Advertisement
 
 
 
 
 
 
 
 

Siporo | Siporo Mu Rwanda

Amagare: Niyonshuti yegukanye intera ibanza ya shampiyona y’igihugu   

  Yanditswe na BUGINGO FIDELE
 June 2016

 
 

1. Niyonshuti Adrien 54’17’’, 2. Ndayisenga Valens 56’ 52’’, 3. Uwizeyimana Bonaventure 56’59’’, 4. Biziyaremye Joseph 57’29’’

Niyonshuti Adrien ukinira ikipe ya Dimension Data ni yegukanye intera ya mbere ya shampiyona y’igihugu aho abakinnyi basiganwa ku giti cyabo harebwa igihe bakoresheje “Individual Time Trial”.

Abakinnyi bakuru n’abatarengeje imyaka 23 bakoraga intera y’ibilometero 40,6 aho bavaga Nyamata-Ramiro bakagaruka i Nyamata. Niyonshuti akaba yabaye uwa mbere akoresheje iminota 54 n’amasegonda 17, yakurikiwe na Ndayisenga Valens bakinana muri Dimension Data we akaba yakoresheje iminota 56 n’amasegonda 52 naho uwa 3 aba Uwizeyimana Bonaventure nawe ukinira Dimension Data aho yakoresheje iminota 56 n’amasegonda 59.

JPEG - 179.8 kb
Niyonshuti amaze kwambikwa umwambaro werekana ko ari uwa mbere muri shampiyona y’igihugu (Bugingo F.)

Uretse mu bakuru n’abatarengeje imyaka 23, mu bahungu hari n’abo mu cyiciro cy’ingimbi basiganwe aho bakoze intera y’ibilometero 22,8 bakaba bavaga Nyamata bakagera bagakatira Mayange bakagaruka i Nyamata.

Ukiniwabo Rene ukinira Amis Sportif y’i Rwamagana ni we wabaye uwa mbere naho mu bakobwa Girubuntu Jeanne D’arc usanzwe yegukana umwanya wa mbere ubu akaba aba mu Busuwisi mu kigo cy’imyitozo cy’ishyirahamwe ry’umukino wo gusiganwa ku magare ku isi “UCI -WCC” yegukana iyi ntera.

Nyuma yo kwitwara neza, Niyonshuti yatangaje ko bimushimishije kuko ataherukaga kwitwara neza muri shampiyona y’igihugu. Akomeza avuga ko yari amaze iminsi yitegura cyane ngo azabashe kwitwara neza kuko umwaka ushize yari afite uburwayi.

Naho ku ruhande rwa Girubuntu we yishimiye kuba noneho asigaye afite abo bahangana ati “Byanshimishije kuba nabonye hari abandi bakobwa duhangana, naje nzi ko ndibubatsinde kuko aho ndi mba nkora imyitozo isumbyeho iy’aba hano ariko nabo ndabasaba kujya bigirira icyizere”.

Shampiyona irakomeza uyu munsi

Uyu munsi taliki 26 Kamena 2016, shampiyona irakomeza haba isiganwa ryo mu muhanda. Abasiganwa barahagurukira i Muhanga basoreze mu mujyi wa Huye.

Abakobwa barava Muhanga bagere i Huye (78,3 km), ingimbi (Juniors) ni Muhanga-Huye bazenguruke inshuro 2 inzira ya Sitade Huye-Giraffe Motel-Iposita-Hotel Ibis-Isoko rya Huye-Ibitaro bya Butare-Barthos Hotel-Hotel Credo-Inzu Mberabyombi (89,3 km). Abakinnyi bakuru n’abatarengeje imyaka 23 barava Muhanga bagere Huye bazenguruke inshuro 6 (111,3 km).

Iyi shampiyona ibaye hari abakinnyi badahari barimo Nsengimana wegukanye Tour du Rwanda 2015, Aleluya Joseph, Hakuzimana Camera na Uwizeye Jean Claude bari muri Tour of Colombia. Umwaka ushize iyi ntera yegukanywe na Ndayisenga Valens naho intera yo mu muhanda yegukanwa na Biziyaremye Joseph.

 

Comments

 
 
Intumwa ya FIFA yaje kureba aho kubaka Hotel ya FERWAFA bigeze
Intumwa ya FIFA yaje kureba aho kubaka Hotel ya FERWAFA bigeze

Intumwa y’Ishyirahamwe ry’umupira w’amaguru ku Isi “FIFA”, Daniel Krebs, ushinzwe ibijyanye n’ibikoresho na gahunda y’ibikorwa bibyara inyungu yagiriye uruzinduko mu Rwanda. Ishyirahamwe ry’umupira (...)

Amakipe atatu ashobora kuzira kutamenyekanisha imisoro
Amakipe atatu ashobora kuzira kutamenyekanisha imisoro

Ubuyobozi bw’ishyirahamwe ry’umupira w’amagurumu Rwanda “FERWAFA” buravuga ko butishimiye imyitwarire y’amakipe atatu yananiwe kumenyekanisha imisoro y’imyenda abereyemo Ikigo cy’igihugu cy’imisoro (...)

Mu kwezi kumwe muzambaze niba nziyamamariza kuyobora FERWAFA - V. de Gaulle
Mu kwezi kumwe muzambaze niba nziyamamariza kuyobora FERWAFA - V. de Gaulle

Perezida w’Ishyirahamwe ry’Umupira w’Amaguru mu Rwanda “FERWAFA”, Nzamwita Vincent De Gaulle aravuga ko mu kwezi kumwe ari bwo azatangaza niba aziyamamariza manda ya kabiri yo kuyobora iri (...)

RGB yahaye amakipe mashya ya Karate ibyemezo by’ubuzima gatozi
RGB yahaye amakipe mashya ya Karate ibyemezo by’ubuzima gatozi

Ikigo cy’Igihugu cy’Imiyoborere, RGB, cyahaye amakipe atatu y’umukino wa Karate Wado Ryu ibyemezo by’ubuzima gatozi ku Cyumweru ku ya 27 Werurwe 2017. Amakipe yahawe ibyo byemezo biyemerera (...)

Masudi  yahishuye ibanga rituma Rayon Sports yitwara neza muri iyi minsi
Masudi yahishuye ibanga rituma Rayon Sports yitwara neza muri iyi minsi

Ikipe ya Rayon Sports ubu iri ku mwanya wa mbere ku rutonde rwa shampiyona n’amanota 49; irusha ikipe ya APR FC iri ku mwanya wa kabiri amanota 8 ndetse iyi kipe ya Rayon Sports ikaba ifite (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.