2017-06-28 08:00:46 clouds 27o High | Kigali Rwanda

Dukurikire:
 
 

Basketball: Patriots BBC irakira REG BBC mu mukino w’ishiraniro

Yanditswe na IMVAHO NSHYA

Kuya 2017-04-28 09:27:05

 
Share on:
 
Yasuwe:64
 
Yavuzweho:200
 
10
 
10

Uyu munsi : Espoir BBC- APR BBC (Amahoro-19h00) ; Patriots BBC - REG BBC (Amahoro -21h00)
Ejo tariki 29-04-2017: IPRC Kigali - CSK BBC (Amahoro-16h00)
Tariki 30-04-2017: UGB BBC - Rusizi BBC (Amahoro-09h00); IPRC South BBC - REG BBC (Huye- 12h00)

Ikipe ya Patriots BBC irakira REG BBC mu mukino ukomeye uza kubera kuri Sitade Amahoro saa tatu z’ijoro (21h00) muri shampiyona y’igihugu mu mukino wa Basketball igeze ku munsi wa 13,

JPEG - 293.4 kb
Hakizimana Lionel (wambaye umweru), umukinnyi wa Patriots BBC ahanganye n’abakinnyi ba REG BBC mu mukino uheruka kubahuza

Ni umukino ugiye guhuza amakipe abiri akurikiranye ku rutonde rwa shampiyona atandukanyijwe n’amanota 2 gusa aho ruyobowe na Patriots BBC ifite igikombe cya shampiyona umwaka ushize n’amanota 23 igakurikirwa na REG BBC ya kabiri n’amanota 21.

Mu bikomeza uyu mukino cyane kuri aya makipe yombi asa naho ahataniye igikombe cya shampiyona y’uyu mwaka wa 2017, ni uko REG BBC ibashije gutsinda yahita ifata umwanya wa mbere muri shampiyona mu gihe igifite n’umukino w’ikirarane igomba gukina ku Cyumweru tariki 30 Mata 2017 na IPRC- South BBC.

Ikipe ya REG BBC irashaka kwigaranzura Patriots BBC yayitsinze mu mikino ibiri iheruka kubahuza muri uyu mwaka w’imikino irimo ubanza wa shampiyona n’umukino wa nyuma w’irushanwa ribanziriza shampiyona y’uyu mwaka 2017 “Pre-season Tournament 2017”.

Umutoza wa REG BBC, John Bahufite usanzwe uzi neza ikipe ya Patriots BBC dore ko yabanje gutoza Espoir BBC ayihesha ibikombe bitandukanye yatangarije Imvaho Nshya ko biteguye kwitwara neza muri uyu mukino ku ruhande rwe yemeza ko uzaba ari umukino mwiza kandi abona ko uri buborohere.

Ati “Umukino w’uyu munsi ku mpapuro urakomeye mu by’ukuri, ariko mu kibuga uzaba woroshye cyane, nidukora ubwugarizi bwiza uzoroha tukabifatanya no kwirinda gutakaza imipira tukarushaho gukina umukino wihuta cyane.”

Uyu mukino uraza kuba wabanjirijwe n’undi mukino utegerejwe cyane aho ikipe ya Espoir BBC yakira APR BBC kuri Sitade Amahoro saa moya (19h00).

Mu yindi mikino, ku wa Gatandatu tariki 29 Mata 2017, ikipe ya IPRC - Kigali BBC izakina na CSK BBC kuri Sitade Amahoro saa kumi (16h00) mu gihe ku Cyumweru tariki 30 Mata 2017 UGB BBC izakina na Rusizi BBC kuri Sitade Amahoro saa moya (09h00) naho IPRC -South BBC izakire REG BBC muri IPRC-South (12h00).

Mu bagore, shampiyona izakomeza ku wa Gatandatu tariki 29 Mata 2017, The Hoops Rwa BBC izakina na APR BBC kuri Sitade Amahoro saa munani (14h00).

Mbere y’iyi mikino, Patriots BBC iyoboye urutonde n’amanota 23, ikurikiwe na REG BBC n’amanota 21 inganya na Espoir BBC ya 3, IPRC-Kigali BBC n’amanota 18, hakaza APR BBC n’amanota 17 inganya na IPRC-South BBC ndetse na UGB BBC, Rusizi BBC na 30 Plus BBC banganya amanota 13 naho CSK BBC ni iya nyuma n’amanota 11.

JPEG - 293.4 kb
Hakizimana Lionel (wambaye umweru), umukinnyi wa Patriots BBC ahanganye n’abakinnyi ba REG BBC mu mukino uheruka kubahuza
JPEG - 293.4 kb
Hakizimana Lionel (wambaye umweru), umukinnyi wa Patriots BBC ahanganye n’abakinnyi ba REG BBC mu mukino uheruka kubahuza
JPEG - 293.4 kb
Hakizimana Lionel (wambaye umweru), umukinnyi wa Patriots BBC ahanganye n’abakinnyi ba REG BBC mu mukino uheruka kubahuza
JPEG - 293.4 kb
Hakizimana Lionel (wambaye umweru), umukinnyi wa Patriots BBC ahanganye n’abakinnyi ba REG BBC mu mukino uheruka kubahuza
JPEG - 293.4 kb
Hakizimana Lionel (wambaye umweru), umukinnyi wa Patriots BBC ahanganye n’abakinnyi ba REG BBC mu mukino uheruka kubahuza
atlantis ad

TANGA IGITEKEREZO

 
 
AMATEGEKO AGENGA IYANDIKA RY'IGITEKEREZO CYAWE