2017-05-23 15:35:04 clouds 27o High | Kigali Rwanda

Dukurikire:
 
 

APR FC na Rayon Sports zikomeje guhanganira igikombe

Yanditswe na IMVAHO NSHYA

Kuya 2016-05-12 06:31:28

 
Share on:
 
Yasuwe:6
 
Yavuzweho:200
 
10
 
10

Nyuma y’umunsi wa 23 wa shampiyona, ikipe ya APR FC na Rayon Sports zikomeje guhanganira igikombe cya shampiyona mu gihe hasigaye imikino irindwi ngo isozwe.

Ikipe ya APR FC iyoboye urutonde n’amanota 52 yatsinze Gicumbi FC ibitego 3-0 byose byabonetse mu gice cya kabiri bitsinzwe na Bigirimana Issa, Rugwiro Herve na Iranzi Jean Claude.

Nyuma yo gutsinda Bugesera FC ibitego 4-0 bya Ismaila Diarra watsinzi ibitego 3 na Kwizera Pierrot, Rayon Sports yakomeje kotsa igitutu ikipe ya APR FC kuko iri ku mwanya wa kabiri n’amanota 51, gusa Rayon Sports ifite umukino w’ikirarane igomba gukina na Etincelles FC.

JPEG - 274.4 kb
Kwizera Pierrot (imbere) na Ismaila Diarra bafashije Rayon Sports gutsinda Bugesera FC (Gentil)

Umutoza Masudi Juma avuga ko nta gutakaza umukino n’umwe.

Ati “Turashaka igikombe tugomba gutsinda rero imikino dusigaranye”.

Umutoza wa APR FC, Nizar Khanfir, ubwo yari amaze gutsinda Gicumbi FC yatangaje ko ari aba mbere ku rutonde barusha Rayon Sports inota rimwe.

Ati “Tugomba gutsinda ubundi tugategereza ahandi uko bigenda”.

Biragaraga ko Rayon Sports ihagaze neza mu busatirizi dore ko mu mikino 3 iheruka imaze gutsinda ibitego 16 igatsindwa igitego 1. Ismaila Diarra ubu niwe uyoboye ba rutahizamu bamaze gutsinda ibitego byinshi 13 akurikiwe na Lomami wa Kiyovu (12) na Kasirye ukinira Rayon Sports nawe ufite 12.

Mu yindi mikino y’umunsi wa 23 yabaye, Musanze yanganyije na Marines FC igitego 1-1, Rwamagana itsinda Sunris FC igitego 1-0, Etincelles FC yatsindiye Espoir FC iwayo igitego 1-0, Amagaju FC inganya na AS Kigali igitego 1-1.

Police FC iheruka gutsinda Gicumbi FC yongeye gutsinda AS Muhanga ibitego 2-0 bya Usengimana Danny naho Mukura itsindira Kiyovu ku Mumena igitego 1-0. Kiyovu nyuma yo kumara hafite imikino 3 idatsindwa, ubu uyu wari umukino wa 3 itsinzwe nyuma ya AS Kigali ndetse na Etincelles FC.

Imikino ya shampiyona izakomeza mu mpera z’iki cyumweru taliki 14 na 15 Gicurasi 2016 hakinwa umunsi wa 24.

atlantis ad

TANGA IGITEKEREZO

 
 
AMATEGEKO AGENGA IYANDIKA RY'IGITEKEREZO CYAWE