2017-07-23 11:30:24 clouds 27o High | Kigali Rwanda

Dukurikire:
 
 

Amagare: Niyonshuti yatangiye shampiyona y’igihugu yitwara neza

Yanditswe na IMVAHO NSHYA

Kuya 2017-06-25 10:58:48

 
Share on:
 
Yasuwe:29
 
Yavuzweho:200
 
10
 
10

Abakuru (41,8 km): Niyonshuti Adrien 54’32”; Ndayisenga Valens 55’17”; Nsengimana Jean Bosco 55’40”;
Ingimbi (25 km): Habimana Jean Eric 35’37”; Nkurunziza Yves 36’03”
Manizabayo Eric 36’57”
Abakobwa (25 km): Ingabire Beatha 40’52”; Nirere Xaverine 41’08”; Girubuntu Jeanne d’Arc 43’54”

Nk’uko byagenze muri shampiyona y’umwaka ushize wa 2016, Niyonshuti Adrien yongeye kwegukana intera ya mbere ya shampiyona y’igihugu 2017 aho mu gusiganwa n’igihe umukinnyi ku giti cye “Individual Time Trial” ahareshya n’ibilometero 41,8 yabaye uwa mbere akoresheje iminota 54 n’amasegonda 32.

Intera ya mbere ya shampiyona y’igihugu yabereye i Nyamata mu karere ka Bugesera ejo hashize tariki 24 Kamena 2017 aho abasiganwa mu bahungu bakuru bavaga Nyamata mu mujyi bagakatira Ramiro bakagaruka i Nyamata mu mujyi.

JPEG - 294.8 kb
Niyonshuti Adrien wegukanye intera ya mbere ya shampiyona y’igihugu (Foto Bugingo F)

Niyonshuti ukinira Dimension Data for Qhubeka yegukanye umwanya wa mbere akurikiwe na Ndayisenga Valens wakoresheje iminota 55 n’amasegona 17 aho Nsengimana Jean Bosco aba uwa 3 yakoresheje iminota 55 n’amasegonda 40. Mu batarengeje imyaka 23, Tuyishimire Ephrem ni we wegukanye umwanya wa mbere.

Niyonshuti yatangaje ko icyatumye atsinda ari uko nta kibazo yagize ngo atobokeshe n’ibindi. Yatangaje ko yishimye kuba yongeye gutwara iyi ntera ya shampiyona. Niyonshuti avuga ko afite intego yo kwegukana shampiyona aheruka muri 2012.

Mu ngimbi, aho basiganwe ibilometero 25, Habimana Jean Eric ukinira Fly ni we wabaye uwa mbere akoresheje iminota 35 n’amasogonda 37 yakurikiwe na Nkurinziza Yves wakoresheje iminota 36 n’amasegonda 3 naho Manizabayo Eric aba uwa 3 akoresheje iminota 36 n’amasegonda 57.

Mu bakobwa na bo basiganwe intera y’ibilometero 25, Ingabire Beatha ni we waje ku mwanya wa mbere aho yakoresheje iminota 40 n’amasegonda 52 akurikirwa na Nirere Xaverine (41’08”) naho Girubuntu Jeanne d’Arc wari usanzwe aba uwa mbere aza ku mwanya wa 3 aho yakoresheje iminota 43 n’amasegonda 54.

Uyu munsi haraba isiganwa ryo mu muhanda

Uyu munsi tariki 25 Kamena 2017, haraba isiganwa ryo mu muhanda “Road Race” ari na ryo riza gutanga umukinnyi wegukana shampiyona y’igihugu muri 2017. Umwaka ushize mu ntera yavaga i Kigali igera i Huye yegukanwe na Uwizeyimana ubu utaritabiriye iyi shampiyona.

Intera y’uyu munsi irava i Ngoma isoreze i Kigali aho babanza kuzenguruka bagasoza bakoze ibilometero 187 ku bakinnyi bakuru n’abatarengeje imyaka 23 “Elites & U23” naho abakinnyi b’ingimbi “Juniors” bazava i Ngoma basoreze i Kigali bakore ibilometero 99,5 cyo kimwe n’abakobwa.

BUGINGO FIDELE

atlantis ad

TANGA IGITEKEREZO

 
 
AMATEGEKO AGENGA IYANDIKA RY'IGITEKEREZO CYAWE