2017-08-21 15:16:56 clouds 27o High | Kigali Rwanda

Dukurikire:
 
 

Bokota ntiyishimiye imikinire ye muri iki gihe

Yanditswe na IMVAHO NSHYA

Kuya 2016-04-22 09:46:41

 
Share on:
 
Yasuwe:7
 
Yavuzweho:200
 
10
 
10

Rutahizamu w’ikipe ya AS Muhanga, Bokota Labama, atangaza ko mu mikino ibiri ya shampiyona amaze gukina ataragaruka ku rwego rw’imikinire yifuza.

Muri iyo mikino harimo intsinzi y’ibitego 4-1 mu mukino batsinzemo Amagaju ndetse no kunganya na Espoir FC 0-0.

Nyuma y’umukino AS Muhanga yatsinzemo Amagaju ibitego 4-1, Bokota yatangaje ko ataranyurwa n’urwego ariho rw’imikinire harimo no kudatsinda ibitego.

JPEG - 36.9 kb
Bokota Labama

N’ubwo atabona umusaruro uko abyifuza, yatangaje ko yashimishijwe no kugira uruhare kugira ngo bagenzi be batsinde.

Ati “Ntabwo nishimiye uko ndimo gukina kubera ntaratsinda ibitego ariko nanone nshimishijwe no gufasha bagenzi banjye gutsinda Amagaju FC”.

Bokota kandi yahakanye yivuye inyuma ko amasezerano ye avuga ko azajya ahabwa amafaranga ibihumbi 50 buri uko atsinze igitego.

N’ubwo atabonye igitego muri 4-1 batsinze ikipe y’Amagaju, Bokota yagize uruhare rukomeye kugira ngo AS Muhanga ibone iyo ntsinzi.

Bokota ni we wakoreweho ikosa ku munota wa 40 n’umunyezamu Rukundo Prothogene wahise anahabwa ikarita y’umutuku. Bityo AS Muhanga ihita ibona icyuho ku ikipe y’Amagaju yakinaga ari abakinnyi 10.

Umutoza wa AS Muhanga, Rutayisire Edouard atangaza ko komite n’Akarere ka Muhanga nibubahiriza ibyo biyemeje ku bijyanye n’amikoro nta kabuza ikipe ya AS Muhanga mu mikino yo kwishyura ya shampiyona izitwara neza kuko ifite abakinnyi bakuze bazi icyo gukora.

atlantis ad

TANGA IGITEKEREZO

 
 
AMATEGEKO AGENGA IYANDIKA RY'IGITEKEREZO CYAWE