Advertisement
 
 
 
 
 
 
 
 

Siporo | Siporo Mu Rwanda

Basketball: Abakinnyi b’u Rwanda 5 bagiye kujya kwiga muri Amerika   

  Yanditswe na BUGINGO FIDELE
 4 months ago

 
 

Abakinnyi 5 b’ikipe y’u Rwanda y’abatarengeje imyaka 18 yitabiriye imikino y’Afurika “FIBA Africa U-18 Championship 2016” babonye amashuri muri Amerika aho bagomba gukomereza amashuri banakina.

Aba bakinnyi ni Furaha Cadeau de Dieu, Shema Osbon, Nkusi Arnaud, kapiteni w’ikipe y’u Rwanda U-18 na Nshobozwabyosenumukiza Wilson watunguranye cyane akigaragaza nk’umukinnyi ukomeye. Uretse aba hari na Kisa Enoch Kyeyune nawe ugomba kujya Michigan.

Nyuma y’imikino y’Afurika, umutoza w’ikipe y’igihugu, Mutokambali Moise yagize byinshi avuga ku bijyanye n’ahazaza h’aba bakinnyi.

Ati “Abakinnyi bari munsi cyangwa bafite imyaka 18 biragoye guhita binjira mu ikipe nkuru, abantu badufashije tujya Arizona muri Amerika barimo kudufasha kubonera aba bakinnyi amashuri kandi bisa n’ibyarangiye kuko bamwe bamaze kubona ibyangombwa”.

JPEG - 228.4 kb
Nkusi Arnaud, kapiteni w’ikipe y’u Rwanda U-18 ni umwe mu bakinnyi babonye ishuri muri Amerika

Uyu mutoza avuga ko uretse Furaha, Shema na Nkusi, Kisa Enoch nawe ababyeyi be bamufashije kubona ishuri Michigan muri Amerika. Umunyamabanga mukuru w’ishyirahamwe ry’umukino wa Basketball mu Rwanda “FERWABA”, Mutabazi Richard yatangaje ko basabye ababafashije ko batwara n’umukinnyi ukina aha abandi imipira (Playmaker).

Ati “Gasana asanzwe aba muri Canada hari hasigaye Niyonshuti Samuel na Nshobozwabyosenumikiza, bahisemo Nshobozwabyosenumukiza nawe ibyangomba bye bizaboneka agende”.

Mutabazi yatangaje ko kujyana abakinnyi hanze ugasiga umukinnyi nk’uyu byari kubagora cyane kuko bazaza bagakinana nawe batari ku rwego rumwe.

Mutokambali usanzwe ari n’umutoza w’ikipe y’igihugu nkuru yatangaje aba bakinnyi nibagenda ukongeraho n’abasanzweyo ikizaba gisigaye ari ukubakurikirana ku buryo bazaza gukinira ikipe y’igihugu.

Mutokambali yishimiye umwanya yabonye

Nyuma yo gutangira irushanwa yifuza kuza mu makipe 4 ya mbere ariko ntibikunde ikipe y’u Rwanda ikaza ku wanya wa 5, umutoza Mutokambali yavuze ko yawakiriye neza.

Ati “Si kimwe n’uko wakwifuza kuza mu myanya 4 ya mbere ukisanga ku mwanya wa 8. Si umwanya mubi kuko amakipe ari imbere afite izina rikomeje gusa natwe twerekanye ko urwego rwa Basketball rurimo kuzamuka”.

Yakomeje avuga ko abona ikipe yaritwaye neza kuko mu mikino 7 yatsinze 5 itsindwa imikino 2 harimo uwa Mali mu matsinda na Tunizia muri ¼. Gusa yagaragaje ko yagize imbogamizi z’abakinnyi bakina ku mpande.

Uyu mutoza yashimiye cyane abakinnyi kuba baritanze, ashimira abatoza bafatanyije ndetse n’abanyamakuru batumye abafana baba benshi kuko babateye morali babasha kwitwara neza.

 

Comments

pre-moderation

This forum is moderated before publication: your contribution will only appear after being validated by an administrator.

Who are you?
Your post
  • To create paragraphs, just leave blank lines.

 
 
Mu myaka 2 tuzaba dufite ikipe y’igihugu y’abagore ikomeye - Rwemalika
Mu myaka 2 tuzaba dufite ikipe y’igihugu y’abagore ikomeye - Rwemalika

Felicite Rwemarika, umuyobozi mu ishyirahamwe ry’umupira mu Rwanda (FERWAFA) ushinzwe by’umwihariko iterambere ry’umupira w’abagore aremeza ko mu gihe cy’imyaka ibiri abanyarwanda bazaba bafite ikipe (...)

Jimmy Mulisa azanye impinduka mu mikinire ya APR FC
Jimmy Mulisa azanye impinduka mu mikinire ya APR FC

Umutoza mushya wa APR FC, Jimmy Mulisa aravuga ko nyuma yo guhabwa iyi ikipe agiye kuvugurura imikinire yayo. Ayo mavugurura Mulisa ateganya ni ayo gutuma APR FC igiye kujya ikina umupira (...)

Nyuma y’umunsi wa 7 wa shampiyona, Rayon Sports ntirinjizwa igitego
Nyuma y’umunsi wa 7 wa shampiyona, Rayon Sports ntirinjizwa igitego

Ikipe ya Rayon Sports yatangiye neza shampiyona y’umwaka wa 2016-2017 ku buryo kugeza itaratsindwa umukino n’umwe ndetse ntirinjizwa igitego mu izamu ryayo, ibintu biboneka gake muri shampiyona (...)

Jimmy Mulisa yizeye gufasha abakinnyi ba APR FC kujya hanze
Jimmy Mulisa yizeye gufasha abakinnyi ba APR FC kujya hanze

Umutoza mushya w’ikipe ya APR FC wanabaye umukinnyi w’ikirangirire w’iyi kipe, Jimmy Mulisa aratangaza ko yiteguye guha ubumenyi akanavugana n’abantu baziranye mu rwego rwo gufasha abakinnyi ba APR (...)

Usengimana Danny yagaragaje aho agifite intege nke nubwo yitwara neza
Usengimana Danny yagaragaje aho agifite intege nke nubwo yitwara neza

Mu buzima busanzwe, buri wese agira icyo ashobora kuruta ibindi ndetse akanagira n’ikintu aba afitemo intege nke. Kwimenya bigufasha mu gufata ingamba zizagenga ubuzima bwawe. Ni nako bimeze kuri (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.