Advertisement
 
 
 
 
 
 
 
 

Siporo | Siporo Mu Rwanda

APR FC ntizaba iri mu makipe akomeye muri shampiyona 2016-2017 - Seninga   

  Yanditswe na BIZIMANA ERIC
 5 months ago

 
 

Umutoza wa Police FC, Seninga Innocent avuga ko APR FC itazaba iri mu makipe akomeye muri shampiyona ya 2016-2017 ahubwo yemeza ko Rayon Sports na AS Kigali ari zo abantu bakwiye kwitega.

Aganira n’Imvaho Nshya, Seninga yavuze ko AS Kigali na Rayon Sports ari zo kipe zifite imbaraga kuko zikinisha abakinnyi b’abanyamahanga bashobora kugaragaza ikinyuranyo kandi zikaba zitarabayemo impinduka nyinshi mu bakinnyi n’abatoza.

Seninga ati “Imbaraga zayo makipe ni uko zashyizemo abanyamahanga nka AS Kigali yashyizemo Kabange, umukinnyi mwiza, ufite ubunararibonye kandi ukomeye. Rayon Sports, uriya munya-Mali nabonye ari umukinnyi ukomeye, kandi bafite abakinnyi beza ba Nshuti Xavio kandi bamenyeranye, nibaza ko bazakora ikinyuranyo".

JPEG - 359.9 kb
Umutoza wa Police FC, Seninga avuga ko APR FC bishobora kutazayorohera kwitwara neza muri shampiyona ya 2016-2017

Kuri APR FC, Seninga atangaza ko izaba ari ikipe y’abakinnyi n’abatoza bashya ku buryo bizayifata igihe mu kumenyerana.

Ati “APR FC navuga ko baguze neza. Ariko guhita uvuga ngo barakomeye cyane waba wihuse n’abakurikiranye mu mikino ya gisirikare, ni ikipe ikiyubaka, abakinnyi benshi ntibaramenyerana, kandi bafite abatoza bashya, biba bigoranye ko umuntu yubaka ibintu bigahama mu mwaka umwe, sinahita mvuga ko ikaze cyane kandi ikinisha abanyarwanda . Urebye nta mukinnyi urimo ukora itandukanyirizo kuruta abandi ’’.

Seninga ariko yirinda kuvuga ikipe izatwara igikombe kuko itangira kugaragara nibuze nyuma y’imikino ibanza.

Ati “Gutwara igikombe habamo ibintu byinshi. Hari igihe utangira shampiyona bikanga, hari igihe utangira shampiyona wizeye abakinnyi bakavunika cyangwa se bakigendera cyane cyane nka bariya bakoresha abanyamahanga, ibyo byose ntibyatuma nemeza ngo ni kanaka uzatwara shampiyona, ibyo wabivuga ubona uko amakipe ahagaze nyuma y’imikino ibanza’’.

Shampiyona y’icyiciro cya mbere igomba gutangira mu mpera z’uku kwezi.

 

Comments

  • kalinda claude September 2016

    ariko nkubu uyu n’umutoza koko? aravuga amakipe y’abandi nkaho yavuze kuye? ubuse urumva no mumitoreze ye atazajya yita kumitoreze y’abandi? nkubu apr arayishakaho iki? mu isonga byaramunaniye avamo yirukanwe, muri kiyovu naho yavuyemo yirukanwe, gusa ntibazatinda kubona ko bibeshye mukumuha akazi pe! ese ubundi iyo bakihera wa mugore ngo ni grace ko yigezeno kumubera boss mu ikipe y’abagore nigute bahaye seninga akazi bagasiga grace wamwigishije gutoza igihe yaramwungirije, simbabeshye police niyo ifite ikipe yoroshye cyane ikagira na staff iri nkene haba mu bushobozi no mugufata ibyemezo gusa ifite amafaranga ikagira nubuyobozi bukunda ruhago.


 
 
Ibyo ukwiye kumenya ku Munyarwandakazi ushaka kwandikwa muri Guinness World Record
Ibyo ukwiye kumenya ku Munyarwandakazi ushaka kwandikwa muri Guinness World Record

Kuva kuri uyu Gatanu saa mbiri za mu gitondo, Uwamahoro Cathia, araba aharanira gukora bwa mbere umuhigo utarigeze ubaho kuva isi yaremwa, wo kwandikwa mu gitabo cy’abanyaduhigo nk’umukinnyi (...)

Umutoza wa Marines FC ati «Ntako bisa gutsinda Espoir  FC yakanze abantu»
Umutoza wa Marines FC ati «Ntako bisa gutsinda Espoir FC yakanze abantu»

Umutoza w’ikipe ya Marines FC, Nduhirabandi Abdoulkarim uzwi ku izina rya Coka aravuga ko yishimiye gutsinda ikipe ya Espoir FC yari imaze iminsi yitwara neza mu mikino ya shampiyona. Ni nyuma (...)

 Minnaert mu minsi 10 ye ya mbere nk’umutoza wa Mukura
Minnaert mu minsi 10 ye ya mbere nk’umutoza wa Mukura

Ishusho y’iminsi 10 ishize Mukura VS ihaye akazi umubiligi Ivan Minnaert ko gusimbura Umurundi Okoko Godefroid weguye ku mpamvu z’umusaruro mubi. Ubuzima ni bushya ku bakinnyi basigaye bakora (...)

Uko umunsi wa nyuma w’igura ry’abakinnyi ryari riteye
Uko umunsi wa nyuma w’igura ry’abakinnyi ryari riteye

Isoko ry’igura n’igurisha ry’abakinnyi ryo hagati mu mikino ibanza ya 2016-2017 ryaraye rifunze hano mu Rwanda. Nk’ibisanzwe ni isoko rititabiriwe cyane nk’iryo muri Nyakanga 2016, amwe mu makipe (...)

APR FC yerekeje muri Zambia
APR FC yerekeje muri Zambia

Ikipe ya APR FC yageze i Lusaka muri Zambia mu rukerera rwo kuri uyu wa Kane taliki 09 Gashyantare 2017 aho yagiye gukina n’ikipe ya Zanaco FC mu mikino y’Afurika y’amakipe yabaye aya mbere iwayo (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.