Advertisement
 
 
 
 
 
 
 
 

Siporo | Siporo Mu Rwanda

Basketball: Ukuri ku isezererwa ry’umutoza wa IPRC-South   

  Yanditswe na BIZIMAN ERIC
 June 2016

 
 

Ubuyobozi bwa IPRC-South bwemeje ko Bineza Didier wari umutoza w’iyi kipe yasezerewe asimburwa na Mushumba Charles wari umutoza wa Kaminuza y’u Rwanda ishami rya Huye.

Bineza yabwiye Imvaho Nshya ko yasezerewe azira umusaruro muke wo gutakaza igikombe cya shampiyona agitwawe na Patriots mu rugo, anaviramo hafi mu mikino yo kwibuka yitiriwe Memorial Gisembe nabwo atsinzwe na Patriots na Espoir BBC.

Ubuyobozi bwa IPRC-South bwafashe icyemezo cyo guha amahirwe Mushumba Charles wari umutoza wa Kaminuza, wanazamuye Bineza kugira ngo barebe niba hari aho yageza iyi kipe, yasabwe nibura mu mikino ihuza amakipe ane ya mbere “Playoffs” ubundi bakiga ku cyemezo niba bamuha amasezerano y’igihe kirekire.

JPEG - 226.7 kb
IPRC-South nyuma yo kubona umutoza mushya yatsinze Espoir BBC muri Playoffs (Foto FERWABA)

Mushumba yavuze ko akiri umutoza wa Kaminuza, ahubwo afasha IPRC-South muri “Playoffs” mu gihe ikipe ye itari yabashije kuba mu makipe 4 ya mbere.

Yagize ati “Njye bambwiye ko umutoza wabo bamuhaye amezi atatu adakora. Ubwo amasezerano yanjye na bo azarangira muri Nzeli uyu mwaka, nisubirire muri Kaminuza abanyeshuri bagarutse”.

Mushumba yemera ko mu gihe IPRC-South nimuha ibiruta ibyo yabonaga muri Kaminuza azahita ayerekerezamo.

Ati “Niba umuntu akubwiye ati “Fata aya mahirwe, byonyine no kugutekereza ni ikintu gikomeye. Nibansaba nzajya kuvugana n’aho nakoraga, mbabwire ko nabonye aho bampa byiza kuruta ibyo bo bampaga. Ikindi kuri njye ntekereza ko bashaka kureba niba twakorana. Byose birashoboka”.

Mushumba yageze muri Kaminuza y’u Rwanda mu 1997 nk’umukinnyi wayo atangira kuyibera umutoza muri 2002.

 

Comments

 
 
Amakipe atatu ashobora kuzira kutamenyekanisha imisoro
Amakipe atatu ashobora kuzira kutamenyekanisha imisoro

Ubuyobozi bw’ishyirahamwe ry’umupira w’amagurumu Rwanda “FERWAFA” buravuga ko butishimiye imyitwarire y’amakipe atatu yananiwe kumenyekanisha imisoro y’imyenda abereyemo Ikigo cy’igihugu cy’imisoro (...)

Mu kwezi kumwe muzambaze niba nziyamamariza kuyobora FERWAFA - V. de Gaulle
Mu kwezi kumwe muzambaze niba nziyamamariza kuyobora FERWAFA - V. de Gaulle

Perezida w’Ishyirahamwe ry’Umupira w’Amaguru mu Rwanda “FERWAFA”, Nzamwita Vincent De Gaulle aravuga ko mu kwezi kumwe ari bwo azatangaza niba aziyamamariza manda ya kabiri yo kuyobora iri (...)

RGB yahaye amakipe mashya ya Karate ibyemezo by’ubuzima gatozi
RGB yahaye amakipe mashya ya Karate ibyemezo by’ubuzima gatozi

Ikigo cy’Igihugu cy’Imiyoborere, RGB, cyahaye amakipe atatu y’umukino wa Karate Wado Ryu ibyemezo by’ubuzima gatozi ku Cyumweru ku ya 27 Werurwe 2017. Amakipe yahawe ibyo byemezo biyemerera (...)

Masudi  yahishuye ibanga rituma Rayon Sports yitwara neza muri iyi minsi
Masudi yahishuye ibanga rituma Rayon Sports yitwara neza muri iyi minsi

Ikipe ya Rayon Sports ubu iri ku mwanya wa mbere ku rutonde rwa shampiyona n’amanota 49; irusha ikipe ya APR FC iri ku mwanya wa kabiri amanota 8 ndetse iyi kipe ya Rayon Sports ikaba ifite (...)

Habimana yegukanye imidali itatu mu mukino w’amagare utamenyerewe mu Rwanda
Habimana yegukanye imidali itatu mu mukino w’amagare utamenyerewe mu Rwanda

Abakinnyi babiri b’Abanyarwanda basanzwe bakina umukino wo gusiganwa ku magare ari bo Habimana Jean Eric ukinira Fly na Munyaneza Didier ukinira Benediction Club y’ i Rubavu bari muri Afurika (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.