Advertisement
 
 
 
 
 
 
 
 

Siporo | Siporo Mu Rwanda

APR FC na Rayon Sports mu makimbirane akomeye ashingiye ku bakinnyi   

  Yanditswe na MURENGERATWARI DOMINIQUE
 2 months ago

 
 

Umunyamabanga mukuru wa APR FC, Kalisa Adolphe “Camarade” yatangaje ko abakinnyi babo Rwatubaye Abdoul na Rwigema Yves berekeje muri Rayon Sports batazigera bayikinira kuko nta mpapuro z’uko barekuwe bazabona (Release Letter).

Uko ikibazo giteye

Rayon Sports yasinyishije Rwatubyaye Abdoul mu mpera za Nyakanga 2016, ubwo yagombaga kujya muri Slovakia avuye muri APR FC ntibikunde. Haje gukurikiraho mu cyumweru gishize Rwigema Yves, nawe wakuriye mu ishuri rya APR FC ajya muri Rayon Sports avuga ko ari umukinnyi wigenga kuko nta masezerano yigeze agira muri APR FC.

Hari n’amakuru yavugaga ko Rayon Sports ishaka kugura Mukunzi Yannick na Eric Rutanga nabo bazamukiye muri iri shuri. APR FC ikavuga ko ari abakinnyi bizamuriye ku buryo nta burenganzira bafite bwo kujya mu yindi kipe.

Amasezerano y’abakinnyi bazamukiye mu ishuri rya APR FC ntavugwaho rumwe

JPEG - 295.5 kb
Umunyamabanga mukuru wa APR FC Kalisa Adolphe Camarade uvuga ko abakinnyi babo bagiye muri Rayon Sports batazabaha impapuro zibarekura

Abakinnyi bazamukiye muri iri shuri kimwe na Rwigema ntibigeze basinya amasezerano mu gihe amategeko ya FIFA ateganya ko ku myaka 18, umukinnyi wese agira amasezerano nk’umuntu umaze gukura. Amategeko y’u Rwanda akavuga ko amasezerano agomba kuba yanditse iyo afite agaciro k’ibihumbi birenze 50 by’amafaranga y’u Rwanda.

Mukunzi Yannick wakuriye muri iri shuri afata APR FC nk’umubyeyi ku buryo abonye ikipe imwifuza agomba kujya kubimenyesha ikamwemerera cyangwa ikamuhakanira. Kalisa Adolphe, umunyamabanga mukuru wa APR FC, yabwiye Imvaho Nshya ko inzego zose z’umupira w’amaguru ku isi zizi neza ko abakinnyi ari ababo.

Ati “Ufashe umwana, umurihiye amashuri umurihiye ibyo kurya, umwigishije umupira, arazamutse ajya mu ikipe nkuru umuha umushahara, umushyira muri banki, ikindi ni iki?”.

Yungamo ati “Bariya bose bakinnye igikombe cy’Afurika (CAN U-17 muri 2011), ntushobora gukina iki gikombe utanditse mu ikipe runaka, biba kuko ufitanye kontaro nabo. Kontaro bashaka ni iyihe? Kontaro si hagati ya kanaka na kanaka?, none se FERWAFA yatanze amakarita ishingiye kuki? CAF se yo yashingiye kuki? ibivugwa ni amafuti’’.

APR FC iti ntitwabarekura-Rayon iti bazadukinira byanze bikunze

Gakwaya Olivier, umunyamabanga mukuru wa Rayon Sports avuga ko yaba Rwatubyaye yaba na Rwigema ari abakinnyi babo kandi bagomba kubakinira byanze bikunze.

Nko kuri Rwatubyaye, Gakwaya yagize ati “Amaherezo ni amaherezo Rwatubyaye muzamubona muri Rayon Sports akina umupira. Ntibishoboka ko yakinira indi kipe itari Rayon Sports, si ibintu twavugaho amagambo menshi. Nta handi yajya Rayon Sports itabizi’’.

