Advertisement
 
 
 
 
 
 
 
 

Siporo | Siporo Mu Rwanda

APR FC yatsinzwe na Ulinzi mu mikino ya gisirikare   

  Yanditswe na BUGINGO FIDELE
 August 2016

 
 

Ikipe ya APR FC yatsinzwe na Ulinzi y’ingabo za Kenya ejo hashize taliki 08 Kanama 2016, mu mikino ihuza inzego za gisirikare mu bihugu by’Umuryango wa Afurika y’Uburasirazuba “EAC Military Games and Cultural Event 2016” yatangiye kubera mu Rwanda.

Iyi mikino yitabiriwe n’abasaga 500 bavuye mu bihugu byo muri aka karere birimo Uganda, Kenya, Tanzania n’u Rwanda.

Igitego rukumbi cyagaragaye mu mukino wa APR FC na Ulinzi cyatsinzwe na John Makwata mu gice cya mbere.

JPEG - 279.7 kb
Twizerimana Onesme wa APR FC agerageza gucika abakinnyi ba Ulinzi FC

Nyuma y’uyu mukino, umutoza wa Ulinzi, Matano Robert yatangaje ko wari umukino ukomeye ariko babashije kwitwara neza bakabona intsinzi.

Naho umukinnyi Makwata watsindiye iyi kipe igitego cy’intsinzi yavuze ko baje bifuza gutsinda APR FC kuko ubushize mu mukino ubanza banganyije 0-0.

Ati “APR FC ni ikipe ikomeye, ubushize yegukanye igikombe, twaje dushaka kuyitsinda biradukundira. Ubu tugiye kwitegura umukino wa uzakurikiraho wa Tanzania na Uganda”.

Umutoza wa APR FC, Kanyankore gutsindwa umukino we wa mbere ntabwo yabifashe nk’igitangaza kuko ikipe ye itaramenyerana nyuma yo guhagarika shampiyona.

Ati “ Ntabwo bakoze nabi, ntibaramenyera nkeka ko mu minsi iri imbere bazaba bakina umukino mwiza”.

Hakizimana Muhadjiri, umukinnyi mushya muri APR FC wigaragaje yatangaje ko bakinnye neza ariko bakabura amahirwe yo gutsinda.

Ati “Badutsinze igitego bakiryamaho gusa natwe twakinnye neza dushakisha n’igitego ariko biranga, ubu tugiye gukaza imyitozo umukino utaha tuzitwara neza”.

Imikino izongera kuba ejo taliki 10 Kanama 2016,Uganda ikina na Tanzania naho taliki 12 Kanama 2016, Kenya (Ulinzi) izakine na Tanzania.

Muri iyi mikino irimo kuba ku nshuro ya 10,uretse umupira w’amaguru hari no gusiganwa ku maguru, Netball mu bagore, Basketball na Handball mu bagabo. Uyu munsi taliki 09 Kanama 2016 haraba irushanwa ryo gusiganwa ku maguru “Cross Country” aho baza gusiganwa ibilometero 10.

Igihugu cy’u Burundi ntabwo kitabiriye iyi mikino izasozwa taliki 17 Kanama 2016.

 

Comments

 
 
Basketball: Patriots BBC irakira REG BBC mu mukino w’ishiraniro
Basketball: Patriots BBC irakira REG BBC mu mukino w’ishiraniro

Uyu munsi : Espoir BBC- APR BBC (Amahoro-19h00) ; Patriots BBC - REG BBC (Amahoro -21h00) Ejo tariki 29-04-2017: IPRC Kigali - CSK BBC (Amahoro-16h00) Tariki 30-04-2017: UGB BBC - Rusizi BBC (...)

Rayon Sports: Nshimiyimana yemeje ko nta kibazo afitanye na Masudi
Rayon Sports: Nshimiyimana yemeje ko nta kibazo afitanye na Masudi

Umutoza wungirije wa Rayon Sports, Nshimiyimana Maurice bakunze kwita Maso yatangaje ko nta kibazo afitanye n’umutoza mukuru Masudi Djuma. Masudi Djuma yahagaritswe imikino ibiri n’ubuyobozi (...)

Mu Rwanda hari abana bafite impano ariko ntibategurwa neza-Rubona
Mu Rwanda hari abana bafite impano ariko ntibategurwa neza-Rubona

Umutoza w’ishyuri ry’umupira w’amaguru ry’ikipe ya APR FC, Rubona Emmanuel atangaza ko mu Rwanda hari abana bafite impano mu mupira w’amaguru ariko bakaba badategurwa neza. Umutoza Rubona (...)

Kwizera Olivier ni we nzaraga inkoni yanjye mu ikipe y’igihugu-Ndoli
Kwizera Olivier ni we nzaraga inkoni yanjye mu ikipe y’igihugu-Ndoli

Ndoli Jean Claude, umunyezamu wa AS Kigali n’ikipe y’igihugu “Amavubi” arahamya ko Kwizera Olivier ari we munyezamu yakwifuza kubona asigara mu izamu ry’ikipe y’igihugu “Amavubi” cyane ko abasigaye (...)

Umutoza wa Rayon Sports aracyafite icyizere cyo gusezerera Rivers United
Umutoza wa Rayon Sports aracyafite icyizere cyo gusezerera Rivers United

Tariki 22-04-2017: Rayon Sports-Rivers United (Amahoro-15h30) Umukino ubanza: Rivers United 2-0 Rayon Sports Ikipe ya Rayon Sports yatsinzwe umukino ubanza n’ikipe ya Rivers United yo muri (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.