Advertisement
 
 
 
 
 
 
 
 

Siporo | Siporo Mu Rwanda

Amavubi yatsinzwe na Senegal mu mukino wa gicuti   

  Yanditswe na BUGINGO FIDELE
 May 2016

 
 

Amavubi 0-2 Senegal

Ikipe ya Senegal imaze iminsi mu Rwanda yitegura umukino wo gushaka itike ya CAN 2017 ejo hashize taliki 28 Gicurasi 2016 yatsinze ikipe y’u Rwanda “Amavubi” mu mukino wa gicuti ibitego 2-0.

Igitego cya mbere cyabonetse ku munota wa 14 gitsinzwe na Mame Biram Diouf wigeze gukinira Manchester United ubu akaba akinira Stoke City naho igitego cya kabiri gitsindwa na Younousse Sankaré ku munota wa 30.

Mu gice cya kabiri, umutoza w’Amavubi yahinduye abakinnyi bagerageza gukina ariko Senegal ikomeza kurusha Amavubi. Nyuma y’umukino, umutoza w’Amavubi, McKinstry yatangaje ko uyu wari umukino wo kwitegura, avuga ko igice cya mbere byabagoye cyane gusa igice cya kabiri bagerageje guhindura abakinnyi bagerageza gukina.

JPEG - 363.5 kb
Umwe mu bakinnyi ba Senegal bakomeye, Sadio Mane(10) ukina muri shampiyona y’u Bwongereza (Foto Ngabo R)

Kapiteni w’Amavubi, Haruna Niyonzima yavuze ko ntawishimira gutsindwa, “gusa ni byiza ko hari amakosa twakoze abatoza babonye tugomba gukosora bityo tukazitwara neza mu mukino utaha.”

Naho rutahizamu Tuyisenge Jacques yavuze ko Senegal yabatsinze ibarusha gusa ko byabafashije kumenya urwego bariho.

Umutoza wa Senegal, Aliou Cissé yatangaje ko yishimiye uko ikipe ye yakinnye n’ubwo agifite byinshi byo gukosora. Yavuze ko ikipe y’u Rwanda ari nziza ifite abakinnyi bafite impano ko bakomeje gukora bazagira ikipe ikomeye.

Uyu mutoza yishimiye muri rusange uko bakiriwe mu Rwanda. Ati “Twakiriwe neza cyane sinzi uko nabivuga uretse gukangurira n’abandi kuzaza mu Rwanda. Mu Rwanda ni heza kandi bakunda abantu bakanabakira neza cyane”.

Amavubi azakira Mozambique, Senegal ikine n’u Burundi

Taliki 04 Kamena 2016, Amavubi azakira ikipe ya Mozambique mu gushaka itike ya CAN 2017. Umutoza McKinstry yatangaje ko Mozambique itari ku rwego rumwe na Senegal.

Ati “Uyu mukino twakinnye ni imyitozo myiza izadufasha kwitwara neza ku mukino wa Mozambique”.

Kapiteni Haruna yatangaje ko kubera uyu mukino wa Senegal biza gufasha buri mukinnyi wese gutekereza ku mukino wa Mozambique. Umukino ubanza Amavubi yatsindiye Mozambique iwayo igitego 1-0.

Ikipe ya Senegal iyoboye itsinda K n’amanota 12 izakina n’u Burundi Bujumbura taliki 04 Kamena 2016. Umutoza Aliou Cissé yatangaje ko gutsinda Amavubi bitavuze ko azatsinda u Burundi. Ati “Hari byinshi ngiye gukomeza gukora kugira ngo nzatsinde u Burundi”.

Senegal ikaba iri mu Rwanda kuva taliki 22 Gicurasi 2016 aho bazava berekeza i Burundi gukina n’ikipe y’igihugu.

 

Comments

pre-moderation

Igitekerezo cyanyu kiragaragara kimaze gusumwa n'umwanditsi mukuru wa Imvaho Nshya

Izina Ryanyu
IGITEKEREZO

 
 
Espoir FC yaguze umukinnyi ukomoka muri Cameroun
Espoir FC yaguze umukinnyi ukomoka muri Cameroun

Ikipe ya Espoir FC yo mu Karere ka Rusizi yamaze gusinyisha rutahizamu ukomoka muri Cameroun witwa Akono Isidore Olivier wakiniraga ikipe ya Soana FC yo muri Uganda. Umutoza wa Espoir FC, (...)

Police FC: Seninga ahangayikishijwe no kubura kapiteni we
Police FC: Seninga ahangayikishijwe no kubura kapiteni we

Umutoza mukuru wa Police FC, Seninga Innocent aravuga ko ahangayikishijwe bikomeye no kubura kapiteni Twagizimana Fabrice bakunze kwita “Ndi ku kazi’’ wavunikiye bikomeye ku mukino Police FC (...)

Muganza yasinyiye gukinira Kiyovu amezi atandatu
Muganza yasinyiye gukinira Kiyovu amezi atandatu

Muganza Isaac waciye mu makipe atandukanye hano mu Rwanda yamaze gusinyira kuzakinira ikipe ya Kiyovu Sports amezi 6 ashobora kuzongerwa bitewe n’uko azitarwa. Uyu musore agiye muri Kiyovu (...)

Abakunzi ba Mukura basabye ko hatumizwa inteko rusange igitaraganya
Abakunzi ba Mukura basabye ko hatumizwa inteko rusange igitaraganya

Bashingiye ku musaruro mubi n’umwuka utari mwiza mu ikipe yabo, abakunzi ba Mukura VS bemeje ko bagiye gusaba Perezida w’ikipe yabo agatumiza inama y’inteko rusange idasanzwe yo gucoca ibi bibazo. (...)

Umutoza wa Kiyovu  yavuze impamvu ikipe ye ititwara  neza kuri buri mukino
Umutoza wa Kiyovu yavuze impamvu ikipe ye ititwara neza kuri buri mukino

Nyuma y’uko ikipe ya Kiyovu yitwaye neza igatsinda AS Kigali ibitego 2-1mu mukino w’umunsi wa 13 wa shampiyona, umutoza Kanamugire Aloys yagize icyo atangaza kuri iyi kipe itsinda umukino umwe (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.