Advertisement
 
 
 
 
 
 
 
 

Siporo | Siporo Mu Rwanda

APR FC: Hakizimana Muhadjiri arasabwa gukora ibidasanzwe   

  Yanditswe na BIZIMANA ERIC
 3 months ago

 
 

Hakizimana Muhadjiri, ’wari warahawe akazina ka ’’El Maestro’’ mu mwaka ushize biturutse ku kuyobora ubusatirizi bwa Mukura VS, ni umwe mu bakinnyi bagomba gukora cyane kugira ngo babone umwanya ubanzamo muri APR FC.

Muhadjiri, ni izina ryavuzwe cyane muri shampiyona ya 2015/2016, aho yasoje shampiyona ayoboye abandi n’ibitego 16, bimuhesha amahirwe yo gusinyira AS Kigali ahita ajya muri APR FC.

Muhadjiri, Murumuna wa Kapiteni w’ikipe y’igihugu Amavubi, Haruna Niyonzima, yaje gukoresha impano afite yo kubyaza umusaruro imipira y’imiterekano, atsinda Coup Franc y’amateka yatumye Amavubi anganya na Ghana taliki 05 Nzeli 2016 i Accra.

JPEG - 123.7 kb
Umukinnyi Muhadjiri Hakizimana w’ikipe y’APR FC usabwa gukora bidasanzwe.

Uyu musore w’imyaka 23 yaje gutangira neza urugendo rwe muri APR FC agirwa umukinnyi w’irushanwa rya gisirikare ’’EAC Military Games’’ ryo mu mpera za 2016, anitwara neza mu mikino ya mbere ya shampiyona.

Kuri ubu ibintu byabaye nk’ibihinduka aho Muhadjiri, umaze gutsinda ibitego bibiri gusa muri shampiyona, asigaye ari umusimbura muri APR FC.

Jimmy Mulisa, umutoza mukuru wa APR FC avuga ko Muhadjiri yazize imvune yagize mu Gushyingo umwaka ushize ubwo iyi kipe yitabiraga irushanwa ryo muri Congo Brazaville.

Ati ’’Ngitangira gutoza yari afite imvune atangira kugaruka gahoro gahoro. Wenda umukino ukurikira azaba ameze neza.’’

Ngabo Albert, kapiteni wa APR FC yemeza ko Muhadjiri agomba guhinduka mu mitekerereze yo kwiyumva nk’umukinnyi wamaze gukomera, kuko ntaho aragera ugereranyije na mukuru we Haruna Niyonzima na we wanyuze muri iyi kipe mbere y’uko yerekeza muri Young Africans.

Aganira n’Imvaho Nshya, yagize ati ’’Muhadjiri ni umukinnyi mwiza uzi gutera imipira y’imiterekano, bamwegereye bakamuganiriza ni bwo yakomeza kuzamuka kuko ku giti cye ashobora kuba yumva ko ari umukinnyi mwiza ’’.

 

Comments

 
 
Mu Rwanda hari abana bafite impano ariko ntibategurwa neza-Rubona
Mu Rwanda hari abana bafite impano ariko ntibategurwa neza-Rubona

Umutoza w’ishyuri ry’umupira w’amaguru ry’ikipe ya APR FC, Rubona Emmanuel atangaza ko mu Rwanda hari abana bafite impano mu mupira w’amaguru ariko bakaba badategurwa neza. Umutoza Rubona (...)

Kwizera Olivier ni we nzaraga inkoni yanjye mu ikipe y’igihugu-Ndoli
Kwizera Olivier ni we nzaraga inkoni yanjye mu ikipe y’igihugu-Ndoli

Ndoli Jean Claude, umunyezamu wa AS Kigali n’ikipe y’igihugu “Amavubi” arahamya ko Kwizera Olivier ari we munyezamu yakwifuza kubona asigara mu izamu ry’ikipe y’igihugu “Amavubi” cyane ko abasigaye (...)

Umutoza wa Rayon Sports aracyafite icyizere cyo gusezerera Rivers United
Umutoza wa Rayon Sports aracyafite icyizere cyo gusezerera Rivers United

Tariki 22-04-2017: Rayon Sports-Rivers United (Amahoro-15h30) Umukino ubanza: Rivers United 2-0 Rayon Sports Ikipe ya Rayon Sports yatsinzwe umukino ubanza n’ikipe ya Rivers United yo muri (...)

Nibabona ntarakoze neza, bazansezerere-Seninga
Nibabona ntarakoze neza, bazansezerere-Seninga

Umutoza mukuru wa Police FC, Seninga Innocent aravuga ko yagerageje kwitwara neza mu mwaka umwe yahawe w’amasezerano muri iyi kipe. Uyu mutoza yari yahawe amasezerano y’umwaka umwe tariki 17 (...)

Tugiye gukina n’ikipe idatsindirwa iwayo ariko ntitugiye gutsindwa - Masudi
Tugiye gukina n’ikipe idatsindirwa iwayo ariko ntitugiye gutsindwa - Masudi

Taliki 16-04-2017: Rivers United-Rayon Sports (Port Harcourt -17h00) Ku ya 22-04-2017: Rayon Sports-Rivers United (Amahoro-15h30) Ikipe ya Rayon Sports irahaguruka mu Rwanda uyu munsi taliki (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.