera Uganda.
Ati “Birashoboka ukurikije umukino ubanza twakinnye hano ntacyo Uganda yaturushije kigaragara uretse abakinnyi bigaragaza ku giti cyabo ariko ku bijyanye n’umukino ntabwo bari baturi hejuru. Turimo kwitegura neza, hamwe no kwiyubakamo icyizere birashoboka”.

Ubwo Amavubi U-20 yanganyaga na Uganda igitego 1-1 mu mukino ubanza, umutoza Kayiranga yavuze ko abakinnyi be hari udukosa bakoze tujyanye no guhagarara mu kibuga ndetse n’umuduko igihe batakaje umupira. Muri iyi minsi akaba ari byo bagiye gushyiramo ingufu.

Kayiranga yagize ati “Imbaraga kuzikoraho biragoye, ariko uburyo bw’imikinire ni bwo tuzashyiramo ingufu, gukina ibibyara umusaruro tukirinda gutsindwa igitego kare kugira ngo tugende dushyira Uganda ku gitutu igihe cyose batarabona igitego, uburyo twugarira no kugerageza kubyaza umusaruro igihe tubonye umupira”.

Ikipe izakomeza hagati y’u Rwanda na Uganda izakomeza mu cyiciro cya kabiri aho yahura na Misiri nyuma itsinze ikajya mu cyiciro cya 3 aho ihavuye ihita ibona itike ya CAN U-20.

U Rwanda ruheruka muri CAN U-20 muri 2009 ubwo yaberaga mu Rwanda. Mu gushaka itike ya CAN U-20 ya 2015, ikipe y’u Rwanda yaviriyemo mu cyiciro ya kabiri itsinzwe na Gabon igitego 1-0 mu mikino yombi.

 

Comments

 
 
Amakipe atatu ashobora kuzira kutamenyekanisha imisoro
Amakipe atatu ashobora kuzira kutamenyekanisha imisoro

Ubuyobozi bw’ishyirahamwe ry’umupira w’amagurumu Rwanda “FERWAFA” buravuga ko butishimiye imyitwarire y’amakipe atatu yananiwe kumenyekanisha imisoro y’imyenda abereyemo Ikigo cy’igihugu cy’imisoro (...)

Mu kwezi kumwe muzambaze niba nziyamamariza kuyobora FERWAFA - V. de Gaulle
Mu kwezi kumwe muzambaze niba nziyamamariza kuyobora FERWAFA - V. de Gaulle

Perezida w’Ishyirahamwe ry’Umupira w’Amaguru mu Rwanda “FERWAFA”, Nzamwita Vincent De Gaulle aravuga ko mu kwezi kumwe ari bwo azatangaza niba aziyamamariza manda ya kabiri yo kuyobora iri (...)

RGB yahaye amakipe mashya ya Karate ibyemezo by’ubuzima gatozi
RGB yahaye amakipe mashya ya Karate ibyemezo by’ubuzima gatozi

Ikigo cy’Igihugu cy’Imiyoborere, RGB, cyahaye amakipe atatu y’umukino wa Karate Wado Ryu ibyemezo by’ubuzima gatozi ku Cyumweru ku ya 27 Werurwe 2017. Amakipe yahawe ibyo byemezo biyemerera (...)

Masudi  yahishuye ibanga rituma Rayon Sports yitwara neza muri iyi minsi
Masudi yahishuye ibanga rituma Rayon Sports yitwara neza muri iyi minsi

Ikipe ya Rayon Sports ubu iri ku mwanya wa mbere ku rutonde rwa shampiyona n’amanota 49; irusha ikipe ya APR FC iri ku mwanya wa kabiri amanota 8 ndetse iyi kipe ya Rayon Sports ikaba ifite (...)

Habimana yegukanye imidali itatu mu mukino w’amagare utamenyerewe mu Rwanda
Habimana yegukanye imidali itatu mu mukino w’amagare utamenyerewe mu Rwanda

Abakinnyi babiri b’Abanyarwanda basanzwe bakina umukino wo gusiganwa ku magare ari bo Habimana Jean Eric ukinira Fly na Munyaneza Didier ukinira Benediction Club y’ i Rubavu bari muri Afurika (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.