Advertisement
 
 
 
 
 
 
 
 

Siporo | Siporo Mu Rwanda

CAN 2017: Amavubi yatsinzwe na Mozambique abura itike   

  Yanditswe na BIZIMANA ERIC na BUGINGO FIDELE
 June 2016

 
 

Ikipe y’igihugu "Amavubi" yatsinzwe na Mozambique ibitego 3-2 kuri Sitade Amahoro i Remera, inzozi zo kujya muri CAN 2017 zirayoyoka kuko bitagishobotse kuza mu makipe abiri yatsinze neza.

Umutoza w’Amavubi, Jonathan Mckinstry yakoze impinduka zitavuzweho rumwe zo kubanza mu kibuga Niyonzima Ally wakinaga umukino we wa mbere nyuma yo kwigararagaza ku mukino wa gicuti wa Senegal asimbuye Mukunzi Yannick wabanje ku ntebe y’abasimbura na Rusheshangoga Michel wongera kwicaza Ombalenga Fitina.

Mckinstry yari yabanje mu kibuga Abakinnyi Ndayishimiye Eric, Rwatubyaye Abdoul, Bayisenge Emery, Sibomana Abouba, Rusheshangoga Michel, Niyonzima Ally, Mugiraneza Jean Baptiste, Niyonzima Haruna, Iranzi Jean Claude, Nshuti Xavio na Tuyisenge Jacques.

JPEG - 735.6 kb
Tuyisenge Jacques yitwaye neza atsindira Amavubi ibitego 2 n’ubwo ntacyo byatanze kuko amanota 3 yegukanwe na Mozambique

Mozambique ni yo yafunguye izamu ku gitego gitunguranye ku ishoti rya kure rya Elias Gaspar Pembe ryaruhukiye mu izamu rya Ndayishimiye Eric.

Tuyisenge Jacques yaje kwishyura iki gitego ku munota wa 36 ku ishoti riremereye ryatewe na Iranzi Jean Claude, Jose Ventura ufatira Mozambique arawuruka ubundi Tuyisenge wari hafi aho awohereza mu rushundura.

Ku munota wa 44, Reginaldo Arfur yaje kuzamukana umupira ku ruhande rw’ibumoso acenga Sibomana Abouba awuhereza David Majante wahise uwushyira mu rushundura.

Igice cya kabiri kigitangira, Niyonzima Ally yaje gusimburwa na Danny Usengimana. Mu minota ya mbere y’igice cya kabiri, Amavubi yatangiye ashaka kwishyura aho hari uburyo bwari bwabazwemo igitego nk’ubwa Tuyisenge Jacques ku munota wa 54 na Danny Usengimana wari usigaye wenyine ku mupira yari aherejwe na Abouba.

Umutoza w’Amavubi Mckinstry yaje gufata icyemezo ku munota wa 68 atavuzeho rumwe n’abari muri Sitade akuramo Iranzi Jean Claude wari utangiye gutanga imipira yashoboraga kubyara ibitego amusimbuza Hakizimana Muhadjiri.

Tuyisenge Jacques yaje kubona igitego cya kabiri cy’Amavubi ku munota wa 77 ku mupira wari uturutse kwa Sibomana Abouba. Nyuma y’iminota 2 ku munota wa 79, Elias Gaspar Pembe yatsinze ku ruhande rwa Mozambique nyuma yo gucenga ba myugariro babiri b’Amavubi.

Amavubi yakomeje kubona uburyo bw’imbere y’izamu ariko ntiyabubyaza umusaruro. Nko ku munota wa 82 Hakizimana Muhadjiri ananirwa gushyira mu izamu umupira wavuye kwa Haruna, ku munota wa 84, Danny Usengimana asigarana n’izamu ntiyagira icyo akora no ku munota wa 85 nabwo Muhadjiri yongera guhusha igitego.

Jonathan Mckinstry, umutoza w’Amavubi yatangarije abanyamakuru ko Amavubi yananiwe kubyaza umusaruro uburyo babonaga imbere y’izamu naho Abel Xavier atangaza ko intego yabo kwari ukwitwara neza kandi ikipe yahindutse. Avuga ko yishimiye ibyo abakinnyi be bakoze.

Kuri ubu Ghana igomba gukina na Mauritius kuri iki cyumweru ni yo ya mbere mu itsinda n’Amanota 10, harakuriraho Amavubi n’amanota 6 anganya na Mauritius, Mozambique ikaba ifite amanota 4.

Amakipe 6 arimo Mali, Maroc, Misiri, Algeria, Senegal na Cameroun akaba yaramaze kubona itike ya CAN 2017.

 

Comments

pre-moderation

Igitekerezo cyanyu kiragaragara kimaze gusumwa n'umwanditsi mukuru wa Imvaho Nshya

Izina Ryanyu
IGITEKEREZO

 
 
Police FC: Seninga ahangayikishijwe no kubura kapiteni we
Police FC: Seninga ahangayikishijwe no kubura kapiteni we

Umutoza mukuru wa Police FC, Seninga Innocent aravuga ko ahangayikishijwe bikomeye no kubura kapiteni Twagizimana Fabrice bakunze kwita “Ndi ku kazi’’ wavunikiye bikomeye ku mukino Police FC (...)

Muganza yasinyiye gukinira Kiyovu amezi atandatu
Muganza yasinyiye gukinira Kiyovu amezi atandatu

Muganza Isaac waciye mu makipe atandukanye hano mu Rwanda yamaze gusinyira kuzakinira ikipe ya Kiyovu Sports amezi 6 ashobora kuzongerwa bitewe n’uko azitarwa. Uyu musore agiye muri Kiyovu (...)

Abakunzi ba Mukura basabye ko hatumizwa inteko rusange igitaraganya
Abakunzi ba Mukura basabye ko hatumizwa inteko rusange igitaraganya

Bashingiye ku musaruro mubi n’umwuka utari mwiza mu ikipe yabo, abakunzi ba Mukura VS bemeje ko bagiye gusaba Perezida w’ikipe yabo agatumiza inama y’inteko rusange idasanzwe yo gucoca ibi bibazo. (...)

Umutoza wa Kiyovu  yavuze impamvu ikipe ye ititwara  neza kuri buri mukino
Umutoza wa Kiyovu yavuze impamvu ikipe ye ititwara neza kuri buri mukino

Nyuma y’uko ikipe ya Kiyovu yitwaye neza igatsinda AS Kigali ibitego 2-1mu mukino w’umunsi wa 13 wa shampiyona, umutoza Kanamugire Aloys yagize icyo atangaza kuri iyi kipe itsinda umukino umwe (...)

Amagare: Ndayisenga Valens yabonye ikipe muri Autriche
Amagare: Ndayisenga Valens yabonye ikipe muri Autriche

Ndayisenga Valens, umukinnyi wa mbere mu Rwanda mu gusiganwa ku magare nyuma yo gusoza amasezerano ye mu ikipe ya Dimension Data for Qhubeka yamaze kubona ikipe mu gihugu cya Autriche yitwa (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.