2017-07-26 14:51:34 clouds 27o High | Kigali Rwanda

Dukurikire:
 
 

AS Kigali ntifite impungenge zo gusezererwa mu irushanwa yateguye

Yanditswe na IMVAHO NSHYA

Kuya 2016-09-13 05:31:07

 
Share on:
 
Yasuwe:5
 
Yavuzweho:200
 
10
 
10

Uyu munsi: AS Vita-Dauphin Noir (Rubavu-15h30), APR FC-AS Kigali (Nyamirambo-15h30), Police FC-Sunrise FC (Kicukiro-15h30), Kiyovu-Rayon Sports (Nyamirambo-18h00)

Imikino yabaye: AS Kigali 1-1 Dauphin Noir, Kiyovu 2-1 Police FC, AS Vita 0-0 APR FC, Sunrise 0-4 Rayon Sports

Imikino y’amatsinda mu irushanwa ryateguwe na AS Kigali “AS Kigali Pre-season Football Tournament 2016” iraza gusozwa kuri uyu kabiri taliki 13 Nzeri 2016, hamenyekana ikipe eshatu ziyunga kuri Rayon Sports yamaze kugera muri ½.

Umukino utegerejwe n’abatari bake ni uwo mu itsinda A uraza guhuza AS Kigali na APR FC ukaza gutangira saa cyenda n’igice (15h30) kuri Sitade ya Kigali.

JPEG - 166.2 kb
Ubwo Rayon Sports yatsindaga Sunrise FC ibitego 4-0 mu mukino wa kabiri mu itsinda

Igikomeza uyu mukino ni uburyo amakipe akurikirana muri iri tsinda riyobowe na APR FC inganya amanota 4 na AS Vita bigatandukanira ku bitego bazigamye. APR FC izigamye 5 naho AS Vita izigamye igitego 1 mu gihe AS Kigali na Dauphin Noir zinganya inota rimwe.

AS Kigali irasabwa gutsinda ikanashyiramo ikinyuranyo cy’ibitego bitanu, ibintu bitaza korohera, Nshimiyimana Eric, umutoza wa AS Kigali wanatoje ikipe ya APR FC.

Mbere y’uyu mukino, Nshimiyimana yavuze ko icyangombwa kuri we kwari ugukosora amakosa bagiye bakora.

Ati “Icyo mwamenya ni uko twitegura n’abandi bitegura. Icya ngombwa ni ukumenya aho wagize intege nke, ukikosora. Nitutagera kure hashoboka tuzakomeza turebe ahatagenze neza, tuhakosore. Gusa njye nzi ko ikipe yacu imeze neza’’.

Rwasamanzi Yves, umutoza APR FC avuga ko iri rushanwa ryabongereye imbaraga ribereka ko ko nibakora cyane bazagera kure mu marushanwa akomeye bazitabira.

Ku rundi ruhande, AS Vita iraza gukina n’ikipe ya Dauphins Noir aho byitezwe ko iza kuyitsinda bijyanye n’urwego rwo hasi iyi kipe yagaragaje kubera ko baje mu irushanwa bamaze igihe bataritegura.

Urundi rugamba rusa n’urukomeye mu itsinda B ahagomba kugaragara ikipe izazamukana na Rayon Sports ifite amanota 6, Kiyovu Sports na Sunrise FC zikaba ziyikurikiye n’amanota 3 mu gihe Police FC itarabona inota na rimwe.

Kiyovu Sports ifite akazi gakomeye ko gukura amanota 3 kuri Rayon Sports yatsinze Sunrise FC ibitego 4-0 mu mukino wa kabiri itsinda. Ikipe ya Sunrise FC nayo iraza kwisobanura na Police FC.

Umutoza wa Rayon Sports, Masudi Djuma atangaza ko agikomeje guha amahirwe abakinnyi bose kuko ngo nta mukinnyi waje kubyibuhira ku ntebe y’abasimbura, akaba kandi yifuza gukosora cyane cyane ku ruhande rwe rw’iburyo rudatanga imipira ibyara ibitego.

Biteganyijwe ko ikipe iza kuba iya mbere mu itsinda A izahura n’iya kabiri mu itsinda B naho iya mbere mu itsinda B izahure n’iya kabiri mu itsinda A muri ½, imikino izaba ku wa Kane taliki 15 Nzeri 2016.

atlantis ad

TANGA IGITEKEREZO

 
 
AMATEGEKO AGENGA IYANDIKA RY'IGITEKEREZO CYAWE