Umunyamabanga mukuru wa APR FC yabwiye Imvaho Nshya ko Rayon Sports itazigera ibona ibaruwa ibasezerera ya APR FC. Ati “Bariya bakinnyi bakinnye he umwaka ushize? ni muri APR FC. Ikipe ya nyuma ni APR FC, ni yo itanga urupapuro rubarekura, noneho bazarwihe turebe, barigorera ubusa”.

Kalisa yanaboneyeho kuvuga ko Rwigema ari umukinnyi wabo kuko taliki 19 Nzeli 2016 yahembwe umushahara w’ukwezi kwa Kanama 2016.

Ati “Uriya mwana (Rwigema) dufite inyandiko za banki zerekana ko yakuye amafaranga kuri konti akuraho n’umushahara kuko twabahembye taliki 19 Nzeli 2016, tunamuha n’ayo kumugura (Recrutement). Mubaze umunyamategeko niba umuntu ashobora guhembwa umwaka wose nta masezerano? hakenewe ka “Logique” gacye. Bariya ni abana bari muri gahunda yo gutesha umutwe APR FC. Igihe kizabibibwirira’’.

 

Comments

  • minani hassan 24 September

    umupira wacu urarangiye pe! !!! abayobozi babaswa nibo batuma utera imbere koko? ?? nawe gakwaya ati abakinnyi nabacu ntahandi bakina kuko twarabaguze tubaha amasezerano kandi ntayandi bari bafite ahandi, camarade nawe ati twarabagaburiye tubarihira amashuri nta rupapuro tuzabaha, gusa aratubeshye ngo bariya bana mukunzi yannick, rwatubyaye na rwigema Yves bakinnye CAN U 17 muri 2011 ? aratubeshye ikinyoma nkicya semuhanuka kuko murabo bose ntanumwe wagikinnye byibura niyo avuga mubumbyi canke Rutanga, .


pre-moderation

This forum is moderated before publication: your contribution will only appear after being validated by an administrator.

Who are you?
Your post
  • To create paragraphs, just leave blank lines.

 
 
Jimmy Mulisa yizeye gufasha abakinnyi ba APR FC kujya hanze
Jimmy Mulisa yizeye gufasha abakinnyi ba APR FC kujya hanze

Umutoza mushya w’ikipe ya APR FC wanabaye umukinnyi w’ikirangirire w’iyi kipe, Jimmy Mulisa aratangaza ko yiteguye guha ubumenyi akanavugana n’abantu baziranye mu rwego rwo gufasha abakinnyi ba APR (...)

Usengimana Danny yagaragaje aho agifite intege nke nubwo yitwara neza
Usengimana Danny yagaragaje aho agifite intege nke nubwo yitwara neza

Mu buzima busanzwe, buri wese agira icyo ashobora kuruta ibindi ndetse akanagira n’ikintu aba afitemo intege nke. Kwimenya bigufasha mu gufata ingamba zizagenga ubuzima bwawe. Ni nako bimeze kuri (...)

Tour du Rwanda 2016 yadusigiye amasomo menshi – Meya Harelimana
Tour du Rwanda 2016 yadusigiye amasomo menshi – Meya Harelimana

Nyuma y’isiganwa ry’amagare “Tour du Rwanda 2016’’ ryageze mu karere ka Rusizi ku nshuro ya mbere, abayobozi batandukanye muri aka karere bakomeje kuvuga ko ryabasigiye amasomo menshi ku byerekeranye (...)

APR FC iragaruka mu Rwanda uyu munsi
APR FC iragaruka mu Rwanda uyu munsi

Ikipe ya APR FC nyuma yo kutitwara neza igasezererwa mu irushanwa yari yatumiwemo muri Congo Brazzaville, uyu munsi taliki 27 Ugushyingo 2016 iragaruka mu Rwanda. Iyi kipe yerekeje muri Congo (...)

FIFA: U Rwanda rwazamutseho imyanya  6 ku rutonde
FIFA: U Rwanda rwazamutseho imyanya 6 ku rutonde

Ikipe y’u Rwanda iheruka gukina umukino taliki 03 Nzeri 2016 aho yanganyaga na Ghana igitego 1-1, ikomeje kuzamuka ku rutonde ngarukakwezi rukorwa n’ishyirahamwe ry’umupira w’amaguru ku isi “FIFA”. (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.