Advertisement
 
 
 
 
 
 
 
 

Siporo | Siporo Mu Rwanda

Amagare: Hadi na Nsengimana berekeje mu Budage   

  Yanditswe na BUGINGO FIDELE
 April 2016

 
 

Abakinnyi 2 b’Abanyarwanda, Hadi Janvier na Nsengimana Jean Bosco wegukanye Tour du Rwanda 2015 berekeje mu Budage mu ikipe ya Stradalli Bike Aid.

Aba bakinnyi bombi baguzwe n’iyi kipe mu ntangiriro z’uyu mwaka wa 2016 bari batarabasha kugenda kubera ikibazo cy’ibyangombwa ariko, Nsengimana Jean Bosco yagiye yitabira amarushanwa menshi arimo La Tropicale Amissa Bongo na Tour du Cameroun ari kumwe n’iyi kipe.

Hadi Janvier na Nsengimana Jean Bosco bahagurutse mu Rwanda ejo hashize taliki 19 Mata 2016 berekeza mu Budage aho iyi kipe ibarizwa. Mbere yo kwerekeza mu Budage, Hadi Janvier yatangaje ko ari amahirwe babonye yo kuzamura urwego rwabo rw’imikinire.

JPEG - 203.6 kb
Nsengimana Jean Bosco (ibumoso) na Hadi Janvier berekeje muri Budage mu ikipe ya Stradalli Bike Aid

Iyi kipe ya Stradalli Bike Aid yashinzwe muri 2012 ifite intego zo kuzamura umukino wo gusiganwa ku magare ariko bibanda ku bakinnyi bafite ubuhanga muri Afurika akaba ari yo mpamvu iyi kipe ikunze kuba yiganjemo abakinnyi bakomoka muri Eritrea kimwe mu gihugu muri Afurika gifite abakinnyi benshi kandi bakomeye muri uyu mukino.

Ndayisenga na Uwizeyimana nabo bari mu Butaliyani

Ndayisenga Valens na Uwizeyimana Bonaventure na bo bamaze kuba abakinnyi b’ikipe ya “Team Dimension Data” berekeje mu Butaliyani mu mujyi wa Lucca aho iyi kipe ibarizwa.

Gusa aba basore bombi bazakinira ikipe ya kabiri kuko iya mbere irimo abakinnyi bakomeye nka Mark Cavendish n’abandi batandukanye barimo n’umunyarwanda, Niyonshuti Adrien.

Iyi kipe yahoze yitwa MTN-Qhubeka yashingiwe muri Afurika y’Epfo.

Abakinnyi uko ari 4 bagiye gukina nk’ababigize umwuga ntabwo bazongera gukinira ikipe y’u Rwanda mu marushanwa atandukanye arimo na Tour du Rwanda uretse muri za shampiyona za Afurika cyangwa ku Isi.

 

Comments

 
 
Basketball: Patriots BBC irakira REG BBC mu mukino w’ishiraniro
Basketball: Patriots BBC irakira REG BBC mu mukino w’ishiraniro

Uyu munsi : Espoir BBC- APR BBC (Amahoro-19h00) ; Patriots BBC - REG BBC (Amahoro -21h00) Ejo tariki 29-04-2017: IPRC Kigali - CSK BBC (Amahoro-16h00) Tariki 30-04-2017: UGB BBC - Rusizi BBC (...)

Rayon Sports: Nshimiyimana yemeje ko nta kibazo afitanye na Masudi
Rayon Sports: Nshimiyimana yemeje ko nta kibazo afitanye na Masudi

Umutoza wungirije wa Rayon Sports, Nshimiyimana Maurice bakunze kwita Maso yatangaje ko nta kibazo afitanye n’umutoza mukuru Masudi Djuma. Masudi Djuma yahagaritswe imikino ibiri n’ubuyobozi (...)

Mu Rwanda hari abana bafite impano ariko ntibategurwa neza-Rubona
Mu Rwanda hari abana bafite impano ariko ntibategurwa neza-Rubona

Umutoza w’ishyuri ry’umupira w’amaguru ry’ikipe ya APR FC, Rubona Emmanuel atangaza ko mu Rwanda hari abana bafite impano mu mupira w’amaguru ariko bakaba badategurwa neza. Umutoza Rubona (...)

Kwizera Olivier ni we nzaraga inkoni yanjye mu ikipe y’igihugu-Ndoli
Kwizera Olivier ni we nzaraga inkoni yanjye mu ikipe y’igihugu-Ndoli

Ndoli Jean Claude, umunyezamu wa AS Kigali n’ikipe y’igihugu “Amavubi” arahamya ko Kwizera Olivier ari we munyezamu yakwifuza kubona asigara mu izamu ry’ikipe y’igihugu “Amavubi” cyane ko abasigaye (...)

Umutoza wa Rayon Sports aracyafite icyizere cyo gusezerera Rivers United
Umutoza wa Rayon Sports aracyafite icyizere cyo gusezerera Rivers United

Tariki 22-04-2017: Rayon Sports-Rivers United (Amahoro-15h30) Umukino ubanza: Rivers United 2-0 Rayon Sports Ikipe ya Rayon Sports yatsinzwe umukino ubanza n’ikipe ya Rivers United yo muri (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.