Advertisement
 
 
 
 
 
 
 
 

Siporo | Siporo Mu Rwanda

Amavubi: Mckinstry yasobanuye impamvu adahamagara Rushenguziminega   

  Yanditswe na BIZIMANA ERIC
 May 2016

 
 

Umutoza w’Amavubi, Johnathan Mckinstry yasobanuye ko kudahamagara Rushenguziminega Quentin mu mukino w’Amavubi na Mozambique byatewe n’uko ahagaze nabi, biturutse ku kubura umwanya mu ikipe akinamo ya Lusanne Sport yazamutse mu cyiciro cya mbere mu Busuwisi.

Iki ni cyo gisubizo Mckinstry yatanze ubwo yari abajijwe impamvu uyu musore utarahamagawe, hakavuka amakuru yemeza ko Rushenguziminega atakifuza gukinira Amavubi, biturutse ku kubwirwa nabi n’umwe mu bayobozi w’Amavubi wavuze ko nta kidasanzwe bazana n’ubwo baba bavuye hanze.

Mckinstry yemeza ko kudahamagarwa k’uyu rutahizamu byaturutse ku kuba adahagaze neza akaba yarakinnye imikino 6 muri 32 ya Lusanne Sport nk’uko Imvaho Nshya yari yabigarutseho.

Yagize ati "Impamvu Quentin atari ahangaha ni uko atari gukina mu ikipe ye. Murabizi ko ngerageza gukurikirana abakinnyi bacu beza, ariko nzi ko atari umukinnyi uhoraho mu ikipe ye. Twaranavuganye mu byumweru bibiri byabanjirije guhamagara ikipe y’igihugu".

JPEG - 328.1 kb
Umutoza w’Amavubi, McKinstry avuga ko hari igihe Rushenguziminega azongera agahamagarw a mu ikipe y’igihugu (Foto James R)

Yakomeje agira ati “Mu mwiherero ushize, Quentin ntiyari mu bihe bye, nawe arabizi. Ni ikibazo kuko yiyemeza kuza mu ikipe y’igihugu, ni na byo byatumye ahura n’ibibazo arimo uyu munsi, kuko umutoza w’ikipe ye yari yamubujije. Yaraje ahageze anahavana imvune, umutoza we ntiyongera no kumukinisha".

Umutoza w’Amavubi yemeje ko Rushenguziminega afite gahunda yo guhindura ikipe ku buryo bikunze yagaruka mu Mavubi yitegura Ghana muri Nzeli 2016 mu gihe yaba ahagaze neza.

Mckinstry ati "Quentin azahindura ikipe ahindure n’ubuzima. Mu mpera z’icyumweru gishize yakinnye umukino wa gicuti wo kumufasha kwigaragaza ku makipe yamugura. Twarabivuganye, twumvikana icyo namufasha kugira ngo abone ikipe. Nizeye ko nagira imyiteguro myiza ya shampiyona, akongera gutyara imbere y’izamu, twizeye ko yagaruka niba tuzakina umukino wa gicuti muri Kanama, cyangwa se akanaza muri Ghana muri Nzeli 2016".

Mu kiganiro kihariye yaherukaga kugirana n’Imvaho Nshya ari mu Busuwisi, Rushenguziminega nawe yemeye ko adafitiwe icyizere na Fabianni Celestini, umusuwisi utoza iyi kipe.

Ati "Ni byiza ko tugiye gutwara igikombe. Yego sinkina kubera guhangana gukomeye kuri mu ikipe yacu, bituma umutoza akora amahitamo ye".

Rushenguziminega umaze gukina imikino 3 mu Mavubi, ku myaka 24 y’amavuko yageze muri Lusanne Sport avuye muri Echallens FC yo mu cyiciro ka kabiri, aho yari yaratsinze ibitego 23 mu mikino 21.

 

Comments

 
 
Basketball: Patriots BBC irakira REG BBC mu mukino w’ishiraniro
Basketball: Patriots BBC irakira REG BBC mu mukino w’ishiraniro

Uyu munsi : Espoir BBC- APR BBC (Amahoro-19h00) ; Patriots BBC - REG BBC (Amahoro -21h00) Ejo tariki 29-04-2017: IPRC Kigali - CSK BBC (Amahoro-16h00) Tariki 30-04-2017: UGB BBC - Rusizi BBC (...)

Rayon Sports: Nshimiyimana yemeje ko nta kibazo afitanye na Masudi
Rayon Sports: Nshimiyimana yemeje ko nta kibazo afitanye na Masudi

Umutoza wungirije wa Rayon Sports, Nshimiyimana Maurice bakunze kwita Maso yatangaje ko nta kibazo afitanye n’umutoza mukuru Masudi Djuma. Masudi Djuma yahagaritswe imikino ibiri n’ubuyobozi (...)

Mu Rwanda hari abana bafite impano ariko ntibategurwa neza-Rubona
Mu Rwanda hari abana bafite impano ariko ntibategurwa neza-Rubona

Umutoza w’ishyuri ry’umupira w’amaguru ry’ikipe ya APR FC, Rubona Emmanuel atangaza ko mu Rwanda hari abana bafite impano mu mupira w’amaguru ariko bakaba badategurwa neza. Umutoza Rubona (...)

Kwizera Olivier ni we nzaraga inkoni yanjye mu ikipe y’igihugu-Ndoli
Kwizera Olivier ni we nzaraga inkoni yanjye mu ikipe y’igihugu-Ndoli

Ndoli Jean Claude, umunyezamu wa AS Kigali n’ikipe y’igihugu “Amavubi” arahamya ko Kwizera Olivier ari we munyezamu yakwifuza kubona asigara mu izamu ry’ikipe y’igihugu “Amavubi” cyane ko abasigaye (...)

Umutoza wa Rayon Sports aracyafite icyizere cyo gusezerera Rivers United
Umutoza wa Rayon Sports aracyafite icyizere cyo gusezerera Rivers United

Tariki 22-04-2017: Rayon Sports-Rivers United (Amahoro-15h30) Umukino ubanza: Rivers United 2-0 Rayon Sports Ikipe ya Rayon Sports yatsinzwe umukino ubanza n’ikipe ya Rivers United yo muri (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.