Advertisement
 
 
 
 
 
 
 
 

Siporo | Siporo Mu Rwanda

CAN U-20: Abakinnyi b’Amavubi biyongereye hitegurwa umukino wa Uganda   

  Yanditswe na BUGINGO FIDELE
 19 April

 
 

Ikipe y’u Rwanda y’abatarengeje imyaka 20 yatangiye kwitegura umukino wo kwishyura igomba gukina na Uganda mu gushaka itike y’imikino ya nyuma ya CAN U-20 izabera muri Zambia kuva taliki 26 Gashyantare kugeza 12 Werurwe 2016.

Amavubi yongeye abakinnyi 2 ku bari bakinnye umukino ubanza wabereye mu Rwanda taliki 02 Mata 2016 aho aya makipe yombi yanganyije igitego 1-1.

Aba bakinnyi bongewemo nk’uko tubikesha Ishyirahamwe ry’umupira w’amaguru mu Rwanda harimo rutahizamu Iradukunda Laurent ukinira ikipe ya Vipers yo muri Uganda ndetse na Niyibizi Vedaste ukinira Sunrise FC.

Iyi kipe yatangiye umwiherero ku Cyumweru taliki 17 Mata 2016, ejo hashize ku wa Mbere akaba ari bwo batangiye imyitozo bari bahawe uko ari abakinnyi 26 bazatorwamo 18 bazerekeza i Kampala muri Uganda.

JPEG - 404.6 kb
Amavubi U-20 yatangiye imyitozo yo kwitegura umukino wo kwishyura na Uganda (Foto Bugingo F)

Amavubi azahaguruka mu Rwanda ku wa Kane taliki 21 Mata 2016 akine na Uganda U-20 ku wa Gatandatu taliki 23 Mata 2016, umukino uzabera kuri Nelson Mandela National Stadium i Namboole.

Mu mukino ubanza Amavubi U-20 yanganyije na Uganda U-20 igitego 1-1 cyatsinzwe na Itangishaka Blaise ku ruhande rw’u Rwanda na Edrisa Lubega ku ruhande rwa Uganda. Nyuma y’umukino wo kwishyura ikipe izakomeza izahura na Misiri mu cyiciro cya kabiri cyo gushaka itike.

Abakinnyi b’Amavubi U-20 bari mu myitozo

Abanyezamu: Nzeyurwanda Jimmy Djihad (Isonga), Hategekimana Bonheur (SC Kiyovu) na Ahishakiye Heritier (Bugesera FC).

Myugariro: Ndikumana Patrick (Rwamagana City FC), Niyonkuru Aman (Bugesera FC), Mutsinzi Ange (AS Muhanga), Sibomana Arafati (Amagaju FC), Mitima Isaac (Etoile de l’est), Mutangana Derrick (Rwamagana City FC), Niyigena Abdoukarim (Kirehe FC), Ntakirutimana Jean de Dieu (Pepiniere), Ahoyikuye Jean Paul (Nyagatare FC), Ruboneka Jean Bosco (Etoile de l’est), Ngabo Mucyo Fredy (AS Muhanga) na Nsabimana Aimable(Marines FC).

Hagati: Itangishaka Blaise (Marines FC), Bonane Janvier (Isonga FC), Yamini Salum (SC Kiyovu ), Ntirushwa Aime (Interforce), Nshuti Savio Dominique, Muhire Kevin na Manishimwe Jabel (Rayon Sports).

Rutahizamu: Nshuti Innocent (APR Academy), Niyongira Danny (Interforce FC), Biramahire Abeddy (Bugesera FC), Longalonga Prince (Pepiniere FC), Niyibizi Vedaste (Sunrise Fc) na Iradukunda Laurent (Vipers -Uganda).

 

Comments

Who are you?
Your post
  • To create paragraphs, just leave blank lines.

 
 
Jimmy Mulisa yizeye gufasha abakinnyi ba APR FC kujya hanze
Jimmy Mulisa yizeye gufasha abakinnyi ba APR FC kujya hanze

Umutoza mushya w’ikipe ya APR FC wanabaye umukinnyi w’ikirangirire w’iyi kipe, Jimmy Mulisa aratangaza ko yiteguye guha ubumenyi akanavugana n’abantu baziranye mu rwego rwo gufasha abakinnyi ba APR (...)

Usengimana Danny yagaragaje aho agifite intege nke nubwo yitwara neza
Usengimana Danny yagaragaje aho agifite intege nke nubwo yitwara neza

Mu buzima busanzwe, buri wese agira icyo ashobora kuruta ibindi ndetse akanagira n’ikintu aba afitemo intege nke. Kwimenya bigufasha mu gufata ingamba zizagenga ubuzima bwawe. Ni nako bimeze kuri (...)

Tour du Rwanda 2016 yadusigiye amasomo menshi – Meya Harelimana
Tour du Rwanda 2016 yadusigiye amasomo menshi – Meya Harelimana

Nyuma y’isiganwa ry’amagare “Tour du Rwanda 2016’’ ryageze mu karere ka Rusizi ku nshuro ya mbere, abayobozi batandukanye muri aka karere bakomeje kuvuga ko ryabasigiye amasomo menshi ku byerekeranye (...)

APR FC iragaruka mu Rwanda uyu munsi
APR FC iragaruka mu Rwanda uyu munsi

Ikipe ya APR FC nyuma yo kutitwara neza igasezererwa mu irushanwa yari yatumiwemo muri Congo Brazzaville, uyu munsi taliki 27 Ugushyingo 2016 iragaruka mu Rwanda. Iyi kipe yerekeje muri Congo (...)

FIFA: U Rwanda rwazamutseho imyanya  6 ku rutonde
FIFA: U Rwanda rwazamutseho imyanya 6 ku rutonde

Ikipe y’u Rwanda iheruka gukina umukino taliki 03 Nzeri 2016 aho yanganyaga na Ghana igitego 1-1, ikomeje kuzamuka ku rutonde ngarukakwezi rukorwa n’ishyirahamwe ry’umupira w’amaguru ku isi “FIFA”. (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.