Advertisement
 
 
 
 
 
 
 
 

Siporo | Siporo Mu Rwanda

Byinshi ku mutoza mushya wa Espoir FC wigeze gutoza ikipe y’igihugu y’u Burundi   

  Yanditswe na BIZIMANA ERIC
 4 months ago

 
 

Ikipe ya Espoir FC yemeje ko Ndayizeye Jimmy, Umurundi wigeze kuba umutoza wungirije w’ikipe y’igihugu “Intambamurugamba” aba umutoza mukuru akazungirizwa na Kalisa François watozaga Rwamagana FC mu mwaka ushize w’imikino.

Aba batoza bombi bahawe amasezerano y’umwaka umwe basabwa kugeza Espoir FC mu makipe ane ya mbere muri shampiyona ya 2016/ 2017 nk’uko Tuyishime Simeon, umunyabanga mukuru w’iyi kipe yabibwiye Imvaho Nshya.

Yagize ati ’’Twabahaye amasezerano y’umwaka umwe ashobora kuzongererwa mu gihe bitwaye neza. Twabasabye ko ikipe yitwara neza, ikazaza mu makipe ane ya mbere, icya kabiri tubasaba kwitwara neza mu gikombe cy’Amahoro, tukagitwara cyane ko umwaka ushize twagarukiye muri ½”.

JPEG - 86.1 kb
Ndizeye Jimmy wakiniye Kiyovu ni we mutoza mushya wa Espoir FC

Umunyamabanga mukuru wa Espoir FC yavuze ko bamaze no kugura abakinnyi bashya barimo André Tokoto, Umurundi wakiniraga Athletico FC y’i Bujumbura na George Rubaya ukomoka muri Uganda. Espoir FC yanahaye amasezerano mashya rutahizamu w’Umunyekongo Ishara Tresor Kitega.

Iby’ingenzi wamenya kuri Ndayizeye Jimmy, umutoza mushya wa Espoir FC

Ndayizeye w’imyaka 40 y’amavuko yabonye izuba taliki 23 Ukuboza 1976 i Bujumbura mu Burundi. Yakuriye mu Nyakabiga, agace kari mu murwa mukuru Bujumbura Yize amashuri yisumbuye kuri ETS Kamenge na Lycée Tanganyika i Bujumbura. Yamenyekanye nk’umukinnyi ukomeye wa Kiyovu Sports mu 2005.

Ndayizeye ufite impamyabushobozi yo gutoza ya Licences A ya CAF kuri ubu yari umutoza wa Muzinga FC. Uyu mugabo yanabaye umutoza wungirije w’ikipe y’igihugu y’u Burundi “Intambamurugamba” kuva muri 2013 kugeza muri Gicurasi 2015 aho yirukanwe hamwe na Kaze Cedrick waciye muri Mukura bazira ibibazo cyo kutumvikana n’umutoza mukuru.

 

Comments

pre-moderation

This forum is moderated before publication: your contribution will only appear after being validated by an administrator.

Who are you?
Your post
  • To create paragraphs, just leave blank lines.

 
 
Nyuma y’umunsi wa 7 wa shampiyona, Rayon Sports ntirinjizwa igitego
Nyuma y’umunsi wa 7 wa shampiyona, Rayon Sports ntirinjizwa igitego

Ikipe ya Rayon Sports yatangiye neza shampiyona y’umwaka wa 2016-2017 ku buryo kugeza itaratsindwa umukino n’umwe ndetse ntirinjizwa igitego mu izamu ryayo, ibintu biboneka gake muri shampiyona (...)

Jimmy Mulisa yizeye gufasha abakinnyi ba APR FC kujya hanze
Jimmy Mulisa yizeye gufasha abakinnyi ba APR FC kujya hanze

Umutoza mushya w’ikipe ya APR FC wanabaye umukinnyi w’ikirangirire w’iyi kipe, Jimmy Mulisa aratangaza ko yiteguye guha ubumenyi akanavugana n’abantu baziranye mu rwego rwo gufasha abakinnyi ba APR (...)

Usengimana Danny yagaragaje aho agifite intege nke nubwo yitwara neza
Usengimana Danny yagaragaje aho agifite intege nke nubwo yitwara neza

Mu buzima busanzwe, buri wese agira icyo ashobora kuruta ibindi ndetse akanagira n’ikintu aba afitemo intege nke. Kwimenya bigufasha mu gufata ingamba zizagenga ubuzima bwawe. Ni nako bimeze kuri (...)

Tour du Rwanda 2016 yadusigiye amasomo menshi – Meya Harelimana
Tour du Rwanda 2016 yadusigiye amasomo menshi – Meya Harelimana

Nyuma y’isiganwa ry’amagare “Tour du Rwanda 2016’’ ryageze mu karere ka Rusizi ku nshuro ya mbere, abayobozi batandukanye muri aka karere bakomeje kuvuga ko ryabasigiye amasomo menshi ku byerekeranye (...)

APR FC iragaruka mu Rwanda uyu munsi
APR FC iragaruka mu Rwanda uyu munsi

Ikipe ya APR FC nyuma yo kutitwara neza igasezererwa mu irushanwa yari yatumiwemo muri Congo Brazzaville, uyu munsi taliki 27 Ugushyingo 2016 iragaruka mu Rwanda. Iyi kipe yerekeje muri Congo (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.