Advertisement
 
 
 
 
 
 
 
 

Siporo | Siporo Mu Rwanda

Beach Volleyball: Ikipe y’u Rwanda ishobora kubona itike y’imikino Olempike 2016   

  Yanditswe na Bugingo Fidele
 16 April

 
 

Ikipe y’u Rwanda mu bagore bakina Volleyball yo ku mucanga “Beach Volleyball” ejo taliki 17 Mata 2016 izakina umukino wa nyuma na Misiri mu mikino yo gushaka itike y’imikino Olempike 2016 “Women African Beach Vollyeball Olympic Qualifiers 2016”.

Iyi kipe y’u Rwanda igizwe na Mutatsimpundu Denyse ufatanya na Nzayisenga Charlotte ndetse na Mukantambara Seraphine ufatanya na Hakizimana Judith yari mu itsinda B hamwe na Misiri ndetse bakaba bari batsinze Misiri mu mikino y’amajojora.

U Rwanda nirwitwara neza ikongera gutsinda Misiri izaba yanditse amateka kuko ni ubwa mbere ikipe y’u Rwanda izaba ibonye itike y’imikino Olempike.

JPEG - 54.7 kb
Ikipe y’u Rwanda na Misiri zizakina umukino wa nyuma

Uko ikipe y’u Rwanda yazamutse

Ikipe y’u Rwanda yari mu itsinda B hamwe na Mozambique, Maroc, Misiri na Namibia. Ikipe y’u Rwanda A (Mutatsimpundu Denyse na Nzayisenga Charlotte) batsinze Mozambique B amaseti 2-0 (21-6 na 21-13) naho Mozambique A itsinda Rwanda B (Mukantambara Seraphine na Hakizimana Judith) amaseti 2-0 (21-18 na 21-19).

Iyo ikipe imwe itsinzwe indi igatsinda hakinwa undi mukino wa kamarampaka (Golden Match) bahagitamo ikipe zihura. Aha Rwanda A yahise ihura na Mozambique A maze ikipe y’u Rwanda itsinda Mozambique amaseti 2-1 (18-21,21-07 na na 17-15).

Umukino wa kabiri, Rwanda A yatsinze Misiri B amaseti 2-0 (21-11 na 22-20) naho Rwanda B itsindwa na Misiri B amaseti 2-0 (21-6,25-23). Umukino wa kamarampaka, Rwanda A itsinda Misiri A amaseti 2-0 (21-17 na 21-17).

Ikipe y’u Rwanda ku mukino wa 3 yitwaye neza itsinda Maroc. Rwanda B yatsinze Maroc A amaseti 2-0 (21-14 na 21-18) naho Rwanda A itsinda Maroc B amaseti 2-0 (21-13 na 21-16).

JPEG - 40.2 kb
Uhereye ibumoso ni Rwanda A (Mutatsimpundu na Nzayisenga) naho Rwanda B ni Hakizimana na Mukantabana

Umukino wa nyuma mu itsinda, Rwanda B yatsinzwe na Namibia A amaseti 2-1 (19-21, 21-19 na 15-5), Rwanda A itsinda Namibia B amaseti 2-0 (21-12 na 21-19), umukino wa kamarampaka, Rwanda B itsinda Nambia 1 amaseti 2-0 (21-6 na 21-9).

Gutsinda iyi mikino yose byaheshaga ikipe y’u Rwanda kuzamuka iyoboye itsinda B. Muri ½ yahuye na Mauritius yari muitsinda A akaba ari nayo yarifite igikombe cy’Afurika maze Rwanda A itsinda Mauritius B amaseti 2-0 (21-5 na 21-11) naho Rwanda B itsinda Mauritius A amaseti 2-0 (21-15 na 21-8). Ikipe ya Misiri nayo isezereye Nigeria muri ½.

Aya makipe agiye guhura, u Rwanda na Misiri izatsinda ni yo izahita ibona itike yo guhagararira Afurika mu mikino Olempike 2016 izabera i Rio muri Brazil kuva taliki 05-21 Kanama 2016. Ikipe ya Mauritius na Nigeria yakiriye iyi mikino nazo zigomba guhatanira umwanya wa 3.

 

Comments

Who are you?
Your post
  • To create paragraphs, just leave blank lines.

 
 
Mu myaka 2 tuzaba dufite ikipe y’igihugu y’abagore ikomeye - Rwemalika
Mu myaka 2 tuzaba dufite ikipe y’igihugu y’abagore ikomeye - Rwemalika

Felicite Rwemarika, umuyobozi mu ishyirahamwe ry’umupira mu Rwanda (FERWAFA) ushinzwe by’umwihariko iterambere ry’umupira w’abagore aremeza ko mu gihe cy’imyaka ibiri abanyarwanda bazaba bafite ikipe (...)

Jimmy Mulisa azanye impinduka mu mikinire ya APR FC
Jimmy Mulisa azanye impinduka mu mikinire ya APR FC

Umutoza mushya wa APR FC, Jimmy Mulisa aravuga ko nyuma yo guhabwa iyi ikipe agiye kuvugurura imikinire yayo. Ayo mavugurura Mulisa ateganya ni ayo gutuma APR FC igiye kujya ikina umupira (...)

Nyuma y’umunsi wa 7 wa shampiyona, Rayon Sports ntirinjizwa igitego
Nyuma y’umunsi wa 7 wa shampiyona, Rayon Sports ntirinjizwa igitego

Ikipe ya Rayon Sports yatangiye neza shampiyona y’umwaka wa 2016-2017 ku buryo kugeza itaratsindwa umukino n’umwe ndetse ntirinjizwa igitego mu izamu ryayo, ibintu biboneka gake muri shampiyona (...)

Jimmy Mulisa yizeye gufasha abakinnyi ba APR FC kujya hanze
Jimmy Mulisa yizeye gufasha abakinnyi ba APR FC kujya hanze

Umutoza mushya w’ikipe ya APR FC wanabaye umukinnyi w’ikirangirire w’iyi kipe, Jimmy Mulisa aratangaza ko yiteguye guha ubumenyi akanavugana n’abantu baziranye mu rwego rwo gufasha abakinnyi ba APR (...)

Usengimana Danny yagaragaje aho agifite intege nke nubwo yitwara neza
Usengimana Danny yagaragaje aho agifite intege nke nubwo yitwara neza

Mu buzima busanzwe, buri wese agira icyo ashobora kuruta ibindi ndetse akanagira n’ikintu aba afitemo intege nke. Kwimenya bigufasha mu gufata ingamba zizagenga ubuzima bwawe. Ni nako bimeze kuri (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.