Advertisement
 
 
 
 
 
 
 
 

Siporo | Siporo Mu Rwanda

Rusizi na Nyamasheke bagiye kubona isiganwa ry’amagare bwa mbere   

  Yanditswe na Bugingo Fidele
 9 May

 
 

Mu irushanwa “Rwanda Cycling Cup 2016” ryatangiye ejo hashize taliki 07 Gicurasi 2016 harimo intera zimwe zizagera mu Karere ka Rusizi na Nyamasheke, iki gice akaba ari ubwa mbere hagiye kugera isiganwa.

Kuva muri 2009, isiganwa ry’amagare mu Rwanda “Tour du Rwanda” riba mpuzamahanga ndetse na mbere yaho ntabwo isiganwa iryo ari ryo ryose ryageraga mu karere ka Rusizi bitewe ahanini bitewe n’umuhanda utari umeze neza cyane cyane mu ishyamba rya Nyungwe.

Perezida w’Ishyirahamwe ry’umukino wo gusiganwa ku magare mu Rwanda “FERWACY”, Bayingana Aimable yatangaje ko ku nshuro ya mbere isiganwa ry’amagare “Rwanda Cycling Cup 2016” igiye kugera mu Karere ka Rusizi na Nyamasheke.

JPEG - 228.5 kb
Perezida wa FERWACY,Bayingana Aimable wemeza ko inzira ya Karongi Rusizi-Huye izakoreshwa muri Tour du Rwanda 2016

Taliki 22 Ukwakira 2016, hazaba “Kivu Belt”, intera izava Karongi ice Nyamasheke isorezwe i Rusizi baciye mu muhanda mushya uherutse kuzura mu minsi ya vuba.

Bukeye bwaho, abasiganwa bazava Rusizi basoreze i Huye mu isiganwa ryiswe “Nyungwe Challenge”, aho abasiganwa bazagenda ibilometero bisaga 30 mu ishyamba rya Nyungwe.

Bayingana akaba yaremeje ko bizaba ari ibintu byiza kuko iyi nzira ari ubwa mbere izaba ikoreshejwe. Avuga ko izi zizaba ari intera za nyuma za “Rwanda Cycling Cup 2016” irushanwa ritegura Tour du Rwanda 2016.

Perezida wa FERWACY, Bayingana yemeje ko izi ntera zizakoreshwa muri Tour du Rwanda 2016, ati “Izi nzira twarazisuye kandi twarazishimye nta kibazo turizera ko muri Tour du Rwanda 2016 zizakoreshwa”. Gusa muri Kamena 2016 ni bwo bazatangaza inzira zemejwe zizanyuramo Tour du Rwanda 2016.

Tour du Rwanda 2016 izaba igiye kuba ku nshuro ya 8 ari mpuzamahanga izatangira taliki 13 isozwe 20 Ugushyingo 2016.

 

Comments

Who are you?
Your post
  • To create paragraphs, just leave blank lines.

 
 
Rutahizamu w’ikipe ya APR FC ufite  igitego kimwe ashaka gusoza afite 15
Rutahizamu w’ikipe ya APR FC ufite igitego kimwe ashaka gusoza afite 15

Bigirimana Issa, rutahizamu w’ikipe ya APR FC w’imyaka 23 aratangaza ko yifuza gukora amateka yo kuba umukinnyi watsinze ibitego byinshi muri shampiyona ya 2016/2017. Ni umuhigo usa n’utoroshye (...)

Mu myaka 2 tuzaba dufite ikipe y’igihugu y’abagore ikomeye - Rwemalika
Mu myaka 2 tuzaba dufite ikipe y’igihugu y’abagore ikomeye - Rwemalika

Felicite Rwemarika, umuyobozi mu ishyirahamwe ry’umupira mu Rwanda (FERWAFA) ushinzwe by’umwihariko iterambere ry’umupira w’abagore aremeza ko mu gihe cy’imyaka ibiri abanyarwanda bazaba bafite ikipe (...)

Jimmy Mulisa azanye impinduka mu mikinire ya APR FC
Jimmy Mulisa azanye impinduka mu mikinire ya APR FC

Umutoza mushya wa APR FC, Jimmy Mulisa aravuga ko nyuma yo guhabwa iyi ikipe agiye kuvugurura imikinire yayo. Ayo mavugurura Mulisa ateganya ni ayo gutuma APR FC igiye kujya ikina umupira (...)

Nyuma y’umunsi wa 7 wa shampiyona, Rayon Sports ntirinjizwa igitego
Nyuma y’umunsi wa 7 wa shampiyona, Rayon Sports ntirinjizwa igitego

Ikipe ya Rayon Sports yatangiye neza shampiyona y’umwaka wa 2016-2017 ku buryo kugeza itaratsindwa umukino n’umwe ndetse ntirinjizwa igitego mu izamu ryayo, ibintu biboneka gake muri shampiyona (...)

Jimmy Mulisa yizeye gufasha abakinnyi ba APR FC kujya hanze
Jimmy Mulisa yizeye gufasha abakinnyi ba APR FC kujya hanze

Umutoza mushya w’ikipe ya APR FC wanabaye umukinnyi w’ikirangirire w’iyi kipe, Jimmy Mulisa aratangaza ko yiteguye guha ubumenyi akanavugana n’abantu baziranye mu rwego rwo gufasha abakinnyi ba APR (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.