Advertisement
 
 
 
 
 
 
 
 

Siporo | Siporo Mu Rwanda

APR FC yatsinze Police FC ikomeza kuyobora shampiyona   

  Yanditswe na BUGINGO FIDELE
 April 2016

 
 

Ikipe ya APR FC nyuma yo gutsinda Police FC ibitego 2-1 mu mukino w’umunsi wa 18 wa shampiyona yakomeje kuyobora urutonde rwa shampiyona by’agateganyo n’amanota 40.

Muri uwo mukino wabereye kuri Sitade ya Kigali i Nyamirambo, APR FC yari yakiriye yatangiye neza ibona igitego cyatsinzwe na Bigirimana Issa. Habyarimana Innocent wa Police FC yaje kwishyura iki gitego, igice cya mbere kirangira amakipe anganya.

Mu gice cya kabiri, APR FC yakomeje gushaka igitego cy’intsinzi ari nako ku ruhande rwa Police FC nabo bashakaga igitego kuko ku mpande zombi bagiye bahusha uburyo bwagomba kubyara igitego.

JPEG - 300.9 kb
Abakinnyi ba APR FC bishimira igitego cyatumye babona intsinzi kuri Police FC baherukaga gutsinda muri 2014 (Foto Gentil )

Kubera igitutu, mu minota ya nyuma abakinnyi ba Police FC baje kuzamuka bashaka kujya gutsinda batakaje umupira ikipe ya APR FC ibaca mu rihumye, Iranzi Jean Claude atsinda igitego cya 2 cya APR FC cyatumye itahana amanota 3. Iki kikaba igitego cye cya kabiri nyuma y’aho yanatsinze igitego cyo kwishyura mu mukino uheruka ubwo batsindaga Mukura ibitego 2-1.

Nyuma y’uyu mukino umutoza wa Police FC, Casa yavuze ko ikipe ya APR FC yabarushije gukina umupira hagati mu kibuga ariko ko bose babonye amahirwe angana ko nabo bashoboraga gutsinda.

Ati “Abakinnyi bazamutse bashaka gutsinda igitego batakaza umupira, abakinnyi ba APR FC baramanuka badutsinda igitego”.

Umutoza wungirije wa APR FC, Rubona Emmanuel yatangaje ko bishimiye intsinzi kuko bakinnye imikino igoye muri iyi minsi.

Ati “Police FC ni ikipe nziza yatugoye ariko birangije tubatsinze”. Yakomeje avuga ko icyo basaba abakinnyi ari ukwitanga kuko APR FC ari ikipe igomba guhora imbere.

APR FC yaherukaga gutsinda Police FC taliki 04 Nyakanga 2014 ku mukino w’igikombe cy’Amahoro nyuma yaho aya makipe yari amaze gukina imikino 6 anganya.

Indi mikino yabaye

Mu yindi mikino y’umunsi wa 18 yabaye, Espoir yatsinze Bugesera FC igitego 1-0, Kiyovu itsinda Amagaju FC ibitego 2-0, Mukura itsinda Rwamagana igitego 1-0, Musanze yatsindiwe iwayo na AS Muhanga ibitego 2-1, Gicumbi FC inganya na Marines FC igitego 1-1 naho AS Kigali inganya na Sunrise FC 0-0.

Kugeza ubu, APR FC irayoboye n’amanota 40 ikurikiwe na Rayon Sports n’amanota 36 ikaba ifite umukino w’ikirarane, Mukura ku mwaya wa 3 n’amanota 35, Kiyovu ku mwanya wa 4 n’amanota 32 naho Police FC na AS Kigali zikanganya amanota 31.

 

Comments

 
 
Basketball: Patriots BBC irakira REG BBC mu mukino w’ishiraniro
Basketball: Patriots BBC irakira REG BBC mu mukino w’ishiraniro

Uyu munsi : Espoir BBC- APR BBC (Amahoro-19h00) ; Patriots BBC - REG BBC (Amahoro -21h00) Ejo tariki 29-04-2017: IPRC Kigali - CSK BBC (Amahoro-16h00) Tariki 30-04-2017: UGB BBC - Rusizi BBC (...)

Rayon Sports: Nshimiyimana yemeje ko nta kibazo afitanye na Masudi
Rayon Sports: Nshimiyimana yemeje ko nta kibazo afitanye na Masudi

Umutoza wungirije wa Rayon Sports, Nshimiyimana Maurice bakunze kwita Maso yatangaje ko nta kibazo afitanye n’umutoza mukuru Masudi Djuma. Masudi Djuma yahagaritswe imikino ibiri n’ubuyobozi (...)

Mu Rwanda hari abana bafite impano ariko ntibategurwa neza-Rubona
Mu Rwanda hari abana bafite impano ariko ntibategurwa neza-Rubona

Umutoza w’ishyuri ry’umupira w’amaguru ry’ikipe ya APR FC, Rubona Emmanuel atangaza ko mu Rwanda hari abana bafite impano mu mupira w’amaguru ariko bakaba badategurwa neza. Umutoza Rubona (...)

Kwizera Olivier ni we nzaraga inkoni yanjye mu ikipe y’igihugu-Ndoli
Kwizera Olivier ni we nzaraga inkoni yanjye mu ikipe y’igihugu-Ndoli

Ndoli Jean Claude, umunyezamu wa AS Kigali n’ikipe y’igihugu “Amavubi” arahamya ko Kwizera Olivier ari we munyezamu yakwifuza kubona asigara mu izamu ry’ikipe y’igihugu “Amavubi” cyane ko abasigaye (...)

Umutoza wa Rayon Sports aracyafite icyizere cyo gusezerera Rivers United
Umutoza wa Rayon Sports aracyafite icyizere cyo gusezerera Rivers United

Tariki 22-04-2017: Rayon Sports-Rivers United (Amahoro-15h30) Umukino ubanza: Rivers United 2-0 Rayon Sports Ikipe ya Rayon Sports yatsinzwe umukino ubanza n’ikipe ya Rivers United yo muri (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.