Advertisement
 
 
 
 
 
 
 
 

Siporo | Siporo Mu Rwanda

APR FC iragaruka mu Rwanda uyu munsi   

  Yanditswe na BUGINGO FIDELE
 2 months ago

 
 

Ikipe ya APR FC nyuma yo kutitwara neza igasezererwa mu irushanwa yari yatumiwemo muri Congo Brazzaville, uyu munsi taliki 27 Ugushyingo 2016 iragaruka mu Rwanda.

Iyi kipe yerekeje muri Congo Brazzaville taliki 19 Ugushyingo 2016 aho yari igiye kwitabira irushanwa ryo kwizihiza isabukuru ya Repubulika “Tournoi de la Republique” izaba ejo taliki 28 Ugushyingo 2016. APR FC yisanze mu itsinda A hamwe FC Kondzo na CARA Brazzaville zose zo muri Congo Brazzaville.

Umukino wa mbere wabaye taliki 20 Ugushyingo 2016, APR FC itsindwa na CARA Brazzaville ibitego 2-0. Amahirwe yari asigaye yo gukomeza muri ½ kwari ugutsinda umukino wa kabiri yagombaga gukina na FC Kondzo.

Si ko byagenze kuko taliki 24 Ugushyingo 2016, APR FC yanganyije na FC Kondzo igitego 1-1 hitabazwa penaliti kuko hashakwaga ikipe iba iya kabiri maze FC Kondzo yinjiza 5, APR FC yinjiza 4 ihita isezererwa.

JPEG - 533.1 kb
APR FC iragaruka mu Rwanda itangire kwitegure umukino wa shampiyona izakina na Etincellles FC

Iri rushanwa ribaye ku nshuro ya kabiri rizasozwa taliki 28 Ugushyingo 2016 hakinwa imikino ya nyuma aho ikipe ya mbere izahabwa igikombe na miliyoni 10 z’ ama CFA asaga miliyoni 13 z’amanyarwanda. Iya kabiri izabona miliyoni 5 z’ ama CFA asaga 6 z’amanyarwanda, iya 3 ibone 2 naho iya 4 ibone miliyoni 1.

Ikipe ya APR FC ubu imaze kugira imikino 2 y’ibirarane harimo uwa Kirehe FC na Pepiniere FC nigera mu Rwanda izahita ikomeza imyiteguro yo kwakira ikipe ya Etincelles FC mu mukino w’umunsi wa 7 wa shampiyona. Umukino uzabera kuri Sitade ya Kigali i Nyamirambo.

Abakinnyi APR FC yari yajyanye muri Congo Brazzaville

Iyi kipe ya APR FC yari yajyanye abakinnyi 20 ari bo Mvuyekure Emery, Rusheshangoga Michel, Imanishimwe Emmanuel, Usengimana Faustin, Rugwiro Herve, Mukunzi Yannick, Mwiseneza Djamal, Buteera Andrew, Bigirimana Issa, Hakizimana Muhadjir, Habyarimana Innocent, Ntaribi Steven, Ngabo Albert, Ngandu Omar, Bizimana Djihad, Sibomana Patrick, Rutanga Eric, Nininahazwe Fabrice, Benedata Janvier na Irambona Fabrice.

 

Comments

 
 
Ibyo ukwiye kumenya ku Munyarwandakazi ushaka kwandikwa muri Guinness World Record
Ibyo ukwiye kumenya ku Munyarwandakazi ushaka kwandikwa muri Guinness World Record

Kuva kuri uyu Gatanu saa mbiri za mu gitondo, Uwamahoro Cathia, araba aharanira gukora bwa mbere umuhigo utarigeze ubaho kuva isi yaremwa, wo kwandikwa mu gitabo cy’abanyaduhigo nk’umukinnyi (...)

Umutoza wa Marines FC ati «Ntako bisa gutsinda Espoir  FC yakanze abantu»
Umutoza wa Marines FC ati «Ntako bisa gutsinda Espoir FC yakanze abantu»

Umutoza w’ikipe ya Marines FC, Nduhirabandi Abdoulkarim uzwi ku izina rya Coka aravuga ko yishimiye gutsinda ikipe ya Espoir FC yari imaze iminsi yitwara neza mu mikino ya shampiyona. Ni nyuma (...)

 Minnaert mu minsi 10 ye ya mbere nk’umutoza wa Mukura
Minnaert mu minsi 10 ye ya mbere nk’umutoza wa Mukura

Ishusho y’iminsi 10 ishize Mukura VS ihaye akazi umubiligi Ivan Minnaert ko gusimbura Umurundi Okoko Godefroid weguye ku mpamvu z’umusaruro mubi. Ubuzima ni bushya ku bakinnyi basigaye bakora (...)

Uko umunsi wa nyuma w’igura ry’abakinnyi ryari riteye
Uko umunsi wa nyuma w’igura ry’abakinnyi ryari riteye

Isoko ry’igura n’igurisha ry’abakinnyi ryo hagati mu mikino ibanza ya 2016-2017 ryaraye rifunze hano mu Rwanda. Nk’ibisanzwe ni isoko rititabiriwe cyane nk’iryo muri Nyakanga 2016, amwe mu makipe (...)

APR FC yerekeje muri Zambia
APR FC yerekeje muri Zambia

Ikipe ya APR FC yageze i Lusaka muri Zambia mu rukerera rwo kuri uyu wa Kane taliki 09 Gashyantare 2017 aho yagiye gukina n’ikipe ya Zanaco FC mu mikino y’Afurika y’amakipe yabaye aya mbere iwayo (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.