Advertisement
 
 
 
 
 
 
 
 

Siporo | Siporo Mu Rwanda

Basketball: Ikipe y’u Rwanda U-18 igiye kwerekeza muri USA   

  Yanditswe na NKOMEJE GUILLAUME
 May 2016

 
 

Ikipe y’igihugu y’u Rwanda y’abatarengeje imyaka 18 mu bagabo iri mu myiteguro yo kwerekeza muri Leta Zunze ubumwe za Amerika mu mwiherero wo kwitegura imikino ya Afurika mu batarengeje imyaka 18 “2016 FIBA Africa U-18 Championship for Men” izabera mu Rwanda mu mpera za Nyakanga 2016.

N’ubwo iyi kipe ikirimo gukina imikino ya shampiyona, iri no gukora imyitozo rusange yitegura uyu mwiherero yatumiwemo n’umujyi wa Arizona wo muri Amerika.

Muri uwo mwiherero uzaba guhera taliki 18 kugera taliki 22 Gicurasi 2016 biteganyijwe ko bazakina imikino ya gicuti n’ibihugu birimo Mali, Cameroun n’ikipe ya U-18 y’umujyi wa Arizona.

JPEG - 255.8 kb
Abakinnyi b’ikipe y’u Rwanda U-18 bitegura kujya muri Amerika mu mikino ya gicuti

Mu kiganiro Imvaho Nshya yagiranye n’umutoza w’ikipe y’igihugu, Mutokambali Moise yavuze ko uyu mwiherero bagiye kujyamo uzabafasha gukomeza kumenyereza abakinnyi no kuzamura urwego rw’imikinire.

Ati “Uyu mwiherero ni umwanya mwiza wo gupima urwego turiho ugereranije n’urwego nyakuri rw’amakipe tuzahura”.

Mutokambali yakomeje avuga ko uretse kuba bamaze kugera ku rwego rwiza bakesha gukina muri shampiyona, kuba bagiye guhura n’aya makipe yo hanze bizabongerera imyitozo ndetse n’ubunararibonye.

Ati “Iyo witegura amarushanwa ukenera imikino ya gicuti muri rusange twakinaga n’amakipe yo muri shampiyona atari ku rwego nyirizina rw’amakipe y’ibihugu ya U-18, kuba tugiye guhura n’ikipe y’igihugu ya Mali ari nayo yakiriye amarushanwa ya Afrobasket y’ubushize ndetse yarangirije ku mwanya wa kabiri nyuma ya Misiri, iya Cameroun no kuba harimo ikipe ya Arizona ya U-18 by’umwihariko ari naho umukino wa Basketball ukomoka gukina nabo n’indi ntambwe ikomeye”.

Umunyamabanga mukuru w’Ishyirahamwe ry’umukino wa Basketball mu Rwanda “FERWABA”, Mutabazi Richard yavuze ko uretse kuba iyi kipe ikina muri shampiyona kugira ngo imenyere amarushanwa, basabye uyu mwiherero mu rwego gupima urwego bariho ugereranije n’amakipe y’ibindi bihugu bari ku kigero kimwe.

Yongeyeho ko uyu mwiherero uzafasha umutoza w’iyi kipe Mutokambali Moise kuba yagera ku ntego yihaye yo kugeza iyi kipe ku nshuro ya mbere muri ½ cy’iyi mikino ya Afurika.

Imikino ya Afurika mu batarengeje imyaka 18 yaherukaga ubera mu Rwanda muri 2010, aho Misiri yegukanye igikombe naho ikipe y’u Rwanda iza ku mwanya wa 6 mu makipe yari yitabiriye.

Ikipe y’u Rwanda U-18 izasoza imikino ya shampiyona ku wa Gatatu taliki 11 Gicurasi 2016 ikina na UGB yerekeze muri Amerika taliki ya 16 Gicurasi 2016.

 

Comments

 
 
Seninga mu ihurizo rikomeye mbere yo guhura na Rayon Sports
Seninga mu ihurizo rikomeye mbere yo guhura na Rayon Sports

Umutoza wa Police FC, Seninga Innocent ari mu mibare ihambaye yo kubona myugariro wo gufatanya na Umwungeli Patrick mu bwugarizi bwo hagati (Central defense) ku mukino uzahuza Police FC na Rayon (...)

Bitayigoye, Rayon Sports yakomeje mu mikino ya Afurika
Bitayigoye, Rayon Sports yakomeje mu mikino ya Afurika

Rayon Sports 2-0 Al Wau Salaam (6-0) Ikipe ya Rayon Sports yabonye itike yo gukomeza mu cyiciro cya kabiri cy’imikino y’amajonjora mu mikino ya Afurika y’amakipe yitwaye neza iwayo “Total CAF (...)

APR FC yasezerewe na Zanaco FC mu mikino y’Afurika
APR FC yasezerewe na Zanaco FC mu mikino y’Afurika

APR FC 0-1 Zanaco FC Ikipe ya APR FC yasezerewe mu mikino y’Afurika y’amakipe yabaye aya mbere iwayo “Total CAF Champions League 2017” itsinzwe na Zanaco FC yo muri Zambia igitego 1-0 mu mikino (...)

Ibyo ukwiye kumenya ku Munyarwandakazi ushaka kwandikwa muri Guinness World Record
Ibyo ukwiye kumenya ku Munyarwandakazi ushaka kwandikwa muri Guinness World Record

Kuva kuri uyu Gatanu saa mbiri za mu gitondo, Uwamahoro Cathia, araba aharanira gukora bwa mbere umuhigo utarigeze ubaho kuva isi yaremwa, wo kwandikwa mu gitabo cy’abanyaduhigo nk’umukinnyi (...)

Umutoza wa Marines FC ati «Ntako bisa gutsinda Espoir  FC yakanze abantu»
Umutoza wa Marines FC ati «Ntako bisa gutsinda Espoir FC yakanze abantu»

Umutoza w’ikipe ya Marines FC, Nduhirabandi Abdoulkarim uzwi ku izina rya Coka aravuga ko yishimiye gutsinda ikipe ya Espoir FC yari imaze iminsi yitwara neza mu mikino ya shampiyona. Ni nyuma (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.