Advertisement
 
 
 
 
 
 
 
 

Siporo | Siporo Mu Rwanda

APR FC yatije abakinnyi batatu AS Kigali   

  Yanditswe na BIZIMANA ERIC
 4 months ago

 
 

Ikipe ya AS Kigali yamaze kubona abakinnyi bashya batatu ibatijwe na APR FC.

Abo ni umunyezamu Ndoli Jean Claude na ba rutahizamu Mubumbyi Barnabe na Ndahinduka Michel uzwi nka Bugesera.

Aba bakinnyi bari ku rutonde rw’abakinnyi 9 APR FC yarekuye ngo bashake andi makipe.

Aganira n’Imvaho Nshya, Nshimiye Joseph ushinzwe imibereho y’abakinnyi ba AS Kigali yemeje ko bahawe aba bakinnyi mu gihe cy’umwaka umwe.

JPEG - 293.1 kb
Ndoli Jean Claude, wari umunyezamu wa APR FC ni umwe mu bakinnyi batijwe muri AS Kigali

Nshimiye yavuze ko barebye mu bakinnyi APR FC yari imaze kurekura, basanga bariya batatu bababyaza umusaruro, biyemeza kubatira APR FC cyane ko bari bagisigaranye amasezerano y’umwaka muri iyi kipe y’ingabo.

Yagize ati “Twarebye abo dukeneye. Twebwe twakoreye ku mibare ntabwo tubara inyungu z’amafaranga gusa, hari n’ibindi umuntu aba areba. Niba nari nkeneye umunyezamu na ba rutahizamu bakaba bafite babiri batababyariraga umusaruro njye nkaba nshobora kuwubabyaza nta kibazo”.

Ushinzwe imibereho y’abakinnyi ba AS Kigali atangaza ko iki ari igisubizo mu ruhande rw’ubusatirizi mu gihe bari bumvikanye n’umugande witwa Kassim wari uvuye muri Villa SC hakavuka ikibazo cy’umuhagarariye n’ubu bagitegereje ko ava i Bugande akaza bakumvikana.

AS Kigali kandi yari itegereje kumenya niba Azam FC izagumana Ndayisenga Fuadi wari umaze ibyumweru bibiri mu igeragezwa muri iyi kipe akaba yagombaga kuza mu Rwanda ku wa Gatandatu mu gihe yari kuba atsinzwe iri geragezwa.

AS Kigali na yo yatije APR FC abakinnyi
Nshimiye Joseph anavuga ko AS Kigali mu bufatanye igirana na APR FC yamaze kuyitiza mu gihe cy’umwaka abakinnyi Hakizimana Muhadjiri na Twizerimana Onesme.

Ati ’’ Si ubwa mbere bibaye, muranabizi ko ikipe zisanzwe zitizanya abakinnyi. APR FC twayitije Muhadjiri na Onesme mu gihe cy’umwaka umwe, umwaka utaha bazagaruka’’.

Izi kipe zanakunze kurangwa no guhanahana abakinnyi aho abakinnyi nka Sugira Erneste, Songa Isaie, Tibingana Charles Mwesigye bavuye muri APR FC berekeza muri AS Kigali.

 

Comments

pre-moderation

This forum is moderated before publication: your contribution will only appear after being validated by an administrator.

Who are you?
Your post
  • To create paragraphs, just leave blank lines.

 
 
Jimmy Mulisa yizeye gufasha abakinnyi ba APR FC kujya hanze
Jimmy Mulisa yizeye gufasha abakinnyi ba APR FC kujya hanze

Umutoza mushya w’ikipe ya APR FC wanabaye umukinnyi w’ikirangirire w’iyi kipe, Jimmy Mulisa aratangaza ko yiteguye guha ubumenyi akanavugana n’abantu baziranye mu rwego rwo gufasha abakinnyi ba APR (...)

Usengimana Danny yagaragaje aho agifite intege nke nubwo yitwara neza
Usengimana Danny yagaragaje aho agifite intege nke nubwo yitwara neza

Mu buzima busanzwe, buri wese agira icyo ashobora kuruta ibindi ndetse akanagira n’ikintu aba afitemo intege nke. Kwimenya bigufasha mu gufata ingamba zizagenga ubuzima bwawe. Ni nako bimeze kuri (...)

Tour du Rwanda 2016 yadusigiye amasomo menshi – Meya Harelimana
Tour du Rwanda 2016 yadusigiye amasomo menshi – Meya Harelimana

Nyuma y’isiganwa ry’amagare “Tour du Rwanda 2016’’ ryageze mu karere ka Rusizi ku nshuro ya mbere, abayobozi batandukanye muri aka karere bakomeje kuvuga ko ryabasigiye amasomo menshi ku byerekeranye (...)

APR FC iragaruka mu Rwanda uyu munsi
APR FC iragaruka mu Rwanda uyu munsi

Ikipe ya APR FC nyuma yo kutitwara neza igasezererwa mu irushanwa yari yatumiwemo muri Congo Brazzaville, uyu munsi taliki 27 Ugushyingo 2016 iragaruka mu Rwanda. Iyi kipe yerekeje muri Congo (...)

FIFA: U Rwanda rwazamutseho imyanya  6 ku rutonde
FIFA: U Rwanda rwazamutseho imyanya 6 ku rutonde

Ikipe y’u Rwanda iheruka gukina umukino taliki 03 Nzeri 2016 aho yanganyaga na Ghana igitego 1-1, ikomeje kuzamuka ku rutonde ngarukakwezi rukorwa n’ishyirahamwe ry’umupira w’amaguru ku isi “FIFA”. (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.