2017-08-22 09:34:31 clouds 27o High | Kigali Rwanda

Dukurikire:
 
 

Amagare: Ikipe y’u Rwanda yasoje ari iya gatatu muri Tour du Cameroun

Yanditswe na IMVAHO NSHYA

Kuya 2017-03-21 07:12:15

 
Share on:
 
Yasuwe:319
 
Yavuzweho:200
 
10
 
10

Ikipe y’u Rwanda yari yitabiriye isiganwa rya “Tour du Cameroun 2017” kuva taliki 11-19 Werurwe 2017 ntabwo yitwaye neza nk’uko byari byitezwe nyuma y’aho umukinnyi waje hafi yaje ku mwanya wa 10 naho ikipe muri rusange ikaza ku mwanya wa 3.

Nyuma y’intera 8, Holler Nikodemus ukinira ikipe ya Bike Aid ni we wasoje ku mwanya wa mbere aho yakoresheje amasaha 24, umunota 1 n’amasegonda 27 yakurikiwe na Mraouni Salah Eddine ukomoka muri Maroc akaba akinira ikipe ya Kuwait - Cartuchoes naho ku mwanya wa 3 haza Van Engelen Adne.

Abakinnyi b’u Rwanda baje hafi ni Ndayisenga Valens wegukanye Tour du Rwanda 2016 waje ku mwanya wa 10, Uwizeye Jean Claude (11), Uwizeyimana Bonaventure (13), Ukiniwabo Rene Jean Paul (14), Nsengimana Jean Bosco (21) na Tuyishimire Ephrem (23).

JPEG - 395.7 kb
Ikipe y’u Rwanda itaratanze umusaruro ushimishije nk’uko byari byitezwe muri Tour du Cameroun 2017

Mbere yo kuva mu Rwanda iyi kipe yahabwaga amahirwe yo kuba yakwegukana iri siganwa ariko nta mukinnyi w’u Rwanda wabashije kwegukana intera uretse Nsengimana wabashije kuza ku mwanya wa 2 mu ntera ya 7 yo kuva Boumnyebel kugera Mbalmayo.

Ikipe ya Bike Aid irimo uwegukanye iri siganwa ni yo yasoje ku mwanya wa mbere ikurikirwa na Maroc naho ikipe y’u Rwanda iza ku mwanya wa 3. Umukinyi w’u Rwanda Nsengimana Jean Bosco ni we wasoje ayoboye abazi kuzamuka kurusha abandi n’amanota 38 naho Ndayisenga Valens aba umukinnyi muto witwaye neza. Iyi kipe ikaba yaraye igarutse mu Rwanda.

atlantis ad

TANGA IGITEKEREZO

 
 
AMATEGEKO AGENGA IYANDIKA RY'IGITEKEREZO CYAWE