2017-05-27 10:19:18 clouds 27o High | Kigali Rwanda

Dukurikire:
 
 

APR FC irakira Rayon Sports zihanganiye igikombe

Yanditswe na IMVAHO NSHYA

Kuya 2016-05-03 05:13:13

 
Share on:
 
Yasuwe:6
 
Yavuzweho:200
 
10
 
10

Ikipe ya APR FC iyoboye urutonde rwa shampiyona, uyu munsi taliki 03 Gicurasi 2016 irakira ikipe ya Rayon Sports iri ku mwanya wa kabiri akaba ari nayo bigarara ko zingahangiye igikombe. Uyu mukino urabera kuri Sitade Amahoro saa kumi n’ebyiri (18h00).

Uyu mukino uraza kuba ukomeye kuko aya makipe akurikiranye mu manota. APR FC ya mbere ifite amanota 46 naho Rayon Sports ifite amanota 42. Rayon Sports iramutse itsinze uyu mukino yagira amanota 45 igakomeza kuba iya kabiri inyuma ya APR FC ariko ifite umukino w’ikirarane izakina na Etincelles FC bivuze ko iwutsinze yahita irusha APR FC amanota 2.

JPEG - 386.5 kb
APR FC irakina na Rayon Sports iheruka kuyitsinda muri Werurwe 2014

APR FC inafite igikombe giheruka imaze gutakaza imikino 2 nyuma y’umunsi wa 2. Iramutse itakaje uyu mukino bishobora kuyigora kwegukana igikombe. Uretse kuba ari n’umukino w’amateka kuko aya makipe iyo yahuye haba hari uguhangana cyane, APR FC iramutse itsinze byatuma yizera bidasubirwaho kwegukana igikombe cya shampiyona cyaba kibaye icya 16.

Uko abatoza b’aya makipe babona uyu mukino

Umutoza wa APR FC, Nizar Khanfir, ugiye gutoza uyu mukino we wa mbere w’aya makipe avuga ko ari umukino utaza kuba woroshye kuko kubera APR FC iyoboye urutonde ikipe yose iba ishaka kubatsinda.

Ati “Turagerageza gukina umukino wacu mwiza, ushoboye atsinde”.
Umutoza wa Rayon Sports, Irambona Masudi Juma wakiye aya makipe yombi nawe ni ubwa mbere agiye gutoza uyu mukino.

Yagize ati “ Shampiyona ijya gutangira tubizi ko tuzakina na APR FC si bishya, turakina Imana nibishaka turatsinda”.

Ku myiteguro yavuze ko nta kinini wakongeraho uretse gutegura abakinnyi mu mutwe wenda no guhindura uburyo bw’imikinire mu kibuga.

Ati “APR FC ikina umukino wo hasi urumva ko tugomba guhindura uburyo bw’imikinire, gusa gutsinda uyu mukino ni ibintu bikomeye kuko ni ukugana imbere”.

Mu mukino ubanza wa shampiyona aya makipe yanganyije 0-0. Ikipe ya Rayon Sports iheruka gutsinda APR FC mu mukino wo kwishyura muri shampiyona ya 2013-2014, muri Werurwe 2014 umukino warangiye ari ibitego 2-1.

Umukinnyi Bizimana Djihad wavuye muri Rayon Sports ntaribukine uyu mukino ku ruhande rwa APR FC naho Niyonzima Olivier “Sefu” ku ruhande rwa Rayon Sports nawe ntaribukine kuko aba bose bafite amakarita abiri y’umuhondo.

Kwinjira kuri uyu mukino, ni ibihumbi 10 mu cyubahiro, ibihumbi 5 iruhande rwaho, ibihumbi 3 ahatwikiriye n’1000 ahasigaye hose.

Indi mikino y’umunsi wa 21 iza kuba

Mu yindi mikino itaganyijwe, ikipe ya Bugesera irakira Rwamagana City FC, Amagaju FC ikine na Musanze FC, Espoir FC ikine na Marines, Kiyovu ikine na AS Kigal, Mukura yakire Gicumbi FC naho AS Muhanga ikine na Etincelles FC.

atlantis ad

TANGA IGITEKEREZO

 
 
AMATEGEKO AGENGA IYANDIKA RY'IGITEKEREZO CYAWE