2017-06-25 09:02:18 clouds 27o High | Kigali Rwanda

Dukurikire:
 
 

Amakipe atatu ashobora kuzira kutamenyekanisha imisoro

Yanditswe na IMVAHO NSHYA

Kuya 2017-03-29 06:49:50

 
Share on:
 
Yasuwe:1123
 
Yavuzweho:200
 
10
 
10

Ubuyobozi bw’ishyirahamwe ry’umupira w’amagurumu Rwanda
“FERWAFA” buravuga ko butishimiye imyitwarire y’amakipe atatu yananiwe kumenyekanisha imisoro y’imyenda abereyemo Ikigo cy’igihugu cy’imisoro n’amahoro (RRA) ku gihe.

Aya makipe ari yo Mukura, Etincelles FC na Espoir FC yagombaga kuba yararangije kumenyekanisha iyi misoro bitarenze mu mpera z’umwaka ushize wa 2016 nk’uko inama y’inteko rusange ya FERWAFA yabereye i Musanze muri Nzeri 2016 yabisabye amakipe yose y’icyiciro cya mbere.

Perezida wa FERWAFA, Nzamwita Vincent De Gaulle avuga ko uku kutagaragaza imisoro ku gihe gushobora gutuma aya makipe atagaragara mu yo bazakorera ubuvugizi bugamije gusonera amakipe imisoro ya kera .

Ati “Ntidushaka kuvugira amakipe kugira ngo bavaneho imisoro yose, icyo dushaka ni ukugira ngo dukore ubuvugizi ku byabaye mbere kuko twari twagiye mu biganiro byinshi na RRA twemeza ko ibyabaye mbere tugiye kubyirengagiza’’.

JPEG - 241.8 kb
Mukura iri mu makipe ataragaragaza ibirarane by’imisoro

Ageze kuri aya makipe, Nzamwita ati “Ibyo twabivugiye mu nama y’i Musanze, niba rero bo batarabyubahirije nta buvugizi tuzigera tubakorera kuko twabyemereje mu nteko rusange abayobozi bose bahari imbere y’abayobozi ba RRA’’.

Umunyamabanga mukuru wa Mukura, Niyobuhungiro Fidele n’uwa Espoir FC, Rukundo Emmanuel batangaza ko babaye batinze kubimenyekanisha kubera impinduka zabaye mu buyobozi ariko bari kwihutira kubimenyekanisha.

Iki kibazo cy’imisoro kigiye kumara imyaka ibiri aho amakipe asabwa kwishyurira abakozi bayo iyi misoro, mu gihe abari mu mupira bo basanga hari imisoro itakabaye ibarwa nk’iyo mu gihe aya makipe atari yakabonye ubuzima gatozi nk’ibigo byemewe n’amategeko.

atlantis ad

TANGA IGITEKEREZO

 
 
AMATEGEKO AGENGA IYANDIKA RY'IGITEKEREZO CYAWE